Ба иттилои хабаргузориҳо, ин иқдом як нишонаи дигари дур шудани Сурия аз ҳампаймони собиқаш, Эрон, арзёбӣ мешавад.

Арабистони Саудӣ қаблан ба гурӯҳҳои шӯришии зидди Башор Асад, раҳбари пешини Сурия, кумаки молӣ медод.

Шаръ 42-сола аст ва баъд аз фармондеҳии як ҳамлаи ғофилгирона дар моҳи декабри соли 2024, ки сабаби вожгунии ҳукумати Башор Асад дар Сурия шуд, зимоми давлатдориро ба даст гирифт.

Ӯ барои беҳбуди равобит бо ҷаҳон талош мекунад ва дар ин замина мавқеи мустақил аз Эрон ва Русияро касб кардааст.

Амрико аз 1-уми феврал барои маҳсулоти воридии Канада, Мексика ва Чин боҷ меситонад. Аз Мексикаву Канада 25 дарсад ва аз Чин 10 дарсад.

Ҷастин Трюдо, сарвазири феълии Канада, гуфт, кишвараш ба молу колои амрикоӣ, аз ҷумла хӯрокворӣ, нӯшокиҳои спиртӣ, либосу пойафзол ва ҷиҳози хона 25 дарсад боҷ ҷорӣ хоҳад кард.

Ӯ ҳамзамон аз шаҳрвандони кишвараш хост, бештар маҳсулоти “худӣ”-ро бихаранд ва таътилу рухсатиро на дар Иёлоти Муттаҳида, балки дар Канада гузаронанд.

Клаудия Шейнбаум, президенти Мексика, ҳам изҳор дошт, ки ба тасмими Амрико тадбири ҷавобӣ меандешад. Ӯ дар шабакаи “Х” навишт, ба вазири иқтисод дастур хоҳад дод, то “нақшаи Б”-ро амалӣ кунад, аммо ҷузъиёташро ошкор накард.

Чин қасд дорад, ба Созмони Ҷаҳонии Тиҷорат шикоят кунад.

Ситонидани боҷ яке аз ваъдаҳои асосии Доналд Трамп, раисҷумҳури Амрико, дар маъракаи интихоботиаш буд.

Иқтисоди Амрико ба воридот аз се кишвар бисёр пойбанд аст ва аз 20 то 25 дарсади корхонаҳои саноатии Амрико аз нафти воридотӣ аз Канада истифода мебаранд. Тақрибан 64 дарсади меваву сабзавоти мағозаҳои Амрико аз Мексика ворид мешаванд.

Сулаймон Давлатзода, раиси Кумитаи дин, рӯзи 31-уми январ гуфт, ин мавзуъ дар ҳоли баррасист.

"Имрӯз омӯзишҳои онлайнии исломӣ дар фазои маҷозӣ бисёр шудааст. Аз сӯйи гурӯҳҳои гуногун. Ба ҳукумат пешниҳод мекунем, ки ин омӯзишҳоро бо назардошти муҳити худамон ба роҳ монем," -- афзуд ӯ.

Ҳоло бонувон дар Тоҷикистон метавонанд, танҳо дар Донишкадаи исломӣ таҳсили олии динӣ бигиранд. Барои гирифтани маълумоти ибтидоӣ ва миёнаи динӣ ҳеч мактабу мадрасае вуҷуд надорад.

Дар Донишкадаи исломии Тоҷикистон 15 донишҷӯйи зан мехонанд. Ҳамаашон дар бахши ғоибона ва маълумоти дуюм.

Бар асоси Кодекси ҷиноӣ, барои таълими динии ғайрирасмӣ ё беиҷоза, аз ҷумла дар Интернет, то се сол зиндон дар назар аст.

Дар чанд соли охир дар Тоҷикистон даҳҳо рӯҳониро барои таълими динии, ба гуфтаи мақомот, ғайриқонунӣ дастгиру муҷозот кардаанд. Созмонҳои байнулмилалӣ ва кишварҳои ғарбӣ борҳо Тоҷикистонро барои маҳдуд кардани озодиҳои динӣ танқид мекунанд.

Тасмим дар ин бора рӯзи 31-уми январ эълон шуд.

Корманди ғайриштатии бахши русии Радиои Озодӣ Андрей Новашов, хабарнигорони бахши русии Би-би-сӣ Иля Абишев ва Елизавета Фохт-Бабушкина, рӯзноманигору таърихдон Владимир Раевский ва блогер Антон Суворкин низ ба ин рӯйхат шомил карда шудаанд.

Вазорати адлия ҳамаи онҳоро ба паҳн кардани маълумоти дурӯғ, бадном кардани артиш ва матолиби зидди амалиёти махсуси низомӣ (Русияро ҷангашро дар Украина чунин меномад) гунаҳкор донист.

Стивен Капус, президенти Радиои Аврупои Озод/Радиои Озодӣ, дар баёнияе гуфт, "агенти хориҷӣ донистани хабарнигорони Радиои Озодӣ намунаи дигаре аз ҳамлаи бераҳмонаи Русия ба расонаҳои мустақил аст".

"Бо вуҷуди кӯшишҳои Кремл барои ҷиноӣ кардани озодии баён дар дохилу хориҷи Русия, рӯзноманигорони шуҷои мо ба таҳдиду тарс додан таслим нахоҳанд шуд," – афзуд ӯ.

Ин минтақаи Русия аз моҳи августи соли 2024 зери назорати нерӯҳои украинист.

Вазорати мудофиаи Русия, баръакс, дар ҳамла низомиёни Украинаро гунаҳкор кард.

Ҳангоми ҳамла дар дохили интернат беш аз 90 кас, асосан одамони солхӯрда ва камтавонҳо ё маъюбон қарор дошта, бисёриҳо зери вайрона мондаанд.

Ситоди кулли нерӯҳои мусаллаҳи Украина гуфт, чор кас ҷон бохта, тақрибан навад нафар осеб диданд. Вазъияти чор нафари онҳо вазнин гуфта мешавад.

Ин ниҳоди ҳарбии Украина зарба ба интернатро дар шаҳри Суджа "ҷинояти навбатии мақомоти Русия алайҳи шаҳрвандони осоишта" хонд.

Ба иттилои Доналд Трамп, ҳамлаи ҳавоӣ рӯзи 1-уми феврал анҷом шуд.

“Ин қотилон дар ғорҳо пинҳон шуда буданд. Мо онҳоро ёфтем. Онҳо ба Иёлоти Муттаҳида ва ҳампаймонҳои мо таҳдид карданд,” -- гуфт Трамп дар баёнияаш.

Вай афзуд, дар ин ҳамла ғорҳое, ки ҷангҷӯён дар он мезистанд, вайрон шуда, бидуни осеб ба мардуми осоишта “бисёре аз террористҳо” кушта шудаанд.

Шохаи ДОИШ дар Сомалӣ алайҳи нерӯҳои амниятии ин кишвар меҷангад.

Владимир Зеленский дар ин бора дар мусоҳиба бо хабаргузории Associated Press изҳорот дод.

Пештар Доналд Трамп, президенти Иёлоти Муттаҳида гуфт, ки маъмурияти ӯ мавзуъро аллакай бо Маскав баррасӣ дорад, вале нагуфт, ки ширкатдоронаш киҳоянд.

"Онҳо метавонанд, муносибати хусусӣ дошта бошанд, аммо суҳбат дар бораи Украина бе иштироки мо барои ҳама хатарнок аст," – гуфт Зеленский.

Илова ба ин, ба қавли ӯ, дар музокирот бо Русия бояд намояндагони Иттиҳоди Аврупо низ ширкат кунанд.

Дар ҳамин ҳол, сафари фиристодаи вижаи Трамп дар умури Украина Кит Келлог ба Киев бо сабабҳои ҳуқуқӣ ба таъхир уфтодааст. Ин сафар бояд дар моҳи январ анҷом мешуд.

Бозӣ шаби якуми феврал дар шаҳри Риёзи Арабистони Саудӣ гузашт. Размикори тоҷик дар ҳарсе раунд бартарӣ дошт ва бо қарори якдилонаи доварон пирӯз шуд (30-27, 30-27, 30-27).

Наимови 30-сола аз соли 2018 дар муҳорибаҳои омехта 12 ғалаба ва 3 бохт дорад, аз он ҷумла дар UFC аз панҷ рақобат дар чаҳортоаш ғолиб омада, яктоашро бохтааст. Ӯ пеш аз рақобати панҷум дар UFC 22-юми июни соли 2024 аз Фелипе Лимаи бразилӣ мағлуб шуда буд.

Каан Офлии 31-сола дар муҳорибаҳои ММА аз соли 2014 ҳамагӣ 16 қувваозмоӣ карда, дар 11-тоаш ғолиб омадаву дар чаҳортоаш шикаст хӯрдааст. Як рақобатро мусовӣ анҷом додааст. Дар UFC Офли дуюмин рақобаташро баргузор кард. Вай моҳи августи соли гузашта дар UFC ESPN 62 аз Майрон Сантоси бразилӣ дар раунди дуюм бо нокаут шикаст хӯрда буд.

Дар умум чаҳор размикор аз Тоҷикистон ба UFC дохиланд.

Нурулло Алиеви 25-сола, размикори тоҷик дар муҳорибаҳои омехта (ММА), дар мусобиқоти UFC Fight Night 249, ки шаби 12-уми январи имсол дар шаҳри Лас-Вегаси Иёлоти Муттаҳидаи Амрико баргузор шуд, дар вазни сабук Ҷо Солекии амрикоиро мағлуб кард. Аз рӯи натиҷаҳои се раунд бо қарори якдилонаи доварон размикори тоҷик пирӯз дониста шуд (30-27, 30-27, 29-28).

Нурулло Алиев аввалин варзишгар аз Тоҷикистон аст, ки ба созмони UFC (Ultimate Fighting Championship - Қаҳрамонии мутлақи якҳарба) дохил шуд ва то ҳоло шикастнопазир мебошад. Ӯ дар ҳамаи даҳ қувваозмоӣ, аз он ҷумла дутоаш дар UFC, дастболо шудааст.

Муин Ғафуров, размикори 28-солаи тоҷик дар муҳорибаҳои омехта (ММА), дар мусобиқоти UFC 311 шаби 19-уми январ дар шаҳраки Инглвуд, ки дар наздикии Лос-Анҷелеси Иёлати Калифорнияи Амрико мебошад, дар вазни сабуктарин Риня Накамураи ҷопониро шикаст дод.

Рақобат ҳамаи се раунд идома кард ва размикори тоҷик бо қарори якдилонаи доварон пирӯз шуд (30-27, 30-27, 30-27). Ҳамин тариқ, Муин Ғафуров дар ММА ҳамагӣ 26 қувваозмоӣ анҷом дода, дар 20-тоаш пирӯз шуда, дар шаштоаш шикаст хӯрдааст, аз он ҷумла дар UFC аз чаҳор рақобат дар дутоаш ғолиб омада, дутоашро бохтааст.

Аммо Лоиқ Раҷабов, варзишгари тоҷик, дар муҳорибаи UFC Vegas 94 шаби 20-уми июли соли гузашта дар шаҳри Лас-Вегаси Иёлоти Муттаҳидаи Амрико дар вазни сабук (70 кг) аз Трей Огдени амрикоӣ шикаст хӯрд. Мубориза ҳар се раунд давом кард ва бо қарори якдилонаи доварон бо пирӯзии размикори амрикоӣ анҷом ёфт.

Размикори 33-солаи тоҷик дар чаҳор муҳорибааш дар UFC бори дувум ноком шуд. Моҳи июни соли 2023 ӯ дар мусобиқаи UFC on ABC 5 дар Ҷексонвилл (ИМА) аз размикори Лаҳистон (Полша) Матеуш Ребетски дар раунди дувум бо нокаути фаннӣ ё техникӣ шикаст хӯрда буд.

Лоиқ Раҷабов дар муҳорибаҳои омехта (ММА) аз соли 2012 ширкат мекунад, аз 25 рақобат дар 18-тоаш пирӯз шуда, шаштоашро бохтааст ва яктоашро мусовӣ кардааст. Аз ҷумла, дар UFC вай дар ду рақобати худ дастболо шуда, дар дутоаш шикаст хӯрдааст.

Ситонидани боҷ аз шарикони асосии тиҷоратии Амрико, яке аз ваъдаҳои асосии Доналд Трамп, раиси ҷумҳури Амрико дар замони маъракаи интихоботиаш буд. Иқтисоди Амрико ба воридот аз се кишвар бисёр пойбанд аст ва аз 20 то 25 дар сади корхонаҳои саноатии Амрико аз нафти воридотӣ аз Канада истифода мебаранд.

Тақрибан 64 дар сади меваву сабзавоти мағозаҳои Амрико аз Мексика ворид мешаванд. Иқтисоддонҳо мегӯянд, мумкин аст, ситонидани боҷ сабаби болоравии қиматҳо дар худи Амрико шавад, вале Кохи Сафед нагуфт, ки барои роҳ надодан ба ин чӣ кор мекунад.

Ҷастин Трюдо, нахуствазири Канада гуфтааст, ки дар сурати боҷситонии Амрико, кишвараш тадбирҳои ҷавобӣ меандешад ва афзуд, ки ин “боҷситонӣ на ба Амрико зарур аст ва на ба Канада.”

Далер Ҷумъа, вазири энержӣ ва захираҳои об рӯзи 30-уми январ дар нишасти хабарӣ дар Душанбе гуфт, ки шабакаи баландшиддати нерӯи барқ соли 2027, баъди анҷоми корҳо дар қаламрави Афғонистон барои интиқоли нерӯи барқ омода мешавад.

Ҳадафи CASA-1000 интиқоли нерӯи барқи изофии Қирғизистону Тоҷикистон ба Афғонистону Покистон аст ва аз тарафи созмонҳои байналмилалии молӣ ба мисли Бонки Ҷаҳонӣ сармоягузорӣ мешавад. Ноамнӣ дар Афғонистон сабаби ба дарозо кашидани иҷрои тарҳ шуд.

Далер Ҷумъа гуфт, ки корҳои васли шабакаҳои нерӯи барқи Тоҷикистону Қирғизистон идома доранд ва дар Покистон ҳам то нимаи соли 2025 корҳои заруриро ба поён мерасонад. Арзиши тарҳ бештар аз 1 миллиарду 200 миллион долларро ташкил медиҳад.

Тоҷикистон умедвор аст, баъди мавриди баҳбардорӣ қарор гирифтани нерӯгоҳи барқи обии Роғун ба фурӯшандаи бузурги нерӯи барқ дар Осиёи Марказӣ табдил меёбад. Айни замон кишвар қодир нест, мардумро дар зимистон бо нерӯи барқи кофӣ таъмин кунад ва сокинон бахусус дар деҳот дар як шабонарӯз то 7 ё 8 соат нерӯи барқ мегиранд.

Мақомоти шаҳр мегӯянд, 17 каси дигар захм бардоштанд.

Дар натиҷаи зарбаи мушак ба як қисмати бино панҷ табақаи он фурӯ рехта, оташ гирифааст. Биноҳои наздик ва даҳҳо мошин дар маҳалли таркиш осеб диданд. Ҳамла рӯзи 1-уми феврал сурат гирифт.

Пештар аз ин мақомоти низомии вилояти Полтава гуфтанд, ки дар ҳамлаҳои нерӯҳои Русия ба ноҳияи Миргород зербунёдҳои зарурӣ осеб дидаанд ва даҳҳо хона дар ин ноҳия бе нерӯи барқ мондаанд.

“Укрэнерго”, ширкати муттасадии тақсими барқ дар Украина, гуфт, ки дар натиҷаи ҳамлаҳои мушакӣ нерӯи барқ дар вилоятҳои Харков, Суми, Полтава, Донетск, Днепропетровск, Запорожйе ва Кировоград қатъ шуд.

Ба гуфтаи вазорати энержии Украина, аз моҳи октябри соли 2022 то кунун, Русия ба зербунёдҳои барқӣ, истгоҳу шабакаҳо ва хатҳои барқ 1000 маротиба зарба задааст. Танҳо дар соли 2024 тавоноии истеҳсоли нерӯи барқ дар Украина 9 гигават камтар шудааст.

Мақомот гуфтанд, ки қонуни нав барои мубориза бо нашри хабарҳои дурӯғ дар шабакаҳои иҷтимоӣ равона шудааст, вале мунаққидон гуфтанд, ки ин қонун барои саркӯби дигарандешон қабул шудааст, чун солҳои охир матбуоти Покистон бо сензураву фишори ҳарчи бештар рӯбарӯ мешавад.

Қонунро президент 29 январ имзо кард ва баъди ин дар саросари Покистон эътирози журналистон шурӯъ шуд. Мунизай Ҷаҳонгир, хабарнигори телевизион дар Исломобод гуфт, ки ин қогун “саркӯби комили озодии баён ва ҳуқуқ барои мурофиаҳои одилона мебошад”.

Бар асоси қонун, ҳазорҳо хабарнигорону блогерон дар Покистон мавриди ҳадаф қарор мегиранд.

Иззатулло Саидзода, роҳбари Маркази қонунгузории назди президент 31-уми январ дар посух ба суоли Радиои Озодӣ гуфт, дар бораи чигуна танзим кардани фаъолияти блогерон чанд таҳлил ҳам гузаронданд. Аммо Саидзода ҷузъиёти ин таҳлилҳоро фош накард ва ҳам нагуфт, ки таҷрибаи кадом кишварҳоро дар бораи танзими кори блогерон омӯхтаанд.

Роҳбари Маркази миллии қонунгузорӣ афзуд, феълан барои назорати кори блогерон ягон лоиҳаи алоҳидаи қонун таҳия нашудааст.

“Агар аз мақомотҳои болоӣ, яъне ҳукумат ва Дастгоҳи иҷроияи президент ҳаминхел супориш ворид шавад, мо омода ҳастем, ки ҳаминхел лоиҳаи санади меъёрӣ-ҳуқуқиро таҳия кунем. Лекин айни ҳол таҳияи чунин лоиҳаи қонун доир ба танзими фаъолияти блогерон мавҷуд нест,”-афзуд Иззатулло Саидзода.

Даъватҳо барои танзими кори блогерон дар доираи қонуни алоҳида чанд сол аст, ки аз ҷониби тарафдорони ҳукумат садо медиҳад. Дар ин замина баъзе талошҳое ҳам анҷом шуд.

Аз ҷумла, соли 2023 Манучеҳр Ҳамидзод, вакили маҷлиси вакилони халқи ноҳияи Рудакӣ ва корманди собиқи Маркази қонунгузории Тоҷикистон, тарҳи қонун “Дар бораи фаъолияти блогерӣ”-ро тариқи Фейсбук пешниҳод карда буд. Ташаббускоронаш гуфтанд, мақсад таҳияи заминаҳои ҳуқуқии кори шаҳрвандон дар шабакаҳои иҷтимоист ва сензураи давлатии кори блогерон "ва таъқиби онҳо барои танқид манъ аст". Бархе блогерҳо, ки бо матни тарҳи қонун ошно шудаанд, онро фишанге барои саркӯб аз сӯи мақомот номиданд.

Рӯзи 27-уми январи имсол Матлубахон Сатториён, вазири фарҳанги Тоҷикистон ҳам дар нишасти хабарӣ гуфт, талош доранд, ки фаъолияти блогеронро дар доираи қонун танзим кунанд.

Омори дақиқи блогерон дар Тоҷикистон маълум нест. Тибқи иттилои ахири Кумитаи андоз, дар ин идора 91 блогер сабти ном шудаанд.

Мусоҳибони ин нашрия гуфтаанд, ки ду ҳафтаи ахир ҳеҷ як сарбози кореягӣ дар ҷабҳаи пеш дида нашудааст. Як мақомдори украинӣ гуфт, сабаби талафоти зиёд дар миёни сарбозони Кореяи Шимолӣ беназмӣ дар сафи ин нирӯҳо ва ҳам набуди ҳамоҳангии амал бо воҳидҳои низомии Русия мебошад.

Як мусоҳиби украинии нашрияи The New York Times гуфтааст, ки аз замони ба ҷанг сафарбар шудани сарбозони кореягӣ, онҳо дар ихтиёри худ гузошта шуда буданд ва бо муҳимоти низомии бисёр маҳдуде ҳаракат карда гоҳо барои гурӯҳбандиҳои нав танаффус мекарданд.

Мақомдорони амрикоии ҳамсӯҳбати The New York Times гуфтанд, ки берункашии сарбозони кореягӣ аз ҷабҳа метавонад як амали муваққатӣ бошад ва баъди омодагии дубора ва ҳам роҳҳалҳое аз ҷониби артиши Русия эҳтимолан ба сафи пеши ҷанг баргардонида шаванд.

Бино ба маълумоти иктишофии ғарбӣ, барои иштирок дар ҷанги зидди Украина бо дархости Русия тахминан 10 ҳазор сарбоз аз Кореяи Шимолӣ сафарбар гардид. Мақомот дар Маскав ё Пхенян ҳеҷ гоҳ ин хабарро рад ё тасдиқ накардаанд.

Шумори талафот дар миёни сарбозони кореягиро садҳо нафар арзёбӣ мекунанд. Миёнаҳои моҳи январ президенти Украина Владимир Зеленский гуфт, ки бори аввал дар ҷангҳои вилояти Курск сарбозони кореягӣ дастгир шуданд. Яке аз ин сарбозон дар бозпурсиҳо гуфтааст, ки ба онҳо пеш аз сафар ба Русия гуфтаанд, ки онҳо на дар ҷанг, балки дар машқҳо иштирок хоҳанд кард.

Дар бораи таркишу сӯхтор дар канораҳои шаҳри Волгоград давоми шаб сокинони маҳаллӣ хабарҳо чоп кардаанд.

Субҳ волии Волгоград Андрей Бочаров ҳамлаи паҳподҳоро ба ин муассисаҳо тасдиқ кард, вале мисли гузаштаҳо гуфт, ки ба ҳудуди корхона фақат пораҳои паҳподҳои нобудшуда афтоданд. Раиси вилоят гуфт, сӯхтори баамаломадаро зуд хомӯш карданд ва як нафари ҷароҳатбардошта ба беморхона интиқол дода шудааст.

Дар гузашта ҳавопаймоҳои бесарнишини украинӣ ҳадди аққал дар се ҳолат талош карданд корхонаҳои коркарди нафти ширкати "ЛУКОЙЛ Волгограднефтепереработка"-ро ҳадаф қарор диҳанд.

Рӯзи 30 январ мақомот аз пайдо кардани қуттиҳои сиёҳи дохили ҳавопаймо хабар доданд, ки метавонад ҷузъиёти рӯй додани фоҷеаи шаби 29 январро ошкор кунад.

Дар робита бо ин фоҷеа бисёр раҳбарони давлатҳои хориҷӣ ба президенти Амрико Доналд Трамп изҳори ҳамдардӣ кардаанд.

Аз ҷумла, рӯзи 31 январ раиси ҷумҳурии Тоҷикистон Эмомалӣ Раҳмон дар барқияе ба номи Трамп навишт, ки хабари «талафоти зиёди ҷонӣ бар асари садама ва суқути ҳавопаймои мусофирбар ва чархболи низомӣ дар фазои Вашингтон боиси андӯҳи амиқ» аст.

Раҳмон ба пайвандону наздикони фавтидагон изҳори ҳамдардӣ кардааст.

Сулаймон Давлатзода, раиси ин ниҳод рӯзи 31-уми январ зимни нишасти хабарӣ гуфт, ки омӯзишҳои онлайнии исломӣ дар фазои маҷозӣ аз сӯи гурӯҳҳои гуногун бисёр шудааст.

"Мо ин мавзуъро омӯхта истодаем ва ба ҳукумат пешниҳод мекунем, ки ин омӯзишҳоро бо назардошти муҳити худамон ба роҳ монем. Омӯзишҳои онлайнии берунӣ, ҳадафҳои гуногун доранд",-афзуд ӯ.

Дар Тоҷикистон ҳоло занону бонувон танҳо метавонанд дар Донишкадаи исломии Тоҷикистон таҳсили олии динӣ бигиранд. Аммо барои гирифтани таҳсилоти ибтидоӣ ва миёнаи динӣ, ҳеч муассиса ва мактабе вуҷуд надорад.

Мувофиқи қонунгузорӣ, занону духтарон танҳо метавонанд дар хонаводаи худашон аз падару модар ё ҳамсаронашон дониши динӣ биомӯзанд.

Ҳоло дар Донишкадаи исломии Тоҷикистон 15 донишҷӯйи зан таҳсил мекунад, ки ҳамаи инҳо дар бахши таҳсили ғоибона ва маълумоти дуюм мебошанд.

Иттиҳоди Доминика як кишвари ҷазиравӣ дар Амрикои Шимолӣ аст.

Дар созишнома миёни Тоҷикистон ва Иттиҳоди Доминика омадааст, ду тараф барои дорандагони шиносномаи дипломатӣ, хизматӣ ва одӣ сафари бидуни раводидро ба мӯҳлати то 90 рӯз иҷозат медиҳанд.

Дар санад баъзе истисноҳо пешбинӣ шудаанд, аз ҷумла, ду кишвар метавонанд "воридшавӣ ё будубоши шаҳрвандони тарафи дигарро бо сабабҳои амнияти давлатӣ, тартиботи ҷамъиятӣ ё саломатии аҳолӣ, рад намояд".

Моҳи майи соли 2024 Тоҷикистон дар қатори 25 кишвар ба шаҳрвандони Иттиҳоди Доминика иҷозат дода буд, ки то 30 рӯз бидуни раводид ё виза ба Тоҷикистон сафар кунанд.

Ин санадро шабакаи "Fox News" бо такя ба Хадамоти муҳоҷират ва гумруки Амрико нашр кардааст. Дар санад ному насаби шаҳрвандони Тоҷикистон наомадааст, танҳо зикр шудааст, ки 149 тоҷикистонӣ бояд аз Амрико ихроҷ шаванд.

Аз миёни кишварҳои Осиёи Марказӣ дар ин рӯйхат аз ҳама зиёд теъдоди шаҳрвандони Узбекистон аст, ки шумораашон ба 975 кас мерасад. Баъди он 369 қазоқистонӣ, 319 табааи Қирғизистон ва 40 туркманистонӣ бояд ИМА-ро тарк кунанд. Ин афрод дар боздошт нестанд, аммо қарори ронданашон аз Амрико ниҳоӣ шудааст.

Солона садҳо нафар аз кишварҳои ҷаҳон азҷумла аз Осиёи Марказӣ талош мекунанд бо ҳар роҳе худро ба Амрико расонанд. Баъзе онҳо аз роҳҳои ғайриқонунӣ азҷумла, аз тариқи Мексика вориди Амрико мешаванд.

Доналд Трамп, раиси ҷумҳури Амрико баъди бозгашт ба Кохи Сафед ваъда дод, ки мубориза бо муҳоҷирони ғайриқонуниро зиёд мекунад.

Ҳамаи онҳо рӯзи 7-уми октябри соли 2023 дар ҳамлаи “Ҳамос” ба Исроил дастгир шуда буданд. Амрико ва Иттиҳоди Аврупо ин гурӯҳи фаластиниро созмони террористӣ медонанд.

Артиши Исроил рӯзи панҷшанбе озодии гаравгонҳоро тасдиқ кард. Телавив дар иваз 110 фаластиниро аз зиндонҳо раҳо хоҳад кард.

Аз замони созиши оташбас миёни Исроил ва гурӯҳи “Ҳамос” дар Навори Ғазза (17-уми январ) ин мавриди севуми табодули гаравгонҳо ва зиндониён аст.

"Ҳамос" рӯзи 7-уми октябри соли 2023 дар ҳамлае ба Исроил беш аз 1200 касро кушт ва зиёда аз 200 нафарро ба гарав гирифт.

Дар ҳамлаҳои Исроил ҳудуди 47 ҳазор фаластинӣ кушта ва даҳҳо ҳазори дигар захмӣ шуданд.

Ҷанги ду тараф понздаҳ моҳ давом кард.

Ҳодиса чанд соат пеш аз эълони ҳукми Додгоҳ дар мавриди сӯзондани Қуръон, китоби муқаддаси мусалмонон, рух дод.

Пулиси Шветсия рӯзи 30-юми январ панҷ касро дар робита ба қазия дастгир кард.

Момика рӯзи 28-уми июни соли 2023, замоне ки мусалмонон аз Иди Қурбон таҷлил мекарданд, як нусха аз Қуръонро дар назди масҷид дар Стокҳолм сӯзонд.

Навори ин лаҳза дар шабакаҳои иҷтимоӣ нашр ва сабаби вокунишҳои зиёд шуд.

Арабистони Саудӣ, Ироқ, Эрон, Марокаш ва кишварҳои дигари мусалмонӣ ба зидди ин ҳодиса изҳорот доданд.

Садҳо тан дар моҳи июли соли 2023 ба сафорати Шветсия дар Бағдод ҳуҷум карда, бахше аз онро оташ заданд.

ИНЧУНИН, БИХОНЕД:

Тоҷикистон оташ задани Қуръонро маҳкум кард

Дар дохили ҳавопаймо 64 кас буд. Гузорише дар бораи зинда мондани касе аз мусофирон дар даст нест. То кунун ҷасади 28 қурбониро аз об берун кашидаанд.

Пулис гуфт, маъмурони чанд ниҳод дар амалиёти ҷустуҷӯву наҷот дар рӯдхона ширкат доранд.

Ҳавопаймо бо 60 мусофир аз Вишитаи аёлати Канзас ба Вашингтон парвоз мекард ва дар чархбол се сарбози амрикоӣ будаанд.

ИНЧУНИН, БИХОНЕД:

Як ҳавопаймо бо 64 мусофир дар наздикии Вашингтон суқут кард

Сабабҳои суқути ҳавопаймо маълум нест. Бино ба гузоришҳо, дар ҳавопаймо 14 варзишгари рақси рӯйи ях будаанд ва аз ҷумла ду мураббияшон аз Русия, ки соли 1994 қаҳрамони ҷаҳон шудаанд.

Евгения Шишкова ва Вадим Наумов солҳои охир дар Амрико кор мекарданд ва писари онҳо узви тими миллии Иёлоти Муттаҳида будааст.

Доналд Трамп, раиси ҷумҳури Амрико гуфт, “ба назар мерасад, ки мумкин буд, аз ин фалокат пешгирӣ шавад.

Пит Ҳегсет, вазири дифои тозатаъйини Амрико гуфтааст, вазорат бе ягон таъхир ба таҳқиқи сабабҳои фалокат бо чархболи низомӣ оғоз мекунад.

Видеоро дар инҷо бинед:

Embed ба дигарон фиристед

Бархӯрди ҳавопаймо бо чархбол дар Вашингтон

Embed ба дигарон фиристед

Нусхабардорӣ шуд

---

бар px баландӣ px

---

URL нусхабардорӣ шуд

Феълан кор намекунад

0:00 0:01:22 0:00

Мақомот гуфтанд, ҳамла шаби 30-юми январ сурат гирифта, як ҳавопаймои бесарнишин ба бинои баландошёна бархӯрд.

Нуҳ тани дигар, аз ҷумла як кӯдаки ҳафтсола, маҷруҳ гаштаанд.

Президенти Украина ҳамлаи Русияро ба Суми “фоҷиаи ваҳшатбор” ва ҷиноят номид.

Владимир Зеленский аз муттаҳидони Украина даъват кард, ки фишорро ба Русия кам накунанд.

Русия ҳамла ба сокинони одиро борҳо рад кардааст, вале мақомоти Украина бо далел нишон додаанд, ки артиши ин кишвар ғайринизомиёнро низ ҳадаф мегирад.

Дар ин бора расонаҳои Сурия, ҳамчунин, бунгоҳи хабарии Bloomberg гузориш доданд.

Хабаргузории “Рейтерс” бо такя ба манобеаш дар ҳукумати Сурия навишт, Аҳмад Шаръ, роҳбари нави Сурия, аз Маскав талаб кардааст, ки Башор Асадро ба Димишқ таслим кунанд.

Асад дар моҳи декабри соли 2024 баъди суқути ҳукуматаш ба Русия фирор кард ва Маскав ба ӯ ва оилааш паноҳандагӣ дод.

Дар иттилоияи мақомоти Сурия омадааст, дар ҷараёни гуфтугӯ бо намояндагони Русия “пардохти ҷуброн ва барқарор кардани харобаҳо ва бо ин роҳ бозгардонии боварии мардуми сурӣ ба Маскав таъкид шуд.”

Ҳайати Русияро дар гуфтугӯ бо ҳукумати нави Сурия Михаил Богданов, муовини вазири корҳои хориҷии Русия, роҳбарӣ кард. Александр Лаврентев, фиристодаи вижаи президенти Русия дар масъалаи Сурия ҳам ба Димишқ рафта буд.

Расонаҳо акси дастфишории Богдановро бо Аҳмад Шаръ, роҳбари феълии Сурия нашр карданд. Русия яке аз муттаҳидони асосии Башор Асад буд ва дар замони ҷанги дохилии Сурия аз ӯ ҳимоят мекард.

Наимов давоми 15 дақиқа бо варзишгар Каан Офли аз Австралия рақобат хоҳад кард.

Ин рақобати панҷуми Муҳаммад Наимов дар ташкилоти UFC аст.

Ӯ то ин дам дар ин ташкилоти маъруф дар муҳорибаҳои омехта чор муҳориба гузаронда, дар сетои он пирӯз шуда, дар якеаш шикаст хӯрдааст.

Муҳаммад Наимови 31-сола яке аз чор варзишгар аз Тоҷикистон аст, ки дар ташкилоти амрикоии UFC баромад мекунад.

Наимов дар суҳбатҳояш қабл аз рақобат гуфт, ба муҳорибаи навбатиаш зидди Каан Офли омодагии хуб дидааст. Ин варзишгари тоҷик дар корномаи варзишиаш дар муҳорибаҳои омехта 11 ғалаба ва 3 бохт дорад.