Ба иттилои Федератсияи футболи Тоҷикистон, дар доираи ин ҷамъомад тими миллии занонаи кишвар дар шаҳри Ҷидда бо дастаи мунтахаби Арабистони Саудӣ ду бозии дӯстона анҷом медиҳад.

Ин бозиҳо дар рӯзҳои FIFA (Федератсияи байнулмилалии футбол) – 23-юм ва 26-уми феврал дар варзишгоҳи «Кинг Абдуллоҳ Спортс Сити» баргузор шуда, соати 19:30 бо вақти маҳаллӣ (соати 21:30 бо вақти Душанбе) оғоз меёбанд.

Бояд зикр намуд, дастаи мунтахаби занонаи Тоҷикистон дар марҳилаи интихобии Ҷоми Осиё-2026, ки аз 23-юми июн то 5-уми июли имсол баргузор мешавад, иштирок мекунад. Рақибони мунтахаби Тоҷикистон дар даври интихобӣ рӯзи 27-уми март дар қуръакашӣ маълум хоҳанд шуд.

Ба ҳисоби онҳо, 16 ҳазору 171 нафар аз кушташудаҳо маҳбусон буданд. Теъдоди зиндониёни кушташуда дар ҷанг метавонад аз ин бештар бошад, чун хабарнигорон танҳо он маҳбусони кушташударо ба ҳисоб гирифтанд, ки ҳукмашон аз манобеи боз дастрас шудааст.

Дар пажӯҳиш гуфта мешавад, "маҳкумшудагон то сеяки талафоти артиши Русияро дар се соли ҷанг ташкил медиҳанд."

Ба ҳисоби хабарнигорон, зиёда аз нисфи қурбониён аз тарафи Русия то замони ҳамла ба Украина ба артиш ягон робита надоштанд. Онҳо баъди ҳамла ба Украина бо Вазорати дифои Русия шартнома бастанд. Рӯзноманигорон аниқ кардаанд, ки баъд аз октябри соли 2023, талафот дар миёни ихтиёриён зиёд шудааст.

Андрей Белоусов, вазири дифои Русия моҳи декабри соли гузашта тасдиқ карда буд, ки аз оғози соли 2024, зиёда аз 400 ҳазор нафар бо ин ниҳод шартнома бастанд.

Охирин рақами расмии Вазорати дифои Русия, ки моҳи сентябри соли 2022 интишор карда буд, гуфта мешавад, ки шумори кушташудагон 5937 нафар будааст.

Русия дар моҳи феврали соли 2022 ҳамлаи беасосро ба Украина оғоз кард. Даргирӣ то ҳол идома дорад.

Ба гузориши The Guardian, Луис Рубиалес ҳаққи тамос ва ҳамчунин наздик шудан ба футболбоз Ҷенни Эрмосоро надорад.

Пештар додситонӣ барои Луис Рубиалес аз 2 то 2,5 соли зиндон талаб карда буд.

Қазияи мазкур ду сол пеш ва баъди ғалабаи тими мунтахаби футболи духтаронаи Испания дар Қаҳрамонии ҷаҳон сар зад. Он вақт Луис Рубиалес баъди пирӯзии дастаи духтарона, дар маҳзари ом Ҷенни Эрмосоро бӯсид. Ин кор вокунишҳои зиёдро дар бораи озори ҷинсӣ дар варзиш ба миён овард.

Худи Рубиалес иттиҳоми озори ҷинсиро рад кард. Эрмоси 33-сола баъди ин кор дар Инстаграм навишт, амали президенти Федератсияи футбол ба ӯ писанд наомад.

Марко Рубио 20-уми феврал гуфт, дар дидори ахираш бо Сергей Лавров дар Арабистони Саудӣ таъкид кардааст, ки вохӯрии Трамп ва Путин "то даме, ки надонем дар бораи чӣ суҳбат мешавад," баргузор нахоҳад шуд.

Рӯзи 18-уми феврал намояндагони Амрико ва Русия дар Арабистон тавофуқ карданд, ки барои гуфтугӯ дар бораи поёни ҷанг дар Украина гуруҳҳои корӣ ташкил мекунанд. Ҳам Трамп ва ҳам Путин аз тамоюлашон барои вохӯрӣ хабар доданд.

Марко Рубио дар мусоҳиба бо рӯзноманигори амрикоӣ Кэтрин Херриҷ, ки мустақиман аз шабакаи X пахш шуд, чунин гуфт: "фикр мекунам, ки замони баргузории ин мулоқот аз бисёр ҷиҳат ба он вобаста хоҳад буд, ки оё мо метавонем дар хатми ҷанг дар Украина ба пешрафт ноил мешавем ё не. Агар мо ин корро карда тавонем, дар ин вохӯрӣ созишнома имзо мешавад ва ба назари ман ҳама бояд инро ҷашн гиранд, ки Трамп сулҳҷӯ аст."

Доналд Трамп борҳо гуфтааст, мехоҳад ба ҷанг дар Украина ҳарчӣ зудтар поён диҳад, аммо шеваи пешгирифтаи ӯ нигаронии Киев кишварҳои Аврупоро ба миён овардааст. Украина ва аврупоиҳо аз он тарс доранд, ки Вашингтон бидуни дар назар гирифтани манофеи онҳо бо Русия созиш мекунад.

Президенти Зеленский гуфтааст, дар гуфтугӯ бо намояндаи Трамп, вазъият дар ҷабҳа, бозгардонии ҳама асирони украинӣ ва кафолати амниятӣ барои Укринаро баррасӣ кардааст.

"Ҳақиқати Аврупо" навиштааст, Зеленский ба Кит Келлог гуфтааст, Киев омода аст, ки "дар бораи сармоягузорӣ ва амният" бо раиси ҷумҳури Амрико созишномаи таъсиргузор имзо кунад.

Ба гузориши расонаҳои хабарӣ, маъмурияти Доналд Трамп пештар ба Украина пешниҳод карда буд, ки 50 дарсади захираҳои табии худро дар ихтиёри Вашингтон қарор диҳад. Вале Зеленский аз имзои ин санад даст кашидааст.

Майк Уолтс, мушовири амнияти миллии Кохи Сафед аз Украина даъват кардааст, ки танқид аз Амрикоро камтар карда ба ташаббуси Амрико барои ироаи маъданҳо розӣ шавад.

"Садои Амрико" гузориш додааст, ки Келлог дар рӯзи чаҳоршанбе баъди ворид шудан ба Киев гуфт, ҳадаф аз сафараш гӯш кардани мавқеи Украина аст.

Ҷей Ди Вэнс, муовини Доналд Трамп рӯзи панҷшанбе гуфт, ба назари ӯ, поёни ҷанг наздик аст. Дар айни замон Вэнс афзуд, бидуни музокира бо Русия қатъи ҷанг номумкин аст.

Субҳи имрӯз, 21 феврал, Бонки миллии Тоҷикистон нархи ҳазор рубли русиро 123 сомонӣ муқаррар кардааст. Ин дар ҳолест, ки рӯзи ҷумъаи ҳафта гузашта ҳазор рубл бо 119 сомонӣ иваз карда мешуд.

Поёну болоравии қурби рубл дар Тоҷикистон як мавзӯи муҳим аст, чун ҳазорҳо муҳоҷири тоҷик маблағи худро бо рубл ба ватан мефиристанд.

Беқурбшавии рубли русиро дар Тоҷикистон одатан дар навбати аввал муҳоҷирони корӣ ва оилаҳои онҳо ҳис мекунанд.

Ба гуфтаи ин ниҳод, бинобар он, ки баъзе ҷашнҳо, аз ҷумла, "Рӯзи модар" ва ҷашни "Наврӯз" ба рӯзҳои ғайрикорӣ рост меоянд, шаҳрвандон дар баъзе аз рӯзҳои корӣ ҳам истироҳат мекунанд.

Бар асоси Қонун "Дар бораи рӯзҳои ид", агар ҷашни расмии давлатӣ ба рӯзи истироҳат, яъне шанбеву якшанбе рост ояд, пас рӯзи кории баъдӣ низ истироҳатӣ эълон мешавад.

Ба ин тартиб, "Рӯзи модар" ба рӯзи шанбе рост меояд ва сокинон рӯзҳои 8, 9 ва 10 март таътил хоҳанд дошт.

Ҳамчунин, рӯзҳои расмии истироҳат дар Наврӯз 21, 22, 23 ва 24 март мебошанд.

Азбаски 22-23 март ба шанбе ва якшанбе рост меоянд, рӯзҳои 25 ва 26 март низ истироҳат хоҳад буд.

Баъзе сенаторони ҷумҳурихоҳ бо нигаронӣ гуфтаанд, сиёсати пешгирифтаи маъмурияти Трамп метавонад мавқеи Владимир Путинро мустаҳкам кунад.

Чанд тан аз қонунгузорон рӯзи 19-уми феврал изҳор доштанд, ки Украинаро қурбонии таҷовузи Русия меҳисобанд.

Ҷон Кеннеди, сенатори ҷумҳурихоҳ аз Луизиана гуфт, Владимир Путин ҷангро оғоз кард. "Ман бо назардошти таҷрибаи талх чунин меҳисобам, ки Владимир Путин гангстер (узви дастаи роҳзанон) аст... Вай мисли Сталин ба хун ҳавас дорад."

Роҷер Викер, сенатори дигари ҷумҳурихоҳ аз Миссисипи ҳам бо пуштибонӣ аз ҳарфҳои Кеннедӣ гуфтааст, музокирот барои қатъи таҷовузи Русия ба Украина, бояд бо ҳузури украиниҳо ва бо назардошти манфиатҳои Аврупо анҷом шавад.

"Путин ҷинояткори ҷангӣ аст ва бояд умри боқимондаашро дар маҳбас гузаронад, агар ба қатл расонда нашавад,"-гуфтааст ин сенатори амрикоӣ.

Баҳси лафзӣ миёни Доналд Трамп, президенти ИМА ва Владимир Зеленский, раиси ҷумҳури Украина ғайриинтизор тундтар шудааст. Рӯзи 19-уми феврал Трамп гуфт, Зеленский бояд барои расидан ба сулҳ талош кунад, то кишварашро пурра аз даст надиҳад. Зеленский гуфт, Трамп таҳти таъсири дуруғпароканӣ мондааст.

Ду нафари онҳо Ариэл Бибаси чорсола ва бародари нуҳмоҳаи ӯ Кфир буданд. "Ҳамос" пайкари модари ин кӯдакон Шири ва як асири калонсол Одед Лифшитсаро ҳам ба Салиби Сурх дод. Ҳамаи онҳо 7-уми октябри соли 2023 ва дар ҷараёни ҳамлаи "Ҳамос" ба Исроил асир шуданд.

Ярден Бибас, падари кӯдакони ҳалокшуда пештар аз сӯи "Ҳамос" озод шуда буд. Ӯро аз зану фарзандаш ҷудо нигоҳ медоштанд.

Бенямин Нетаняҳу, нахуствазири Исроил ин рӯзро барои кишвараш рӯзи вазнин хонд.

Гуруҳи "Ҳамос" ҳанӯз моҳи ноябри соли 2023 эълон карда буд, ки кӯдакон ва модари онҳо дар ҳамлаи ҳавоии артиши Исроил ба Навори Ғазза кушта шудаанд. Дар вақти интиқоли ҷасадҳо, намояндагони "Ҳамос" бори дигар Исроилро сабабгори ҳалок шудани гаравгонҳо гуфтанд. Мақомоти Исроил то рӯзҳои ахир марги ин гаравгонҳоро тасдиқ намекарданд. Дар бораи чигуна ҳалок шудани ин чор гаравгони исроилӣ иттилои аниқ ва бетараф дар даст нест. Ярден Бибас ва хешовандонаш гуфтанд, талош мекунанд, ки қазия таҳқиқ шавад.

"Ҳамос" рӯзи 7-уми октябри соли 2023 дар ҳамлае ба Исроил беш аз 1200 касро кушт ва зиёда аз 200 нафарро ба гарав гирифт.

Дар ҳамлаҳои Исроил ҳудуди 47 ҳазор фаластинӣ кушта ва даҳҳо ҳазори дигар захмӣ шуданд.

Ҷанги ду тараф понздаҳ моҳ давом кард ва моҳи январи имсол оташбас барқарор шуд.

Ба асоси нақшаи Бритониё, неруҳо баъди бастани созиши сулҳ бо Русия ва барои назорати сулҳ дар Украина мустақар мешаванд.

Дар назар аст, ки Кир Стармер, нахуствазири Бритониён ҳафтаи оянда барои дидор бо раиси ҷумҳури Амрико Доналд Трамп ба Вашингтон равад. Стармер қаблан гуфта буд, Бритониё омода аст, ки неруҳои худро ба ҳайси сулҳбон ба Украина фиристад. То ҳол ягон кишвари дигари аврупоӣ барои фиристодани низомиёни худ ба Украина эълони омодагӣ накардаанд.

Ба гузориши The Telegraph, бахши асосии нақшаи Бритониё дастгирӣ аз тарафи Иёлоти Муттаҳидаи Амрико аст. Манбаъ менависад, Фаронса ҳам аз нақшаи Бритониён ҳимоят мекунад. Доналд Трамп ва маъмурияташ борҳо гуфтаанд, ки Аврупо бояд кафолати амнияти Украинаро ба уҳда гирад.

Владимир Зеленский, раиси ҷумҳури Украина ҳафтаи гузашта гуфт, Киев мехоҳад, барои поён додан ба ҷанги Русия дар Украина ҳаракат кунад, вале афзуд, ки “мо кафолатҳои воқеии амниятӣ мехоҳем.”

Роман Мрочко бо пахши наворе дар Телеграм гуфтааст, аз се бомби партобкардаи неруҳои Русия, якеаш ба баладошёнае дар маркази Херсон бархӯрд. Дар наворҳо дида мешавад, ки як қисмати бино пурра хароб шудааст.

Ба гуфтаи мақомоти Украина, наҷотдиҳандагон тамоми шаб маҷруҳонро аз зери харобаҳо берун оварданд. Дастикам як навраси 13-сола ва се нафари дигар ҷароҳат гирифтаанд.

Дар ҳамин ҳол артиши Русия ду рӯз аст, ки бо бесарнишинҳо ба вилояти Одесса ҳамла мекунанд. Олег Кипер, волии вилоят гуфтааст, як нафар маҷруҳ шуд.

Ҳамчунин дар пайи ҳамлаи бесарнишинҳо қариб 5 ҳазор кас аз нерӯи барқ маҳрум шудаанд.

Бар асоси қарори Додгоҳи ноҳияи Басманний, муҳлати ҳабси Фаридуни Шамсиддин, Саидакрам Раҷабализода, Далерҷон Мирзоев ва Муҳаммадсобир Файзов то 24-уми марти имсол тамдид шуд.

Қарори додгоҳ дар ҳоле содир мешавад, ки Кумитаи тафтишоти Русия моҳи феврал таҳқиқи парвандаи ҳамлаи хунин ба толори консертии "Крокус"-ро ба анҷом расонд. Ба гуфтаи вакилони дифои гумонбарон, парванда то моҳи март ба додгоҳ меравад.

Ҳамла ба "Крокус Сити Ҳолл" дар наздикии Маскав шаби 22-юми марти соли гузашта сурат гирифт. Дар робита ба ин ҳодиса ҳудуди 20 кас боздошт шуданд, ки 14 нафарашон зодагони Тоҷикистон ҳастанд.

Ин афрод аз моҳи марти соли гузашта дар ҳабс ҳастанд. Шароити нигаҳдории гумонбарон дар Боздоштгоҳ маълум нест.

Волидони бархе аз онҳо ба матбуот шикоят кардаанд, ки дар бораи дастрасии фарзандонашон ба вакили дифоъ хабар надоранд ва аз замони боздошт то кунун аз имкони дидани фарзандон маҳруманд.

Тибқи фармон, ки шоми 19-уми феврал Дафтари матбуоти раисиҷумҳур нашр кард, ҷавонони аз 18 то 27-сола, ки асоси қонуние барои озод шудан аз хизматро надоранд, ба сафи нерӯҳои мусаллаҳ ҷалб мешаванд.

Дар Тоҷикистон хидмат дар сафи нерӯҳои мусаллаҳ барои мардон ҳатмист ва барои саркашӣ аз он ҷарима ё то 2 сол зиндон пешбинӣ шудааст.

Даъвати ҷавонон ба артиш, ки дар баҳору тирамоҳ анҷом мешавад, ҳамасола бо сару садо дар бораи ҷалби маҷбурӣ ё "облава" ҳамроҳ аст.

Як сабаби аслии сарпечии ҷавонон аз хидмати ҳарбии ҳатмии дусоларо дар бадрафторӣ дар сафи неруҳои мусаллаҳи Тоҷикистон меноманд, ки гоҳо бо маргу маъюб шудани сарбозон меанҷомад.

Сафирони Иттиҳоди Аврупо рӯзи 19-уми феврал бастаи 16-уми таҳримҳоро мувофиқа кардаанд, ки аз 24-уми феврал ба иҷро медароянд. Дар ин бора Рикард Йозвяк, хабарнигори Радиои Аврупои Озод/Радиои Озодӣ гузориш додааст.

Ба иттилои оҷонсиҳои хабарии ҷаҳонӣ, таҳримҳои нави Иттиҳоди Аврупо марҳила ба марҳила манъи хариди алюминий аз Русияро пешбинӣ мекунад. Ҳамчунин маҳдудиятҳо барои содироти нафт аз Русия сахтар хоҳад шуд.

Таҳримҳо 73 киштии нафткашро низ ҳадаф қарор медиҳад, ки тахмин меравад Русия барои давр задани маҳдудиятҳо аз онҳо истифода мебарад. Ҳамчунин 13 бонк дар “рӯйхати сиёҳ” қарор хоҳанд гирифт.

Пештар лоиҳаи «Система»-и Радиои Озодӣ гузориш дода буд, ки дар бастаи нави таҳримҳои Иттиҳоди Аврупо, нисбати низоми интиқоли «Золотоя корона» ҳам маҳдудият ҷорӣ мешавад. Муҳоҷирони меҳнатӣ барои интиқоли маблағ аз ин низом зиёд истифода мебаранд.

Хабаргузориҳои ТАСС, «Лента.ру» ва чандин расонаҳои давлатии Русия ҳам аз сӯи Иттиҳоди Аврупо таҳрим мешаванд.

Аз замони оғози ҳамлаи бедалели Русия ба Укрина дар моҳи феврали соли 2022, Иттиҳоди Аврупо алайҳи Маскав таҳримҳои сангине ҷорӣ кардааст.

Мисли дигар роҳбарони ғарбӣ, Келлог тариқи поезд ба Киев расид. Аз замони ҳамлаи Русия ба Украина дар моҳи феврали соли 2022, ҳавопаймоҳо ба Украина парвоз намекунанд.

Келлог баъди расидан ба Киев ба хабарнигорон гуфт, омадааст то ҳарфи мақомоти Украинаро гӯш кунад. "Баъдан ман ба ИМА бармегардем ва бо президент Трамп суҳбат мекунем. Мо мехоҳем боварӣ ҳосил кунем, ки ҳама чиро дуруст фаҳмидаем,"-гуфтааст фиристодаи махсуси Трамп.

Вай ҳамчунин гуфт, ки бо раисиҷумҳури Украина Владимир Зеленский "суҳбати олиҷаноб" хоҳад дошт. Кит Келлог таъкид кардааст, ки Иёлоти Муттаҳида зарурати кафолатҳои амниятӣ барои Украинаро дарк мекунад.

Сафари намояндаи Доналд Трамп ба Украина як рӯз баъд аз нишасти Риёз сурат мегирад. Рӯзи 18-уми феврал ҳайатҳои ИМА ва Русия дар пойтахти Арабистони вохӯрда, қариб панҷ соат гуфтугӯ карданд. Намояндагони Украина ва кишварҳои аврупоӣ ба ин нишаст даъват нашуданд. Тасмиме, ки норозигии раиси ҷумҳури Украина ва дигар роҳбарони Аврупоро ба миён овардааст.

Ёриҳои нав таҷҳизоти низомӣ азҷумла, якуним миллион гулулаи тӯпхона ва низоми дифои ҳавоиро дарбар мегирад. Ин яке аз калонтарин кумакҳои Иттиҳоди Аврупо аз замони ҳамлаи Русия ба Украина гуфта шудааст. Қарор аст бастаи нави кумакҳо то 24-уми феврал ба Украина пешниҳод карда шаванд.

Politico аз қавли ду манбаъ дар доираҳои дипломатӣ навиштааст, 6 миллиард евро маблағи ибтидоист ва метавонад то 10 миллиард евро зиёд карда шавад. Ба навиштаи ин расона, кишварҳои узви Иттиҳоди Аврупо бояд захираҳои худро санҷида аниқ кунанд, ки ба Украина чӣ таҷҳизот фиристода метавонанд.

Бастаи бузурги ёриҳои низомӣ дар ҳолест, ки роҳбарони Иттиҳоди Аврупо дар нишасти рӯзи 17-уми феврал дар Киев ба хулосаи ягона даст наёфтанд. Politico навиштааст, ки даъват нашудани Иттиҳоди Аврупо ва Украина ба музокироти Арабистони Саудӣ, боиси нофаҳмӣ дар пойтахтҳои Аврупо ва Киев шудааст.

Шоҳидон хабар додаанд, ки баъди ҳамлаи бесарнишинҳо дар корхонаи коркарди нафт сӯхтор сар зад.

Корхонаи коркарди нафти Сизранский аз соли 1942 фаъол аст. Ин коргоҳ феълан дар тобеияти ширкати "Роснефт" мебошад.

Ба иттилои Вазорати дифои Русия, шаби гузашта дронҳо ба вилоятҳои Брянск, Қрим, Тулский ва Ҷумҳурии Тотористон ҳамла кардаанд.

Дар кори фурудгоҳҳои Қазон, Нижнекамск, Ижевск, Киров ва Уляновск маҳдудият ҷорӣ шудааст.

Ба ҳисоби хабарнигорони ASTRA аз оғози соли 2025 бесарнишинҳо дастикам ба 17 корхонаҳои нафти Русия ҳамла кардаанд. Мақомдорони украинӣ дар шарҳи ҳамлаҳо гуфтаанд, ин коргоҳҳо дар таъмини артиши Русия нақш доранд.

Ӯ ҳамчунин нигаронии Украина аз ҳузур наёфтани намояндагони ин кишвар дар гуфтугӯҳои байни Амрико ва Русия дар Риёз, пойтахти Арабистони Саудиро рад кард.

Раисҷумҳури Амрико 18-уми феврал дар поёни нишасти хабарии худ дар Флорида дар посух ба ин пурсиш, ки оё ҳанӯз интизор меравад то поёни ин моҳ бо Путин мулоқот кунад, гуфт, "эҳтимолан".

Чанд соат пеш аз он, Марко Рубио, вазири корҳои хориҷии Амрико, ки барои гуфтугӯ бо ҳамтои руси худ дар бораи ҷанги Украина ба Риёз сафар кардааст, дар нишасти хабарӣ гуфта буд, ҷонибҳо ҳанӯз замоне барои мулоқоти Трамп ва Путин таъйин накардаанд.

Музокироти Риёз нахустини гуфтугӯи мустақими мақомҳои Амрико ва Русия пас аз ҳамлаи Русия ба Украина ба шумор меравад.

Доналд Трамп аммо масъалаи канор гузоштани Украина аз ин гуфтугӯҳоро рад кард ва гуфт, ки Киев барои худдорӣ аз ҳамлаи Маскав, бояд се сол пеш бо Русия ба созиш мерасид.

Раиси ҷумҳури Амрико изҳор дошт, "имрӯз шунидам, ки гуфтаанд, мо даъват нашудем. Хуб, шумо се сол вақт доштед. Бояд тамомаш мекардед... Аслан бояд оғозаш намекардед, метавонистед созиш кунед".

Қабл аз он Владимир Зеленский, раисҷумҳури Украина, аз баргузории музокирот миёни Амрико ва Русия бе ҳузури Украина интиқод карда буд. Ӯ гуфта буд, ки музокирот байни намояндагони Русия ва Амрико дар бораи Украина бе ҳузури Украина" баргузор мешавад.

Зеленский ҳамчунин дар вокуниш ба ин музокирот сафари худ ба Арабистони Саудиро, ки қарор буд имрӯз, чоршанбеи 19-уми феврал сурат бигирад, барои се ҳафта ба ақиб андохтааст.

Вай изҳор дошт, "мо намехоҳем, ки касе бе мо барои мо тасмим бигирад... бидуни Украина ҳеҷ тасмиме наметавон барои поён додан ба ҷанг дар Украина гирифт".

Бо ин ҳол, Доналд Трамп дар изҳороти худ дар рӯзи сешанбе таъкид кард, ки тасаввур мекунад ӯ тавони поён додан ба ин ҷангро дорад.

Доналд Трамп ҳамчунин гуфт, ки Украина бояд интихобот баргузор кунад. "Ин дигар мавзӯе нест, ки Русия бигӯяд, балки ҳарфи ман аст ва хеле аз кишварҳои дигар ҳам мегӯянд".

Ҳукумати Трамп пеш аз ин таъкид карда буд, ки Украина бояд то поёни имсол интихоботи президентӣ ва порлумониро, ки бинобар ҷанг бо Русия ба таъхир афтодааст, баргузор кунад.

Аз оғози ҳамлаи низомии Русия ба Украина, Вашингтон муҳимтарин муттаҳид Украина будааст ва пас аз оғози президентии Доналд Трамп низ Киев дар талош барои наздик шудан ба ҳукумати ӯ будааст. Украина аз ҷумла, пешниҳод кардааст, ки Амрико дар коркарди захираҳои маъдани Украина саҳм дошта бошад.

Трамп мунтақиди кӯмакҳои молӣ ва низомии ҳангуфти ҳукумати Ҷо Байден ба Киев буда ва мегӯяд, ки Амрико хароҷотеро, ки дар ин кишвар кардааст, пас хоҳад гирифт.

Ба гуфтаи ин ниҳод, аз ин ба баъд сокинон метавонанд бо телефони боварии 40-30 ва ё онлайнӣ аз мушкилоти худ дар соҳаи интернету алоқа муроҷиат намоянд.

Хадамоти алоқа таъкид кардааст, ки марказ шабонарӯзӣ ва сарфи назар аз рӯзҳои истироҳатӣ, арзу шикоятҳои вобаста ба соҳаи телекоммуникатсияро қабул мекунад.

Дар Маркази махсуси тамос ба Радиои Озодӣ гуфтанд, дар рӯзҳои аввал, ба онҳо бештар аз сифати интернет шикоятҳо расиданд.

Шикоятҳо аз паст будани сифати алоқа ва интернет дар кишвар солҳост, ки садо медиҳад. Ин гуна шикоятҳо тақрибан аз ҳама минтақаҳои кишвар дар шабакаҳои иҷтимоӣ пахш мешаванд.

Дар радабандии Speedtest Global Index, Тоҷикистон аз рӯйи суръати интернети мобилӣ миёни 143 кишвар дар мақоми 139-ум қарор гирифтааст. Феълан теъдоди муштариёни интернети мобилӣ ва собит дар Тоҷикистон 4,5 миллион нафар аст.

Расонаҳо аз ин вохӯрӣ як навори кутоҳ нашр кардаанд, ки дар он Котиби давлатии Амрико Марко Рубио ва ҳамтои русаш Сергей Лавров дида мешаванд. Ҳамчунин намояндагони Арабистони Саудӣ ҳам дар толор ҳузур доранд.

Намояндагони Амрико ва Русия ин дидорро қадами аввал барои барқарор кардани муколама миёни ду кишвар ва музокироти эҳтимолӣ барои поёни ҷанг дар Украина гуфтанд. Мақомдорони украинӣ ба ин нишаст даъват нашудаанд.

Доналд Трамп, раисҷумҳури Амрико, рӯзи 12-уми феврал, пас аз як тамоси телефонӣ бо президенти Русия Владимир Путин эълон кард, ки ҳарду барои мулоқот дар Арабистони Саудӣ розӣ шудаанд.

Ба гузориши нашрияи давлатии “Ал-Аҳром”, нақшаи Миср аз он иборат аст, ки дар навбати аввал “минтақаи бехатар” ташкил шуда, сокинони Ғазза то бартараф кардани харобаҳо ва барқарор шудани иншоотҳо дар онҷо мемонанд. Дар навбати аввал ташкили се минтақаи амн дар назар аст. Дар ин мавзеъҳо барои гурезаҳо хонаҳои муваққатӣ сохта шуда, ба аҳолӣ ёриҳои башардӯстона расонда мешавад.

Хабаргузории Ассошиэйтед Пресс аз қавли ду мақомдори мисрӣ навиштааст, лоиҳаи бозсозии Ғазза панҷ солро дарбар мегирад. Ба қавли ин расона, Қоҳира лоиҳаи барқарор кардани Навори Ғаззаро бо кишварҳои Аврупо, Арабистони Саудӣ, Қатар ва Имороти Муттаҳидаи Арабӣ баррасӣ дорад. Хароҷоти ин тарҳ ба эҳтимоли зиёд аз мавзуъҳои асосӣ аст.

Қасди Миср барои барқарор кардани Ғазза дар ҳолест, ки аввали моҳи феврал Доналд Трамп пешниҳод кард, ки сокинони ин борика барои ҳамеша ин борикаро тарк карда, ба кишварҳои ҳамсоя азҷумла, Урдун ва Миср кӯч банданд. Кишварҳои арабӣ аз ҷумла, Миср ва Урдун қабули сокинони Ғаззаро рад карда, гуфта буданд, ки онҳо бояд дар хонаҳояшон бимонанд.

Навори Ғазза, ки беш аз 2 миллион аҳолӣ дорад, дар пайи 15 моҳ ҷанг миёни гуруҳи "Ҳамос" ва Исроил хароб шудааст. Ин ҷанг моҳи октябри соли 2023 бо ҳамлаи "Ҳамос" ба Исроил шуруъ шуд ва то январи соли 2025 давом кард. Амрико ва Иттиҳоди Аврупо "Ҳамос"-ро созмони террористӣ медонанд.

Нишасти Париж рӯзи 17-уми феврал ва як рӯз пеш аз музокироти баҳсбарангези Амрико ва Русия баргузор шуд. Қарор аст ҳайатҳои ИМА ва Русия рӯзи 18-уми феврал дар Арабистони Саудӣ вохӯранд.

Роҳбарони Иттиҳоди Аврупо 17-уми феврал ба пуштибонӣ аз Украина таъкид карданд.

Владимир Зеленский, раиси ҷумҳури Украина ҳафтаи гузашта гуфт, Киев мехоҳад, барои поён додан ба ҷанги Русия дар Украина ҳаракат кунад, вале афзуд, ки “мо кафолатҳои воқеии амниятӣ мехоҳем.”

Расонаҳои исроилӣ аз интиқоли 4-5 ҷасад гузориш доданд, аммо номи онҳо феълан маълум нест. Дар назар аст, ки "Ҳамос" то 20-уми феврал номи ин асирони ҳалокшударо эълон кунад. Баъди он ҷасади ин гаравгонҳо барои ташхис ба Тел-Авив интиқол дода мешаванд. Танҳо баъди тасдиқ шудани шахсият, ҷасадҳо ба хешовандон дода мешавад.

Дар ҳамин ҳол The Times of Israel гузориш додааст, ки “Ҳамос” аз озод кардани асирони зиндамонда худдорӣ накард. Ба гузориши ин манбаъ, рӯзи шанбеи 22-юми феврал “Ҳамос” боз 3 гаравгонро раҳо мекунад.

"Ҳамос" рӯзи 7-уми октябри соли 2023 дар ҳамлае ба Исроил беш аз 1200 касро кушт ва зиёда аз 200 нафарро ба гарав гирифт.

Дар ҳамлаҳои Исроил ҳудуди 47 ҳазор фаластинӣ кушта ва даҳҳо ҳазори дигар захмӣ шуданд.

Ҷанги ду тараф понздаҳ моҳ давом кард ва моҳи январи имсол оташбас барқарор шуд.

Имсол муҳлати пардохти пули евробондҳо ва ҳам як қисм қарзи “Эксимбонк”-и Чин фаро мерасад. Барои ҳамин, Тоҷикистон соли 2025 бояд 473 миллион долларро баргардонад. То ин вақт кишвар солона барои пардохти қарзи хориҷӣ ва баҳраи онҳо бештар аз 200 миллион доллар харҷ мекард.

Масъалаи қарзи хориҷӣ ва тарзи истифодаву баргардондани он дар Тоҷикистон ҳамеша як мавзӯи нигаронкунанда будааст. Бахусус қарзҳои Чин, ки шарту шароиташ расман эълон намешавад.

Тибқи оморҳои ахири Вазорати молия, Тоҷикистон аз кишвар ва созмонҳои молии ҷаҳонӣ 3,2 миллиард доллар қарздор аст.

Ин ҳавопаймо бо 76 мусофир ва чаҳор сарнишин, рӯзи душанбе аз Миннеаполис дар Амрико ҳаракат карда буд ва ҳангоми нишаст дар фурудгоҳи "Пирсон"- Торонто, ки шоҳиди бориши сахти барф буд, вожгун шуд.

Ширкати Delta Airlines шумори захмиёнро 18 тан эълон кард, аммо баъдан мудири фурудгоҳи Торонто гуфт, ки ин сониҳа 17 маҷрӯҳ дошт, ки ба бемористонҳои маҳаллӣ интиқол ёфтанд.

Ҳоли се тан аз маҷрӯҳон, аз ҷумла, як кӯдак ва ду марди калонсол, вазнин гуфта мешавад.

Дар наворҳои видеоие, ки дар шабакаҳои иҷтимоӣ нашр шуд, дида мешавад, ки ҳавопаймо ҳангоми фуруд омадан мувозинати худро аз даст медиҳад ва пас аз расидан ба замин, ба таври комил вожгун мешавад.

Ҳамчунин видеоҳое аз хуруҷи амни мусофирон аз ин ҳавопаймо ва фаъолияти имдодгарон дар фурудгоҳ нашр шудааст.

Ин сониҳа боис шуд, ки парвозҳои вурудӣ ва хуруҷии фурудгоҳи "Пирсон" ҳудуди ду соат қатъ шавад.

"Пирсон" калонтарин фурудгоҳи Торонто аст ва қарор буд рӯзи душанбе бинобар бекор кардани чандин парвоз дар рӯзҳои гузашта бинобар барфбории сахт, шоҳиди издиҳоми парвозҳо бошад.

Сабаби сониҳаи рӯзи душанбе ҳанӯз эълом нашудааст, аммо ба навиштаи хабаргузории "Ассошиэйтед пресс", эҳтимолан номусоидии ҳаво боиси он шудааст.