Дар мусобиқаи имсолаи лигаи олии футболи Тоҷикистон, ки бори 34-ум сурат гирифтааст, 12 даста иштирок дорад. Бо сабаби омода набудани майдонҳо панҷ бозии даври сеюми мусобиқаи лигаи олӣ дар Варзишгоҳи марказии шаҳри Душанбе ва танҳо як дидор дар Варзишгоҳи марказии шаҳри Истаравшан доир шуданд.
Се бозии даври сеюм рӯзи 28-уми март дар Душанбе бо чунин натиҷаҳо хотима ёфт: КМВА (Душанбе) - «Ҳулбук» (Восеъ) – 0:0, «Вахш» (Бохтар) - «Регар-ТадАЗ» (Турсунзода) – 1:1, «Барқчӣ» (Ҳисор) - «Панҷшер» (Румӣ) - 0:0. Як дидор миёни тимҳои «Истаравшан» - «Эсхата» (Хуҷанд) дар шаҳри Истаравшан бо ҳисоби 2:2 ба анҷом расид.
Ду бозии дигари даври сеюм рӯзи шанбеи 29-уми март дар пойтахти кишвар доир гардид. «Равшан» (Кӯлоб) бар «Хуҷанд» (Хуҷанд) бо ҳисоби 4:1 ғолиб омад, бозии «Истиқлол» (Душанбе) бо «Ҳосилот» (Фархор) бо ҳисоби 1:1 хотима ёфт.
Баъди натиҷагирии бозиҳои даври сеюми мусобиқа дар ҷадвал дастаҳои КМВА, “Вахш”, “Ҳулбук” ва “Истиқлол” бо ҳафтимтиёзӣ мутаносибан ҷойҳои аз якум то чаҳорумро касб кардаанд. Танҳо як даста – “Хуҷанд”, ки ҳарсе бозиашро бохтааст, бидуни имтиёз дар зинаи охирини ҷадвал қарор дорад.
Мусобиқоти қаҳрамонии Тоҷикистон дар ду давра барпо мегардад, ҳар як даста 22 бозӣ анҷом медиҳад. Дастае, ки имсол дар мусобиқаи лигаи олӣ ҷойи охиринро ишғол менамояд, ба лигаи якум мегузарад ва дастае, ки ҷойи ёздаҳумро мегирад, бо барандаи медали нуқраи лигаи аввали Тоҷикистон дар соли 2025 бозиҳои гузаришӣ барпо мекунад.
Мавқеи дастаҳо дар ҷадвали мусобиқа:
Даври сеюм
28-уми март (ҷумъа)
КМВА – «Ҳулбук» - 0:0
Сардовар: Абдулло Давлатов (Шаҳринав)
Душанбе, Варзишгоҳи марказии ҷумҳуриявӣ, 1300 тамошобин.
28-уми март (ҷумъа)
“Истаравшан” – «Эсхата» - 2:2
Голҳо: Мирзоҳид Мирзомаҳмудов, 81 – аз пеналти, Султонбек Фозилов, 90 – Ҳамидулло Абдулҳамидов, 47, Ҳоҷӣ Абдуманнон, 67
Сардовар: Наврӯз Воҳидов (Вахш)
Истаравшан, Варзишгоҳи марказӣ, 5000 тамошобин.
28-уми март (ҷумъа)
“Вахш” – «Регар-ТадАЗ» - 1:1
Голҳо: Нуриддин Ҳамроқулов, 27 – Нозим Бобоҷонов, 7
Сардовар: Насрулло Кабиров (Норак)
Душанбе, Варзишгоҳи марказии ҷумҳуриявӣ, 400 тамошобин.
28-уми март (ҷумъа)
“Барқчӣ” – «Панҷшер» - 0:0
Сардовар: Амирҷон Хоркашев (Душанбе)
Душанбе, Варзишгоҳи марказии ҷумҳуриявӣ, 120 тамошобин.
“Равшан” – «Хуҷанд» - 4:1
Голҳо: Шериддин Бобоев, 44, 74, Азизбек Ҳаитов, 50 – аз пеналти, Охетунде Олаолува, 54 – Шон Пол Комолафе, 19
Аз майдон хориҷ шуд: Давронҷон Эргашев, 84 (“Хуҷанд”)
Сардовар: Гулмуроди Саъдулло (Душанбе)
Душанбе, Варзишгоҳи марказии ҷумҳуриявӣ, 800 тамошобин.
29-уми март (шанбе)
“Истиқлол” – «Ҳосилот» - 1:1
Голҳо: Манучеҳр Ҷалилов, 12 – Ислом Зоиров, 83
Сардовар: Хуршед Дадобоев (Хуҷанд)
Душанбе, Варзишгоҳи марказии ҷумҳуриявӣ, 400 тамошобин.
Мавқеи дастаҳо дар ҷадвали мусобиқа:
| Ҷ | ДАСТАҲО | Б | Ғ | М | Б | Т/Т | И |
| 1 | КМВА (Душанбе) | 3 | 2 | 1 | 0 | 5-1 | 7 |
| 2 | “Вахш” (Бохтар) | 3 | 2 | 1 | 0 | 6-3 | 7 |
| 3 | «Ҳулбук» (Восеъ) | 3 | 2 | 1 | 0 | 3-0 | 7 |
| 4 | “Истиқлол” (Душанбе) | 3 | 2 | 1 | 0 | 4-2 | 7 |
| 5 | «Равшан» (Кӯлоб) | 3 | 1 | 1 | 1 | 5-3 | 4 |
| 6 | «Барқчӣ» (Ҳисор) | 3 | 1 | 1 | 1 | 3-1 | 4 |
| 7 | «Регар-ТадАз» (Турсунзода) | 3 | 1 | 1 | 1 | 3-3 | 4 |
| 8 | “Эсхата” (Хуҷанд) | 3 | 1 | 1 | 1 | 4-5 | 4 |
| 9 | «Истаравшан» (Истаравшан) | 3 | 0 | 2 | 1 | 3-4 | 2 |
| 10 | «Ҳосилот» (Фархор) | 3 | 0 | 1 | 2 | 2-6 | 1 |
| 11 | «Панҷшер» (Балхӣ) | 3 | 0 | 1 | 2 | 0-5 | 1 |
| 12 | «Хуҷанд» (Хуҷанд) | 3 | 0 | 0 | 3 | 2-7 | 0 |
Нишонзанҳо: Манучеҳр Ҷалилов («Истиқлол») – 3 тӯб, Нуриддин Ҳамроқулов, Дмитрий Билоног (ҳарду аз «Вахш»), Шаҳбоз Ҳабибов (КМВА), Шериддин Бобоев («Равшан»), Хайриддин Турахонов («Ҳулбук»), Ҳамидулло Абдулҳамидов («Эсхата») – 2-тӯбӣ.
Даври 4-ум
4-уми апрел (ҷумъа)
«Ҳулбук» – «Эсхата»
КМВА – «Барқчӣ»
5-уми апрел (шанбе)
«Регар-ТадАЗ» – «Равшан»
«Ҳосилот» – «Вахш»
6-уми апрел (якшанбе)
«Хуҷанд» – «Истаравшан»
«Панҷшер» – «Истиқлол»
Гуфтугӯ