Бозии даври чаҳоруми мусобиқа миёни занони футзалбози тоҷику узбек 14-уми феврал доир гардид. Нимаи аввали дидор бо ҳисоби 3:1 ба суди меҳмонон хотима ёфт. Мунтахаби Узбекистон дар нимаи дуюми бозӣ боз панҷ гол ба самар расонд. Дар бозии дигари ин давр мунтахаби Эрон ба дастаи Туркманистон бо ҳисоби 5:1 пирӯз шуд.
Дар чаҳорумин мусобиқаи қаҳрамонии CAFA-2025 байни занон дар Душанбе дастаҳои мунтахаби футзали Қирғизистон, Тоҷикистон, Туркманистон, Узбекистон ва Эрон ширкат доранд. Мусобиқа, ки аз рӯйи системи даврӣ дар як давра баргузор мешавад, рӯзи якшанбеи 16-уми феврал ба поён мерасад.
Ёдовар мешавем, аввалин бозии мусобиқаи имсола миёни дастаҳои мунтахаби занонаи футзали Туркманистон ва Қирғизистон бо ҳисоби 1:1 ба поён расида буд. Дар бозии дигари даври якум тими миллии Эрон дастаи мунтахаби Узбекистонро бо ҳисоби бузурги 9:0 шикаст дод. Дар даври дуюми мусобиқа Узбекистон ба Туркманистон бо ҳисоби 6:3 ва Қирғизистон ба Тоҷикистон бо ҳисоби 3:0 пирӯз шуданд. Дар даври сеюм Эрон ба дарвозаи қирғизҳо 10 голи беҷавоб зад ва Тоҷикистон бозиро ба Туркманистон бо ҳисоби 0:1 бохт.
Пас аз натиҷагирии чаҳор даври мусобиқа Эрон бо 9 имтиёз дар ҷойи аввал аст. Узбекистон бо 6 имтиёз дар ҷойи дуюм мебошад. Туркманистону Қирғизистон бо чоримтиёзӣ мутаносибан ҷойҳои сеюму чаҳорумро касб кардаанд. Тоҷикистон бидуни имтиёз дар ҷойи панҷум қарор дорад.
Дар даври панҷуми мусобиқа рӯзи якшанбеи 16-уми феврал Қирғизистон бо Узбекистон ва Тоҷикистон бо Эрон рақобат мекунанд.
Бояд гуфт, дар се мусобиқаи пешин (Душанбе - 2022, Тошканд - 2023 ва Душанбе - 2024), ки панҷ дастаи мунтахаби занонаи минтақа –Қирғизистон, Тоҷикистон, Туркманистон, Узбекистон ва Эрон – иштирок доштанд, бонувони эронӣ пирӯз шудаанд. Натиҷаи беҳтарини мунтахаби Тоҷикистон дар ин мусобиқа медалҳои биринҷӣ дар соли 2023 дар Тошканд мебошад.
Мусобиқаи қаҳрамонии CAFA-2025 байни дастаҳои мунтахаби футзали занона
Иштироккунандагон:
Қирғизистон
Тоҷикистон
Туркманистон
Узбекистон
Эрон
Даври якум
9-уми феврал (якшанбе)
Туркманистон – Қирғизистон – 1:1
Узбекистон – Эрон – 0:9
Даври дуюм
10-уми феврал (душанбе)
Туркманистон – Узбекистон – 3:6
Қирғизистон – Тоҷикистон – 3:0
Даври сеюм
12-уми феврал (чоршанбе)
Эрон – Қирғизистон – 10:0
Тоҷикистон – Туркманистон – 0:1
Даври чаҳорум
14-уми феврал (ҷумъа)
Эрон – Туркманистон - 5:1
Узбекистон – Тоҷикистон – 8:1
Мавқеи дастаҳо лар ҷадвали мусобиқа:
Ҷ ДАСТАҲО Б Ғ М Б Тӯбҳо И
1 Эрон 3 3 0 0 24-1 9
2 Узбекистон 3 2 0 1 14-13 6
3 Туркманистон 4 1 1 2 6-12 4
4 Қирғизистон 3 1 1 1 4-11 4
5 Тоҷикистон 3 0 0 3 1-12 0
Даври панҷум
16-уми феврал (якшанбе)
16:00 – Қирғизистон - Узбекистон
19:00 – Тоҷикистон – Эрон
Гуфтугӯ