Ба иттилои Фелератсияи футболи Тоҷикистон, дар мусобиқаи имсолаи лигаи якум, ки дар ду марҳила баргузор мешавад, 14 даста ширкат меварзад.
Аз рӯйи натиҷаи қуръакашӣ дар даври аввали мусобиқа дастаҳои зерин бо ҳам рақобат мекунанд:
4-уми апрел (ҷумъа)
«Саройкамар» (Панҷ) - «Ваҳдат» (Ваҳдат),
«Саразм» (Панҷакент) - «Парвоз» (Фурудгоҳи байнулмилалии Хуҷанд);
5-уми апрел (шанбе)
«Исфара» (Исфара) - Сарҳадчӣ» (Ҳамадонӣ),
«Рангон» (Рӯдакӣ) - «Шодмон» (Ҳисор);
6-уми апрел (якшанбе)
«Сардор» (Турсунзода) - «Моҳир» (Ёвон),
«Сомон» (Данғара) -«Норак» (Норак),
«Мастчоҳ» (Мастчоҳ) - «Душанбе» (Душанбе).
Бар асоси низомнома ғолиби лигаи якуми Тоҷикистон-2025 ба ҳаққи ширкат дар мусобиқоти қаҳрамонии Тоҷикистон-2026 байни дастаҳои лигаи олӣ мушарраф мешавад.
Барандаи медали нуқраи лигаи якум дар соли 2025 бо дастае, ки дар лигаи олии Тоҷикистон имсол мақоми ёздаҳумро мегирад, бозиҳои гузаришӣ баргузор менамояд.
Ёдовар мешавем, дастаи “Ҳулбук”-и ноҳияи Восеъ ғолиби мусобиқоти лигаи якуми Тоҷикистон дар мавсими соли 2024 гардида буд. “Ҳулбук”, ки бо Ҷоми қаҳрамонӣ ва медалҳои тило сарфароз гардид, дар мавсими имсола дар мусобиқаи лигаи олӣ ҳунарнамоӣ дорад.
Ба дастаи “Парвоз”-и Фурудгоҳи байнулмилалии Хуҷанд медалҳои нуқра супурда шуд. Медалҳои биринҷӣ насиби дастаи “Моҳир”-и ноҳияи Ёвон гардид.
Гуфтугӯ