Дар бозии дигари ҳаштякфинал мизбони мусобиқот – Олмон – мунтахаби Данияро бо ҳисоби 2:0 шикаст дод. Голҳоро Ҳавертс дар дақиқаи 53-юм ва Мусиала дар дақиқаи 68-ум заданд.
Ҳамин тариқ, дастаҳои мунтахаби Швейтсария ва Олмон ба даври ¼-ниҳоӣ роҳ ёфтанд. Қаҳрамони феълии Аврупо – Италия ва Дания, ки аз ҳаққи идомаи мубориза маҳрум шуданд, мусобиқотро тарк мекунанд.
Дар чорякфинал Олмон бо ғолиби ҷуфти Испания — Гурҷистон, Швейтсария бо ғолиби ҷуфти Англия — Словакия рӯбарӯ мешаванд.
Дар марҳилаи гурӯҳии қаҳрамонии футболи Аврупо дар Олмон 24 тими миллӣ иштирок кард. Дастаҳо ба шаш гурӯҳ тақсим шуда буданд. Ду дастаи беҳтарин аз ҳар гурӯҳ, инчунин чаҳор дастаи нишондҳояшон хубтари ҷойҳои севум ба даври 1/8-ниҳоӣ роҳ ёфтанд.
Олмон ва Швейтсария аз гурӯҳи А, Испания ва Италия аз гурӯҳи В, Англия, Дания ва Словения аз гурӯҳи С, Австрия, Фаронса ва Ҳолланд аз гурӯҳи D, Руминия, Белгия ва Словакия аз гурӯҳи Е, Португалия, Туркия, Гурҷистон аз гурӯҳи F - ба плей-офф баромаданд.
Бозиҳои даври 1/8-ниҳоии қаҳрамонии Аврупо дар Олмон, ки 29-уми июн шуруъ шуданд, то рӯзи 2-юми июл идома меёбанд. Бозии ниҳоӣ 14-уми июл дар Берлин доир мегардад.
Нишонзанҳои қаҳрамонии Аврупо-2024:
Ҷамол Мусиала (Олмон) – 3 гол
Жорж Микаутадзе (Гурҷистон) – 3 гол
Иван Шранс (Словакия) – 2 гол
Кай Ҳавертс (Олмон) – 2 гол
Коди Гакпо (Ҳолланд) – 2 гол
Никлас Фюллкруг (Олмон) – 2 гол
Рэзван Марин (Руминия) – 2 гол
Қаҳрамонии Аврупо-2024
1/8 финал:
Швейтсария — Италия – 2:0
Олмон — Дания – 2:0
Англия — Словакия. 30 июн, 20:45
Испания — Гурҷистон. 30 июн, 23:45
Фаронса — Белгия. 1 июл, 20:45
Португалия — Словения. 1 июл, 23:45
Руминия —Нидерланд (Ҳолланд). 2 июл, 20:45
Австрия — Туркия. 2 июл, 23:45
5 июл, ҷумъа:
1/4 финал, 20:45
1/4 финал, 23:45
6 июл, шанбе:
1/4 финал, 20:45
1/4 финал, 23:45
9 июл, сешанбе:
1/2 финал, 23:45
10 июл, чоршанбе:
1/2 финал, 23:45
14 июл, якшанбе:
Финал, 23:45
Эзоҳ: замони оғози бозиҳо бо вақти Душанбест.
