Варзишгарони тоҷик дар мусобиқаи байнулмилалии ҷудо - Grand Prix Portugol 2024, ки рӯзҳои 26-28-уми январ дар шаҳри Одивеласи Португалия доир гардид, натавонистанд медал бигиранд.
Ба иттилои Федератсияи байнулмилалии ҷудо (IJF), нахустин мусобиқаи мавсими нав - Гран-Прии Португалия – бо иштироки 624 варзишгар (344 мард ва 280 зан) аз 90 кишвар баргузор шуд.
Ба ҳайати дастаи мунтахаби Тоҷикистон дар ин мусобиқа ҳашт нафар миёни мардон ва як нафар миёни занон дохил буданд: Муҳаммадсолеҳ Қувватов ва Меҳрзод Сӯфиев (ҳарду дар вазни то 60 кг), Маҳмадшариф Наҷмиддинов (-73 кг), Муҳаммадҷон Абдуҷалилзода (-81 кг), Умедҷон Раҷабов ва Комроншоҳи Устопириён (ҳарду дар вазни то 90 кг), Абубакри Акобир ва Эмомризо Анварзода (ҳарду дар вазни то 100 кг), Аҳлия Муъминова (-52 кг).
Вале ягон нафари онҳо натавонист ба чорякфинали мусобиқаи Гран-Прии Португалия роҳ пайдо кунад.
Дарвоқеъ, дар ин мусобиқа варзишгари тоҷиктабори Русия Маҳмадбек Маҳмадбеков, писарамаки Сомон Маҳмадбеков, дар ҳайати дастаи бетараф (AIN) дар вазни то 73 кило барандаи медали биринҷӣ гардид.
Ғолибону ҷоизадорони Гран-Прии Португалия:
Мардон
-60 кг
1. Дилшодбек БАРОТОВ (Узбекистон)
2. Мишул АУГУСТО (Бразилия)
3. Турон БАЙРАМОВ (Озарбойҷон)
3. Юнгн Вей ЯНГ (Тайпейи Чин)
-66 кг
1. Яго АБУЛАДЗЕ (Русия)
2. Яшар НАҶАФОВ (Озарбойҷон)
3. Шинсей ХАТТОРИ (Ҷопон)
3. Комрон СУЛАЙМОНОВ (Озарбойҷон)
-73 кг
1. Денис ЛАВРЕНТЕВ (Русия)
2. Салвадор КАСЕС РОСА (Испания)
3. Руига ТАНАКА (Ҷопон)
3. Маҳмадбек МАҲМАДБЕКОВ (Русия)
-81 кг
1. Яшито ХОҶО (Ҷопон)
2. Ведат АЛБАЙРАК (Туркия)
3. Саид МУЛЛОӢ (Озарбойҷон)
3. Ҷунвен ЛИИ (Ҷумҳурии Корея)
-90 кг
1. Михаэл ЗГАНК (Туркия)
2. Клен Кристофер КАЛЖУЛАИВ (Эстония)
3. Марк ВАН ДАЙК (Нидерланд)
3. Иля ҲОҶИЕВ (Озарбойҷон)
-100 кг
1. Матвей КАНИКОВСКИЙ (Русия)
2. Николоз ШЕРАЗАДИШВИЛИ (Испания)
3. Рафаэл БУЗАКАРИНИ (Бразилия)
3. Гоншигсурен БАТХУЯГ (Муғулистон)
+100 кг
1. Инал ТАСОЕВ (Русия)
2. Минйонг КИМ (Ҷумҳурии Корея)
3. Канта НАКАНО (Ҷопон)
3. Тамерлан БАШАЕВ (Русия)
Занон
-48 кг
1. Никари ЙОШИДА (Ҷопон)
2. Кано МИЯКИ (Ҷопон)
3. Ҳабиба АБУҲАКИМОВА (Қазоқистон)
3. Нарансесег ГАНБААТАР (Муғулистон)
-52 кг
1. Диёра КЕЛДИЁРОВА (Узбекистон)
2. Река ПУПП (Венгрия)
3. Маша БАЛЛХАУС (Олмон)
3. Глафира БОРИСОВА (Русия)
-57 кг
1. Мими ХУХ (Ҷумҳурии Корея)
2. Даря ҚУРБОНМАМАДОВА (Русия)
3. Сейжа БАЛЛХАУС (Олмон)
3. Айами ТАКАНО (Ҷопон)
63 кг
1. Люси РЕНШАЛЛ (Британияи Кабир)
2. Катарина НАЕКЕР (Австралия)
3. Инбал ШЕМЕШ (Исроил)
3. Жофи ОЗБАС (Венгрия)
-70 кг
1. Барбара МАТИЧ (Хорватия)
2. Гулноза МАТНИЁЗОВА (Узбекистон)
3. Рихо САИГАҶИ (Ҷопон)
3. Мариам БУТКЕРЕИТ (Олмон)
-78 кг
1. Анна Монта ОЛЕК (Олмон)
2. Метка ЛОБНИК (Словения)
3. Петрутяла ПАВИК (Хорватия)
3. Хлое БУТТИГИЕГ (Фаронса)
+78 кг
1. Ҳилол ОҚТУРК (Туркия)
2. Мики МУКУНОКИ (Ҷопон)
3. Кинга ФОЛСЖАК (Полша)
3. Коралие ҲАЙМЕ (Фаронса)
Ба ҷуз аз медал, ғолибон дар ҳамаи 14 вазн (7 вазн байни мардон ва 7 вазн миёни занон) бо 3000 евро, барандагони медали нуқра бо 2000 евро ва соҳибони медали биринҷӣ бо 1000 евро мукофотонида шуданд.
Инчунин ширкаткунандагони ин мусобиқаи пурнуфузи байналмилалӣ соҳиби имтиёзҳо дар радабандии инфиродии ҷаҳонӣ ва олимпӣ гардиданд.
Дар ҳисоби умумидастаӣ мунтахаби Ҷопон бо касби 9 медал (2 тилло, 2 нуқра ва 5 биринҷӣ) ҷойи аввалро гирифт. Дастаҳои мунтахаби Узбекистон ва Туркия бо касби 3-медалӣ (2 тилло ва 1 нуқра) мутаносибан ҷойҳои дуюму сеюмро соҳиб шуданд.
Ёдовар мешавем, соли гузашта Тоҷикистонро дар ин мусобиқаи байналмилалӣ дар рақобатҳо миёни мардон ҳафт варзишгар намояндагӣ кард. Аз байни онҳо танҳо Ҷаҳонгир Маҷидов натиҷаи хубтар нишон дод ва дар вазни то 90 кило мақоми ҳафтумро касб намуд.
Соли 2022 бошад, дар Гран-Прии Португол Комроншоҳи Устопириён, ки ягона варзишгар аз Тоҷикистон буд, дар вазни то 90 кило медали биринҷӣ ба даст овард.
Акнун паҳлавонони тоҷик дар мусобиқаи дуюми имсола «Тоскӯлоҳи бузург» (Paris Grand Slam 2024), ки аз 2-юм то 4-уми феврал бо иштироки беш аз 660 варзишгар аз 111 кишвар дар Парижи Фаронса баргузор мешавад, ширкат меварзанд.
Ба ҳайати дастаи мунтахаби Тоҷикистон 9 варзишгар - Меҳрзод Сӯфиев (дар вазни -60 кг), Эмомалӣ Нуралӣ ва Обид Ҷебов (ҳарду дар вазни -66 кг), Беҳрӯзи Хоҷазода ва Абубакр Шеров (ҳарду дар вазни -73 кг), Сомон Маҳмадбеков (-81 кг), Комроншоҳи Устопириён (-90 кг) ва Ҷаҳонгир Маҷидов (-100 кг) дар сабқати мардон, инчунин Аҳлия Муъминова (-52 кг) дар сабқати занон дохиланд.
Маблағи умумии ҷоизаҳои мусобиқаи «Тоскӯлоҳи бузург» (Paris Grand Slam 2024) 154 ҳазор евроро ташкил медиҳад.
Ғолибон дар ҳамаи 14 вазн (7 вазн миёни мардон ва 7 вазн байни занон) бо 5000 евро, барандагони медали нуқра бо 3000 евро ва соҳибони медали биринҷӣ бо 1500 евро мукофотонида мешаванд.
