Аз моҳи декабри соли 2018 дар дафтари Радиои Озодӣ дар Душанбе кор мекунад. Дар гузашта хабарнигори нашрияи "ИмрӯзNews" ва Оҷонси иттилоотии "Озодагон" буд. Хатмкардаи факултаи рӯзноманигории Донишгоҳи миллии Тоҷикистон.
Ҳукумати ноҳияи Шоҳмансур дар Душанбе ба зидди Далери Имомалӣ, рӯзноманигори боздоштшудаи тоҷик, ба Додситонӣ шикоят кардааст. Раиси ноҳия, Билол Иброҳим, рӯзи 20-уми июл ӯро ба бозтоби, ба гуфтааш, нодурусти тахриби хонаҳо ва монеъ шудан ба кори намояндагони ҳукумат муттаҳам донист.
Раиси Додгоҳи олии Тоҷикистон гуфт, танҳо ҳамин сол се додрас ба гумони ришвахорӣ дастгир шудаанд ва ҳоло мунтазиранд, ки ҳамкорони собиқашон онҳоро ҷазо бидиҳанд.
Дар Тоҷикистон танҳо дар 6 моҳи имсол беш аз 7 ҳазор ҷуфт аз ҳам ҷудо шудаанд. Бино ба омори расмӣ, ин рақам дар муқоиса ба ҳамин давраи соли гузашта 12 дарсад зиёдтар аст.
Имсол издивоҷи бонувони тоҷик бо шаҳрвандони хориҷӣ кам шудааст. Ба иттилои мақомот, аз аввали имсол то имрӯз 39 никоҳ бо хориҷиёнро сабт кардаанд. Соли гузашта 116 адад будааст. Дар ин бора дар нишасти Вазорати адлия хабар дода, гуфтанд дар Тоҷикистон талоқ ҳам зиёд шудааст. Чаро?
Раиси Додгоҳи олии Тоҷикистон ҷузъиёти парвандаи Рустам Саидаҳмадзода, додраси собиқи Додгоҳи ноҳияи Бобоҷон Ғафуровро, ки бо "ҳукми сафед"-аш машҳур аст ва ду ҳафта пеш дастгир шуд, шарҳ дод.
Масъулони Хадамоти алоқа як сабаби паст будани суръат ва сифати Интернетро дар Тоҷикистон "истифодаи нодурусти он аз сӯйи мардум" номиданд. Ин дар ҳолест, ки муштариён ҳамеша гуноҳи ширкатҳои мухобиротӣ ва Хадамоти алоқа медонанд.
Мақомоти Тоҷикистон мегӯянд, як сабаби паст будани суръату сифати интернет дар истифодаи нодурусти он аз сӯйи худи корбарон аст. Ин дар ҳоле, ки муштариён пайваста аз суст будани суръати интернет дар телефонҳояшон ширкатҳои мухобиротӣ ва ниҳодҳои дигари масъулро танқид мекунанд.
Зулфия Давлатзода рӯзи 12-уми июл дар як нишасти матбуотӣ иддао кард, ки коргардон "аз матни асар дур рафта, онро таҳриф кардааст", аммо далели мушаххас наовард. Барзу Абдураззоқов мегӯяд, бо ҳамин мазмун номаи расмӣ гирифт, вале бо он розӣ несту хулосаашро ба зудӣ хоҳад фиристод.
Баъзе аз сокинон афзоиши 20-дарсадии маошро дар Тоҷикистон дуруст шумурда, вале онро барои харчи моҳона кофӣ намедонанд. Далели онҳо болоравии бесобиқаи нархи маҳсулот дар бозорҳои кишвар будааст.
Чанд захмии таркишро дар як нуқтаи фурӯши сӯзишвории Қубодиён аз бемористони Душанбе ба хонаашон ҷавоб додаанд. Модари яке аз онҳо гуфт, пизишкон хостаанд, муолиҷаро дар хона идома бидиҳанд, ҳарчанд мушкил аст. Табибон гуфтанд, ин кор муваққатист ва бо хоҳиши оилаҳо шуд.
Пас аз ду соли маҳдудиятҳои пандемияи коронавирус ин тобистон бархе сокинон барои истироҳати тобистонаи худ ба хориҷ аз кишвар рафтаанд.
Бархе сокинон пас аз ду соли маҳудиятҳо ба хотири ҷилавгирӣ аз КОВИД 19 сафар барои истироҳат дар хориҷро оғоз кардаанд. Сокинони миёнаҳол Самарқанду Бухороро интихоб кардаанд ва сарватмандон бештар ба Туркия ва Дубай мераванд. Гурӯҳи зиёд ҳам бинобар бепулӣ ба ҳеҷ ҷо нарафтаанд.
Пас аз як моҳи афзоиши қурби рубли русӣ дар баробари сомонӣ, арзиши он дар бонкҳои Тоҷикистон дигарбора поин рафт. Баръакс, арзиши доллари амрикоӣ тайи ду рӯзи охир тақрибан ҷойгоҳи пешинаашро гирифтааст.
Дар Тоҷикистон дубора арзиши рубли русӣ дар баробари сомонӣ поин рафт. Қурби рубл барои аксар сокинони Тоҷикистон як мавзӯи муҳим аст, чун наздиконашон аз Русия асосан пули русӣ мефиристанд.
Баъзе аз сокинон шикоят доранд, ки имсол, бо вуҷуди фаровонӣ, нархи мева дар бозорҳои Душанбе гарону дастнорас аст. Деҳқонҳо мегӯянд, ҳосили хуб гирифтанд, аммо маҳсулотро дар бозор на онҳо, балки тоҷирон мефурӯшанд. Масъулон бовар доранд, нарх барои омма муносиб аст.
Моҳе пеш ҷасади Талбак Бобоев, як сокини ноҳияи Шамсиддин Шоҳинро аз “Баҳри Норак” пайдо карданд.
Дар шаҳри Душанбе намоишгоҳи молу маҳсулот бо ҳузури 70 ширкату корхонаи мухталиф баргузор шуд, ки дар назар аст, то ду рӯзи дигар идома ёбад.
Вакилони Маҷлиси намояндагон, палатаи поёнии парлумони Тоҷикистон бо ислоҳ ва илова ба Кодекси ҷиноӣ ҷазо барои озори ҷинсии кӯдакону ноболиғонро сахттар карданд.
Тахриби хонаҳо дар чанд маҳаллаи ҷамоати Айнии ноҳияи Варзоб, канори шаҳри Душанбе, мардумро норозӣ кардааст. Онҳо мегӯянд, солҳо пеш бо қарори ҳукумат барои худу оилаашон сарпаноҳ сохтанд, аммо дигарбора беҷой монданд.
Сокинони деҳаи Камонгарон шикоят доранд, ки тақрибан як сол боз оби ҳаммому ҳоҷатхонаи зиндони нави Ваҳдат “бидуни поккории зарурӣ” ба ҷӯйбори маҳаллаашон мерезаду касе дар фикри ҳаллаш нест. Масъулон мегӯянд, “каме буйи бад ҳаст”, вале масъала ба он ҳадде нест, ки сокинон тасвир мекунанд.
Ёфтҳои бештар
