Даҳҳо ҳаводори овозхони маъруф Юлдуз Усмонова дар аввали моҳи марти имсол барои иштирок дар як барномаи ҳунарии ӯ дар Тошканд аз Тоҷикистон ба Узбакистон хоҳанд рафт. Муродҷон Ҳамидов – мудири ширкати сайёҳии “Ҷаҳонгард” – рӯзи 18 феврал дар сӯҳбат бо Радиои Озодӣ гуфт, то кунун тақрибан чиҳил нафар барои ин сафар омодагии худро изҳор кардаанд. “Ин барномаи ҳунарӣ дар толори “Дурон”-и пойтахти Узбакистон баргузор хоҳад шуд”, - гуфт ӯ.

Харҷи сафар 1600 сомонӣ, муодили 200 доллар мушаххас шудааст, ки ба қавли Муродҷон Ҳамидов, рафту баргашт ва, инчунин, пули визаву меҳмонхона ва саёҳати Тошкандро дар бар мегирад. Вай гуфт, онҳо қасд доранд, тарафдорону ҳаводорони таронаҳои Юлдуз Усмоноваро ба консерти бузурги ӯ дар моҳи апрел дар толори “Истиқлол”-и Тошканд низ бибаранд.

Усмонова қаблан дар саҳифаи Инстаграмаш гуфта буд, фурӯши билети консерташ, ки “Эй инсони азиз” ном дорад, оғоз шудааст. Ин иттилоъро дар сӯҳбат бо Радиои Озодӣ дар кохи фарҳанги “Истиқлол” ҳам тасдиқ карданд. Нархи як билет то 35 доллари амрикоӣ будааст. Тайи 11 соли охир мақомоти Узбакистон дар даврони ҳукумати Ислом Каримов, раиси ҷумҳури пешин, ба Юлдуз Усмонова барои баромадан ба саҳна ва баргузории консерти калон иҷозат намедоданд.

Ӯ, ки бо раиси ҷумҳурии Озарбойҷон Илҳом Алиев рӯзи 9 октябр дар шаҳри Душанбе дар ҳошияи ҷаласаи сарони кишварҳои Иттиҳоди давлатҳои мустақил дидору гуфтугӯ мекард, гуфт, "мехоҳам мулоқотамон аз мавзӯи ҳассотарин, аз фоҷеаи ҳавоӣ шурӯъ шавад, ки дар ҳавои мо рух дод."

Путин дар идомаи суҳбаташ гуфт: "Ҳамон вақт дар суҳбати телефонии якуми мо, ман на танҳо узр пурсидам, ки ин ҳодиса маҳз дар фазои Русия рух дод, балки ба оилаҳои қурбониҳо тасаллияти самимитарини худро баён кардам. Мехоҳам инро бори дигар такрор кунам, нав кунам ва бигӯям, ки мо, ҳамонгуна ки машварат кардем, ба тафтишот ҳама гуна ёрии худро мерасонем. Тафтиш дар ҳоли анҷом ёфтан аст. Ҳоло дар умум мешавад дар бораи сабабҳои ин фоҷеа сӯҳбат кард."

Он замон Путин гуфт буд, ки Русия пардохти ҷубронпулиро ба ӯҳда мегирад. Алиев изҳори умедворӣ кардааст, ки барои шубҳа кардан дар дурустии тафтишот баҳонае намемонад.

Рӯзи 25 декабри соли 2024 дар наздикиҳои шаҳри Оқтауи Қазоқистон ҳавопаймои мусофирбари Embraer 190 AZAL ба замин суқут кард. Дар дохили ҳавопаймо, ки аз Боку ба Грозний парвоз мекард, 67 нафар қарор доштанд ва 38 касашон ҷон доданд. Ҳавопаймо ба он хотир ба Оқтау рафт, ки натавонист дар шаҳри Грозний фуруд ояд. Он дар фосилаи 3 км то фурудгоҳи қазоқистонӣ суқут кард.

Ин ҳодиса равобити миёни Русияву Озарбойҷонро пуртаниш кард ва баъди он ҳам мақомоти қудратии Русия фишорро болои озаритаборҳо афзоиш дода, дар ҳодисаи мармузе ду бародаре дар боздошти полиси Екатеринбург ҷон доданд.

Ирина Волк, сухангӯи Вазорати корҳои дохилии Русия, рӯзи 8-уми октябр дар саҳифаи Телеграмаш навиштааст, ки ин афрод барои нагузаштан аз қайди ҳарбӣ ва маҳкум шудан ба ҷиноят аз тарафи додгоҳ, шаҳрвандиашон лағв шудааст.

Маълум нест, ки дар миёни ин се ҳазор нафар чӣ теъдоде аз зодагони Тоҷикистон қарор доранд.

Соли ҷорӣ дар Русия феҳристи ҷиноятҳое, ки боиси қатъи шаҳрвандӣ мешаванд, зиёд карда шуд.

Ҳамчунин, ҳар нафаре, ки шаҳрвандии ин кишварро мегирад, бояд зуд аз қайди ҳарбӣ гузарад, дар сурати ғайр аз шаҳрвандӣ маҳрум мегардад. Қайди ҳарбӣ бештар аз тарафи мақомот барои ҷалб ба ҷанги Украина истифода мешавад.

Солҳои охир садҳо ҳазор шаҳрванди кишварҳои хориҷӣ, аз ҷумла аз Осиёи Марказӣ, ба хотири осон шудани шароити кору зисташон дар Русия шаҳванди ин кишвар шуда, шиносномаи русӣ гирифтаанд.

Баъди оғози ҷанги Русия дар Украина ва эҳтиёҷи зиёди ин кишвар ба сарбоз, мақомот дар Маскав талош доранд, ки шаҳрвандони нави ин кишварро ба ҷанг ҷалб кунанд.

Мақомоти рус мегӯянд, шаҳрвандони нави Русия бояд пеш аз ҳама омода бошанд, ки ба ҷанг рафта садоқати худро ба ин давлат нишон диҳанд. Дар сурати саркашӣ онҳо аз шаҳрвандӣ маҳрум карда мешаванд.

Ҷоизаи Нобел дар бахши адабиётро имрӯз ба нависандае аз Маҷористон ё Венгрия Ласло Краснаҳоркаӣ тақдим карданд.

Дар шарҳи Кумитаи Нобел навишта шудааст, ки нависанда “ба хотири эҷодиёти боэътимод ва ояндабинаш, ки дар шароити ваҳшати охиризамонӣ бори дигар қудрати ҳунарро нишон медиҳад”, қадрдонӣ мешавад.

Ласло Краснаҳоркаӣ соли 1954 дар шаҳраки Дюлаи Маҷористон, дар сарҳад бо Руминия таваллуд шудааст. Романи нахустини ӯ «Рақси шайтонӣ» дар соли 1985 ҳодисаи бузурге дар адабиёти кишвараш дониста шуд.

Дар изҳороти муштараки раҳбарони Тоҷикистону Русия дар поёни музокироти миёни Эмомалӣ Раҳмон ва Владимир Путин рӯзи 9 октябр дар Душанбе омодагии ду кишвар барои «фаъолтар ба роҳ мондани» ҳамкориҳо дар соҳаи низомӣ ва низомию техникӣ «ба хотири субот дар минтақа» баён шудааст.

Изҳороти муштарак, ки дар бораи тавсеаи ҳамкориҳои шарикии ду кишвар имзо шуд, мегӯяд, «ҷонибҳо ният доранд ҳамкориҳоро дар соҳаҳои ҳарбӣ ва ҳарбию техникӣ бо мақсади тақвияти амният ва субот дар минтақа, аз ҷумла бо истифода аз зарфиятҳои пойгоҳи ҳарбии 201-уми Русия фаъолтар намоянд». Дар ин бора сомонаи Кремлин хабар медиҳад.

Путин дар ҳузури намояндагони матбуот аз ин пеш гуфтааст, ки пойгоҳи 201-ум, аз ҷумла кафили амният дар Тоҷикистон ва минтақа мебошад. Тавсеаи ҳамкориҳо дар соҳаи ҳарбӣ рушди ҳамкориҳоро дар муқовимат ба терроризму ифротгароӣ, пешгирӣ аз ифротгароии ҷомеа ва «ҷилавгирӣ аз паҳн шудани идеологияи харобкорона» пешбинӣ мекунад.

Дар изҳороти муштарак инчунин омадааст, ки Русияву Тоҷикистон «мудохилаи кишварҳо ва созмонҳои ҳарбию сиёсии хориҷ аз минтақа ба вазъ дар Осиёи Марказӣ роҳ намедиҳанд ва ҳама масоили амниятӣ дар минтақа бояд тавассути Созмони паймони амнияти дастаҷамъӣ (СПАД) ҳал шаванд». Дар ин санад нақши пешбарандаи СПАД ба хотири дастгирии суботи минтақаӣ таъкид шудааст.

Ҷузъиёте аз ин беш дода намешавад.

Владимир Путин, президенти Русия, ки беш аз се сол аст артишаш дар Украина меҷангад ва поёни он маълум нест кай фаро мерасад, дар Тоҷикистон бо як сафари давлатӣ қарор дорад. Дар миёни созишномаҳои рӯзи панҷшанбе имзошуда, аз ҷумла ҳамкорӣ бо ширкати “БТК Групп” дар бораи “ташкили кластери саноати сабук” ёд мешавад. Ин ширкат барои низомиёни Русия, ки дар Украина меҷанганд, либос медӯзад ва се соли охир фаъолияти он дар Тоҷикистон ҳам сабт шудааст.

Сафорати Амрико дар Тоҷикистон эълон кард, ки ба далели баста будани роҳҳо ва маҳдудияти эҳтимолӣ дар Душанбе, рӯзҳои 9 ва 10 октябр бо теъдоди андаки кормандон фаъолият мекунад.

Дар хабарномаи Сафорат омадааст, ки қабули муқаррарии консулӣ ба рӯзҳои дигар мавқуф гузошта шуд.

Сафорат ҳамчунин гуфтааст, ки рӯзи 13 октябр бинобар ҷашни Рӯзи Колумб дар Амрико, дарҳояш баста мебошанд ва кори кори муқаррарӣ сешанбеи 14 октябр аз сар гирифта мешавад.

Пойтахти Тоҷикистон ин рӯзҳо мизбони нишасти сарони кишварҳои Иттиҳоди Давлатҳои Мустақил мебошад ва ба ин хотир, чораҳои амниятии сахте ҷорӣ шудааст.

Аз ҷумла бозор, калонтарин марказҳои савдо, роҳҳои марказӣ ва масҷидҳои калон баста шуда, вуруд ба пойтахт маҳдуд шудааст.

Бар асари ҳамлаи афроди мусаллаҳ ба корвони нерӯҳои Покистон 10 сарбоз ва як афсар кушта шудаанд.

Дафтари робитаи умумии артиши Покистон рӯзи 8 октябр эълон кард, ки ин ҳамла шаби қабл дар минтақаи қабиланишини Хуррам дар наздикии марзи Афғонистон рух додааст.

Дар хабарномаи артиш омадааст, ки ин ҳамла дар ҷараёни амалиёти нерӯҳои покистонӣ дар ин минтақа, рух додааст.

Як манбаъ дар маҳал ба шарти фош нашудани номаш ба Радиои Машъал, бахши покистонии Радиои Озодӣ гуфтааст, ки пас аз ин ҳодиса панҷ сарбози покистонӣ нопадид шудаанд.

Гурӯҳи Таҳрики Толибони Покистон масъулияти ин ҳамларо ба дӯш гирифтааст.

Ин рӯйдод яке аз маргбортарин ҳамлаҳо ба нерӯҳои амниятии Покистон дар моҳҳои ахир хонда шудааст.

Владимир Путин, раиси ҷумҳури Русия шоми 8-уми октябр бо сафари давлатӣ вориди Душанбе, пойтахти Тоҷикистон шуд. Путинро дар фурудгоҳ президент Эмомалӣ Раҳмон пешвоз гирифт.

Барномаи сафари раиси ҷумҳури Русия аз гузоштани гулчанбар бар пояи муҷассамаи Исмоили Сомонӣ оғоз шуд. Қарор аст имрӯз Владимир Путин бо Эмомалӣ Раҳмон алоҳида ва баъдан бо ҳузури ҳайатҳо вохӯрӣ гузаронад.

Сафари Путин ба Тоҷикистон то 10-уми октябр идома мекунад, вале ба ҷуз барномаи умумии сафару дидору гуфтугӯҳо, ҷузъиёте дар бораи мавзӯи мушаххаси суҳбату созишномаҳои эҳтимолӣ дода намешавад.

Танҳо субҳи 8-уми октябр мақомоти Кремлин дар шарҳи нақшаи кори раҳбари Русия дар Тоҷикистон гуфтанд, то 15 санади ҳамкорӣ имзо мешавад ва "қарор аст дар бораи ҳамкориҳои сиёсӣ, тиҷорӣ, иҷтимоӣ, фарҳангӣ ва инсондӯстона баҳс ва табодули назар сурат бигирад".

Қарор аст Владимир Путин дар нишасти “Осиёи Марказӣ+Русия” ва ҳамоиши сарони кишварҳои узви ИДМ ширкат кунад.

Барои сафари Путин ва дигар роҳбарони ИДМ дар Душанбе чораҳои амнияти сахте ҷорӣ шудааст. Аз ҷумла бозор, калонтарин марказҳои савдо, роҳҳои марказӣ ва масҷидҳои калон баста шуда, вуруд ба пойтахт маҳдуд шудааст.

Ҳамоиши солонаи САҲА дар мавзуи ҳуқуқи башар рӯзи 6-уми октябр дар шаҳри Варшава, пойтахти Лаҳистон (Полша) оғоз шуд.

Муҳаммадҷон Кабиров, муҳаррири телевизиони “Аздо”, як расонаи наздик ба мухолифини тоҷик, рӯзи 8-уми октябр ба Радиои Озодӣ гуфт, дар суҳбаташ бештар ба бетаваҷҷуҳии созмонҳои байналмилалӣ, аз ҷумла САҲА, ба сарнавишти рӯзноманигорони зиндонӣ ва нашрияҳое, ки баста шудаанд, тамаркуз карда буд.

“Бо истифода аз фишангҳои давлатӣ ва каналҳои дипломатӣ озодии рӯзноманигорони зиндонӣ, бахусус занон ва пиронсолони боздоштшударо талаб кунед. Ба муқобили судяҳо, прокурорҳо ва шахсони мансабдоре, ки барои мурофиаи судии дорои ангезаи сиёсӣ масъуланд, ҷазо ҷорӣ карда шавад,”—гуфт Кабиров.

Ӯ пешниҳод кардааст, ки ба рӯзноманигорони зиндонӣ ҷоизаҳои байналмилалӣ барои озодии баён ва шуҷоат диҳанд, то номашон фаромӯш нашавад.

Убайдулло Саидӣ, раҳбари созмони "Ҷавонон барои эҳёи Тоҷикистон", рӯзи 8-уми октябр дар суҳбат бо Радиои Озодӣ гуфт, дар суханрониаш ба масъалаи рӯ ба рӯ будани рӯзноманигорон бо хатари ҷиддӣ дар дохили Тоҷикистон таъкид кардааст.

“Ба таваҷҷуҳи ҳозирон расонидам, ки режими президент Эмомалӣ Раҳмон озодии ВАО-ро хеле маҳдуд кардааст. Онҳо аксаран бо иттиҳоми “ифротгароӣ”, “терроризм” ё “ташкили тазоҳурот” ба ҳукмҳои тӯлонӣ - аз 7 то 21 соли зиндон - маҳкум шудаанд. Барои намуна, рӯзномаи мустақили “Пайк”-ро мисол овардам. Сармуҳаррири он, Аҳмад Иброҳим, дар моҳи январи соли 2025 дар мурофиаи пӯшида ба 10,5 сол зиндон маҳкум шуд. Нашрия аз чоп монд,”--гуфт Убайдулло Саидӣ.

Ба гуфтаи ҳамсуҳбатони Радиои Озодӣ, ба далели фишорҳо соҳибони бисёре аз расонаҳо маҷбур шудаанд, ки ба хориҷи кишвар кӯч банданд ва бархе журналистҳо аз навиштани масоили интиқодӣ даст кашидаанд ё барои эмин мондан кишварро тарк кардаанд.

Дар ҷаласаи солонаи САҲА, ки дар Варшава идома дорад, мавзуи риояи ҳуқуқи инсон дар кишварҳои узви ин созмон матраҳ мешавад. Маъмулан, ба танқиди мухолифону созмонҳои ҳуқуқи башар ва рӯзноманигорон намояндагони ҳукуматҳо бояд посух диҳанд. Соли дуюм аст, ки намояндагони ҳукумати Тоҷикистон дар ин ҳамоиш ширкат намекунанд.

Ҷӯрабек Мирзомаҳмудов, вазири энержии Узбекистон эълон кардааст, ки ширкатҳои ин кишвар иҷозатнома барои ҷустуҷӯ ва тавлиди манбаъҳои гидрокарбониро аз ҳукумати Толибон дарёфт кардаанд.

Бар пояи гузориши расонаҳои Узбекистон, ин суханонро Мирзомаҳмудов рӯзи 6-уми октябр дар гуфтугӯ бо телевизиони давлатии он кишвар баён кардааст.

Ба гуфтаи Мирзомаҳмудов, мақомоти афғон ба ширкатҳои узбекистонӣ иҷоза додаанд, то корҳои иктишофӣ ва истихроҷи манбаъҳои нафту газро дар дохили Афғонистон оғоз кунанд.

Ӯ афзудааст, ки ин тарҳ аз нимаи моҳи сентябр, бар асоси як қарордоди 25-сола дар ҳавзаи гази "Тутӣ Майдон" дар шимоли вилояти Ҷузҷон бо ширкати узбекии Eriell KAM, оғоз шудааст.

Вазири энержии Узбекистон гуфтааст, "ин марҳилаи нахуст хоҳад буд ва пас аз ба даст омадани натиҷаҳо, ҳамкориҳо ба минтақаҳои дигар низ густариш хоҳад ёфт".

Бар асоси маълумоти вазорати маъдани ҳукумати Толибон, ҳавзаи Тути Майдон ҳудуди 7,500 километри мураббаъ масоҳат дорад ва шомили 30 чоҳ аст.

Гуфта мешавад, ки Узбекистон дар даҳаи оянда ҳар соли ҳудуди 100 миллион доллар дар ин тарҳ сармоягузорӣ мекунад ва гази истихроҷшударо дар хоки худ полоиш менамояд.

Истифодаи "скутер" ва "самокат"-и барқӣ дар роҳҳои мошингард ва пиёдагарди шаҳри Душанбе то соли 2030 мамнуъ шуданд.

Раёсати Вазорати корҳои дохилӣ дар пойтахт бо нашри як хабарнома гуфт, дар роҳҳои мошингард ва пиёдагарди пойтахт рондани "скутер" ва "самокат"-и барқии шахсӣ, ки наврасону кӯдакон истифода мекунанд ё ба "иҷора" дода мешаванд, то соли 2030 манъ шуд.

Сабаби манъи истифодаи "электроскутер" ва "электросамокат"-ҳо, танзими фаъолияти бенизоми онҳо, коҳиши садамаҳо бо иштироки онҳо, пешгирии халал ба ҳаракати мошинҳову пиёдагардон гуфта шудааст.

Мақомот мегӯянд, аз аввали сол бо иштироки скутеру самокатҳо 26 садамаи нақлиётӣ ба қайд гирифта шудааст, ки дар натиҷа, 3 нафар ҷон бохта, 24 нафари дигар ҷароҳатҳои гуногуни ҷисмонӣ бардоштаанд.

Ӯ дар моҳи апрели соли 2022 дар дифоъ аз хоки Украина дар муқобили таҷовузи Русия кушта шуд.

Хадамоти почтаи Украина рӯзи 7-уми октябр эълон кард, ки дар ҳамкорӣ бо нашрияи илмии "Куншт" ва бунёди хусусии “ЗМІN” силисилае аз маркаҳои почтаи ин кишварро бо акси олимоне, ки дар дифоъ аз Украина кушта шуда буданд, нашр кардааст.

Масъулони ин иқдом гуфтаанд, дар рӯзҳое, ки ба олимони дунё ҷоизаи сулҳи Нобел медиҳанд ва ба суолҳое, ки чаро донишмандони украинӣ дар ин феҳраст нестанд, ин силсилаи маркаҳоро нашр кардаанд.

“Посух кутоҳ ҳаст: зеро Русия донишмандони барҷастаи моро кушт ё саркӯб кард”,--гуфтаанд онҳо.

Онҳо аз Бежан Шарофов ба унвони нафаре ёд кардаанд, ки дубор зидди ишғолгарони рус дар солҳои 2014 ва 2022 силоҳ ба даст гирифтааст.

Бежан Шарофови 32-сола дар Академияи илмҳои Украина кор мекард ва шаҳрвандии ин кишварро дошт. Ӯ дар солҳои 2014-2015 дар ҳайати баталйони ихтиёрии "Айдар" дар вилояти Луҳанск ҷангидааст.

Модараш Лола Шарофова пас аз хабари марги писараш дар соли 2022 гуфта буд, ки Бежан дар моҳи феврали соли 2022 дигарбора "ба ҳимояти Украина бархоста буд".

ИНЧУНИН, БИХОНЕД:

Ҷасади Бежан Шарофовро ба наздиконаш додаанд

Наздиконаш гуфтанд, ки ӯ моҳи апрели ҳамон сол кушта шуд, вале маргаш чанд моҳ пас тасдиқ шуд.

Хонаводаи Бежан Шарофов замоне аз Душанбе ба Киев кӯчид, ки ӯ ҳамагӣ 6 сол дошт. Мактабу донишгоҳро дар Украина хатм кард. Модараш мегӯяд, соли 2016 ширкати хусусии биотехнологии "Ukrainian Genetic Technologies"-ро таъсис дод. Пас аз ҳимояи рисолаи номзадӣ дар соли 2019 дар Пажӯҳишгоҳи физиологияи ба номи Богомолетс ба фаъолият пардохт.

ИНЧУНИН, БИХОНЕД:

Тоҷике, ки дар Украина зидди нерӯҳои Русия меҷангид, кӣ буд?

Ин нуктаро ӯ зимни посух додан ба суолҳои хабарнигорон дар Кохи Сафед баён кард.

Бо ин ҳол, Трамп гуфт, мехоҳад ба суолҳо дар бораи он, ки Украина ин мушакҳоро чӣ гуна истифода мекунад ва ба куҷо зарба хоҳад зад, посух бигирад.

Ӯ афзуд, ки дар фикри бадтар шудани вазъ нест, балки барои поён ёфтани ҷанг талош хоҳад кард.

Қаблан расонаҳо хабар дода буданд, ки Владимир Зеленский, президенти Украина, дар мулоқоти ахир бо Трамп дар Ню-Йорк масъалаи додани мушакҳои "Томаҳавк"-ро баррасӣ кардааст. Ин мушак то 2500 километр метавонад парвоз кунад.

Замони ахир Иёлоти Муттаҳидаи Амрико мустақиман ба Украина силоҳ намедиҳад, балки аслиҳаро ба кишварҳои узви НАТО мефурӯшад ва баъдан онҳо ба Украина дода мешаванд. Ҳоло маълум нест, ки "Томаҳавк" чӣ гуна ба Украина дода хоҳад шуд.

Владимир Путин, президенти Русия, пештар гуфта буд, ки таҳвили мушакҳои "Томаҳавк" ба Украина ҷараёни ҷангро тағйир намедиҳад, аммо боиси "хароб шудани" равобит миёни ИМА ва Русия хоҳад шуд.

Дар ин ҳамоиш, ки рӯзи 6-уми октябр дар Варшава оғоз шуд, масоили ҳуқуқи башар ва демократия дар кишварҳои узви ин созмон баррасӣ мешаванд. Тоҷикистон узви ин созмон аст, вале имсол чун соли пеш ҳеч намояндаи ҳукумат дар ҳамоиш дида намешавад.

Намояндагони созмонҳои мухолифи ҳукумати Тоҷикистон, аз ҷумла Ҳизби Наҳзати Исломӣ, "Гурӯҳи 24" ва созмони "Ҷунбиши ислоҳот ва рушди Тоҷикистон" мегӯянд, дар ҳамоиши САҲА нақзи густардаи ҳуқуқи инсон, саркубу зиндонӣ сохтани фаъолон ва азияти онҳо дар зиндонҳои кишварро матраҳ хоҳанд кард. Чун қоидаи маъмул, намояндагони ҳукуматҳо бояд ба танқидҳои фаъолону мухолифон посух гӯянд, вале соли дуюм аст, ки Тоҷикистон ба ин ҳамоиш намоянда намефиристад.

Абдусаттор Бобоев, раиси Кумитаи наҷоти гаравгонон ва зиндониёни сиёсӣ, ки қароргоҳаш дар Лаҳистон аст, рӯзи 7-уми октябр ба Радиои Озодӣ гуфт, “намояндагони мақомот ва коршиносони ҳукуматӣ то ҳол наомадаанд ва маълум нест, ки ширкат хоҳанд кард ё на.”

Мақомоти тоҷик ҳанӯз дар ин бора шарҳе надодаанд.

Созмони "Кумитаи наҷоти гаравгонон ва зиндониёни сиёсӣ" дар нахустин рӯзи оғози нишаст чанд маҷаллаеро дар бораи таъқибу боздошт ва ба маҳбас кашида шудани фаъолони маданӣ муаррифӣ кардааст. Дар ин маҷаллаҳо дар бораи фаъолони Бадахшон, мисли Улфатхоним Мамадшоева, Чоршанбе Чоршанбиев ва сиёсатмадорон, Шокирҷон Ҳакимову Саидҷаъфар Усмонзода маълумот ҷой дода шудааст, ки феълан бо ҳукмҳои тӯлонӣ дар зиндон қарор доранд.

Ин ҳолатҳо чун намунаҳои "поймолкунии дағалонаи ҳуқуқ" ва "муҳокимаҳои ноодилона" дар Тоҷикистон тасвир шудаанд.

Ҷаласаи Варшава як ҳамоиши солонаест, ки барои арзёбии мавқеъ ва назари гурӯҳҳои мухталифи сиёсию ҷамъиятӣ аз саросари ҷаҳон барпо мешавад. Дар баробари ҳайатҳои расмии ҳукуматҳо, дар кори он мухолифон, хабарнигорон, блогерҳо ва фаъолони ҷудогона ҳақ доранд иштирок ва изҳори назар кунанд.

Сохторҳои ҳифзи ҳуқуқ ва қудратии Тоҷикистон ба хотири баргузории ҳамоиши сарони кишварҳои Иттиҳоди Давлатҳои Мустақил, тадобири шадиди амниятиро рӯи даст гирифтаанд. Ҳамоиши сарони кишварҳои узви ИДМ рӯзҳои 8-12 октябр дар пойтахти Тоҷикистон баргузор мешавад.

Раёсати корҳои дохилии шаҳри Душанбе рӯзи 7 октябр бо нашри як хабарнома аз мардуми кишвар хост, ки рӯзҳои 8-12 октябр бе зарурат ба Душанбе сафар накунанд. Пулиси Душанбе аз ронандагон хоҳиш кардааст, ки дар рӯзҳои баргузории чорабинӣ, аз истифодаи нақлиёти шахсӣ худдорӣ намуда, аз нақлиётҳои ҷамъиятӣ истифода намоянд.

Мақомот ҳамчунин эълон карданд, ки дар ин рӯзҳо бозорҳои "Корвон", "Кӯшониён", "Меҳргон", инчунин марказҳои савдои "Панҷшер", "Ганҷина" ва "Садбарг", муваққан баста мешаванд. Ба гуфтаи пулис, ҳамзамон аз 7 то 12 октябри соли ҷорӣ дар масҷидҳои "Мавлоно Яъқуби Чархӣ", "Сари Осиё", "Абӯ Ҳанифа", "Ҳоҷӣ Исматулло" ва аз санаи 8-ум то 12-уми октябр масҷиди ба номи "Эмом-ал-Бухорӣ", намозҳои ҷамоат барпо намешаванд.

Сар аз субҳи 7 октябр аллакай рафтуомад дар кӯчаҳои марказии Душанбе маҳдуд ва чанд қисмати роҳ баста буд. Ба гуфтаи шоҳидон ва бар асоси наворҳое, ки дар шабакаҳои иҷтимоӣ нашр шуд, дар даромадгоҳҳои шаҳр низомиён истодаанд. Гуфта мешавад, ки сохторҳои қудратии кишвар ҳайати шахсиро ба ҳолати казармавӣ ва омодабош сафарбар кардаанд.

Дар ҳамин ҳол, Вазорати маориф ва илми Тоҷикистон хабар дод, ки дар рӯзҳои баргузории ҳамоиши ИДМ дарс дар мактабу донишгоҳҳо ва таълим дар кӯдакистонҳо қатъ намешавад.

Хуршед Мавлонов, сухангӯи Вазорати маориф ва илми Тоҷикистон 7-уми октябр ба Радиои Озодӣ хабарҳо дар мавриди қатъи дарсҳо дар кӯдакистону мактаб ва донишгоҳҳоро бинобар баргузории нишасти сарони ИДМ дар шаҳри Душанбе, рад кард.

Вай гуфт, "тибқи ҷадвали дарсӣ, дарсҳо тибқи муқаррарот ба роҳ монда шудааст. Дар ҳама зинаи таҳсилот - томактабӣ, миёнаи умумӣ ва олии касбӣ дарс аст".

Хуршед Мавлонов афзуд: "Аксари хонандаҳо ба муассисаҳои наздик ба хонаҳои худ ба дарс мераванд. Дар боғчаҳо низ ҳамчунин. Мушкили ба дарс дер омадан шояд барои донишҷӯён ба миён ояд. Муассисаҳои таҳсилоти олии касбӣ дар доираи салоҳияти худ ҳолати мазкурро бояд ба инобат гиранд".

Тағйири қоидаву қонунҳои муҳоҷират дар Русия ба кори ронандагони мошинҳои боркаш аз кишварҳои Осиёи Марказӣ зарба задааст.

Ҳафтаҳои ахир нерӯҳои амниятии Русия ба боздошт ва ихроҷи дастаҷамъонаи ронандагони мошинҳои борбар аз Тоҷикистон, Узбекистон ва Қирғизистон оғоз кардаанд. Ба гуфтаи муҳоҷирони ронанда, ин амали пулис ба қоидаи "будубоши 90 рӯза" ро ба кор мебаранд.

Аз аввали соли равон шаҳрвандони кишварҳое, ки бо Русия низоми раводид надоранд, ҳақ надоранд, ки дар як сол аз 90 рӯз бештар бимонанд. Қаблан мӯҳлат 180 рӯз буд.

Вале тибқи қонунҳои ҳатто худи Русия, ронандагони байналмилалӣ ва ронандагони мошинҳои боркаш ба ин гурӯҳ шомил нестанд. Онҳо бо санадҳои махсуси гумрукӣ барои бор ва мошинҳои худ вориди кишвар мешаванд. Вале бо ин вуҷуд, маъмурини рус онҳоро дар роҳҳои байналмилалӣ нигаҳ медоранд.

Ронандаҳо мегӯянд, онҳоро ба шӯъбаи пулис бурда, ҷарима мекунанд ва 5 рӯз муҳлат медиҳанд, то Русияро тарк кунанд. Бархеро маҷбур мекардаанд, ки билет харида, аз кишвар берун шаванд.

Ронандагони мошинҳои боркаш, ки мегӯянд барои бозорҳои Русияву кишварҳои дигар мева меоранд, бархе барои фирор аз тафтишу бозпурсиҳо, маҷбуранд фақат шабона кор кунанд.