Аз моҳи декабри соли 2018 дар дафтари Радиои Озодӣ дар Душанбе кор мекунад. Дар гузашта хабарнигори нашрияи "ИмрӯзNews" ва Оҷонси иттилоотии "Озодагон" буд. Хатмкардаи факултаи рӯзноманигории Донишгоҳи миллии Тоҷикистон.
Маҳмурод Одинаев, муовини раиси Ҳизби сотсиал-демократи Тоҷикистон ва фаъоли шабакаҳои иҷтимоӣ, баъди ду ҳафтаи нопадид будан аз худ дарак додааст. Раҳматилло Зоиров, раиси ҲСДТ, рӯзи 4-уми декабр дар нишасти матбуотӣ гуфт, "ӯ дар озодӣ аст" ва "захми пойҳояшро табобат мекунад".
Гуруҳе аз занони маъюб дар шаҳри Душанбе талош доранд, коргоҳи дузандагӣ ташкил кунанд.
Абдумаҷид Муъминзод, раиси Хадамоти зиддиинҳисории Тоҷикистон, гарон шудани нархи баъзе аз маҳсулот, аз ҷумла тухми мурғро ба "омилҳои берунӣ" рабт дод. Баъзе аз вакилони порлумон бо ин ҷавоб розӣ нестанд.
Моликони баъзе аз дӯкону корхонаҳо дар маҳаллаҳои наздик ба шаҳри Душанбе аз идома ёфтани маҳдудияти нерӯи барқ нигарон ҳастанд. Онҳо мегӯянд, камбуди барқ дар тақрибан як моҳи охир ба кору даромадашон сахт зарба задааст.
Ҳоким Холиқзода, раиси тозатаъини Бонки Миллии Тоҷикистон гуфт, ки дигарбора эътимоди мардумро ба бонкҳо бармегардонанд ва қурби асъорро дар сатҳи муътадил нигоҳ медоранд. Ин дар ҳолест, ки низоми бонкии кишвар пас аз буҳрони солҳои 2015-2016 ҳанӯз "ба худ наомадааст".
Ҳамагирӣ ё пандемияи коронавирус, бино бар эъломияҳои Созмони Ҷаҳонии Беҳдошт, ба муносибати байни одамон асабоният ва шиддат ворид кардааст.
Кумитаи рушди сайёҳии Тоҷикистон мегуяд, барои ҳалли як мушкили ҷиддии сокинон садҳо ташноб ва ҳоҷатхонаҳои умумӣ сохта, ба истифода доданд.
Пас аз мулоқоти тақрибан 3 соати ҳайатҳои Тоҷикистону Қирғизистон вазирони хориҷии ду кишвар Барномаи ҳамкориҳо миёни вазоратҳои хориҷии Тоҷикистон ва Қирғизистон барои солҳои 2021-2022-ро ба тасвиб расонданд.
Рустамҷон Қурбонов, ҷавони 23 солаи тоҷик ҳамарӯза пас аз кор, машғули сохтани нармафзору барномаҳои интернетӣ аст. Ӯ чунин корро на дар дафтари корӣ, балки бо як компиютери оддӣ, дар айвони хурди манзили зисташон анҷом медиҳад.
Рустамҷон Қурбонов, як барномасози тоҷик мегӯяд, нармафзорҳои телефоние, ки офаридааст, дар даҳҳо кишвар истифода мебаранд.
Барканории Хосият Ортиқова, овозхони шинохтаи тоҷик, аз раёсати ансамбли “Чаман” ва рондани чанд зани рубобнавоз аз ин гуруҳи зери итоати Филармонияи давлатии Тоҷикистон нигаронии онҳоро ба бор овардааст.
Ҷавонони тоҷик, ки барои таҳсил дар донишгоҳҳои кишварҳои хориҷа қабул шуда, бо хуруҷи коронавирус натавонистанд ба дарсҳо ҳозир шаванд, аз шароити анҷоми дарсҳои фосилавӣ дар кишвар, нигаронӣ доранд.
Пайвандони баъзе аз журналистони кушташуда дар солҳои ҷанги шаҳрвандии Тоҷикистон (1992-1997) бо гузашти қариб се даҳсола ҳанӯз дар бораи омилон ва фармоишгарони қатли онҳо маълумот надоранд.
Бо гузашти се даҳсола аз қатли чанд журналист дар Тоҷикистон пайвандонашон дар бораи қотилони онҳо маълумоте надоранд ва ҳанӯз мунтазири тантанаи адолат ҳастанд. Тафтишот рози куштори онҳоро то кунун ошкор накардааст.
Дар Тоҷикистон нигоҳҳо ба интихоботи раиси ҷумҳури Амрико мухталиф буда, бархе таҳлилгарон натиҷаи ин маъракаи сиёсиро барои кишвар муҳим арзёбӣ мекунанд.
Коршиносони тоҷик мегӯянд, интихоботи раёсати ҷумҳурии Амрико ва пирӯзии ҳар кадоме аз номзадҳо, раиси ҷумҳур Доналд Трамп ва ё рақиби демократаш Ҷо Байден ба Тоҷикистон ҳам таъсир мерасонад. Чӣ гуна таъсир? Худатон бубинед:
Як ҷавон аз ноҳияи Роштқалъаи вилояти Мухтори кӯҳистони Бадахшон шикоят дорад, ки бо вуҷуди хатми донишгоҳ тариқи квотаи президентӣ ва дарёфти роҳхат, наметавонад ҷои кор пайдо кунад.
Садҳо ҷавони тоҷик аз ноҳияҳои дурдаст, ки бо мусоидати ҳукумат таҳсили карданду мутахассис шуданд, дар зодгоҳҳояшон ҷойи кор намеёбанд ва саргардону нигарон шудаанд.
Дар Тоҷикистон ба ду палаи тарозуи адолат, ки рамзи адли додгоҳӣ аст, нигоҳи баробар надоранд.
Ёфтҳои бештар
