Valona Tela është gazetare e Radios Evropa e Lirë në Pragë dhe autore e magazinës së përjavshme televizive 'Expose'.
Kryeministri i Kosovës, Albin Kurti, i ka bërë thirrje Perëndimit që t’i bëjë trysni Serbisë për ta ekstraduar në Kosovë Millan Radoiçiqin, i akuzuar për sulmin në Banjskë. Ai e ka përsëritur këtë apel sidomos pas shpërthimit në kanalin e Ibër-Lepencit.
Qeveria e Kosovës njoftoi, por nuk sqaroi se për cilin rast e ftoi Prokuroria Speciale e Kosovës kryeministrin Albin Kurti të dëshmojë në datën 16 dhjetor.
Mes spekulimeve dhe akuzave të vazhdueshme, dyshimeve dhe tensioneve në rritje, përcaktimi i saktë i përgjegjësisë për sulmin në kanalin e Ibër-Lepencit është kritik, sipas ekspertëve ligjorë dhe të sigurisë.
Pas sulmit në Ibër-Lepenc, situata sa vjen e nxehet. Bastisje, arrestime, konfiskim armësh e pajisjesh ushtarake në Kosovë ka thuajse çdo ditë. Në Serbi janë duke hetuar po ashtu dhe flasin për dyshime konkrete. E, derisa loja e fajit vazhdon, ekspertët mbështesin idenë e një hetimi ndërkombëtar.
Se cila do të jetë qasja e Kallasit ndaj dialogut mes Kosovës dhe Serbisë tani, nuk dihet shumë.
“Dashuri e vështirë” - kështu e përshkruan marrëdhënien mes Qeverisë së Kosovës dhe Shteteve të Bashkuara Charles Kupchan, ish-drejtor i çështjeve evropiane në Këshillin e Sigurisë Kombëtare të SHBA-së.
Aleancat me fuqitë perëndimore janë jetike për sigurinë e Kosovës dhe integrimin e saj euroatlantik. Ndërsa peizazhi gjeopolitik ndryshon me shpejtësi, vëzhguesit thonë se Kosova duhet të jetë e kujdesshme që të mos rreshtohet në anën e gabuar të presidentit të ardhshëm amerikan, Donald Trump.
Rusia - aleate e Serbisë - nuk e njeh pavarësinë e Kosovës, e cila u shpall në vitin 2008, dhe Putin e përdor atë dhe ndërhyrjen e NATO-s në ish-Jugosllavi si “precedentë” për t’i legjitimuar veprimet e veta në Ukrainë.
Kosova mbetet pikë qendrore në narrativin rus, e përshkruar vazhdimisht si e dështuar dhe e paqëndrueshme. Për ekspertët, ky portretizim paraqet rrezik real dhe nuk ka gjasa të ndryshojë së shpejti.
Kaja Kallas, si shefe e re e politikës së jashtme të Bashkimit Evropian, e ka mundësinë ta riformojë qasjen e bllokut ndaj dialogut Kosovë-Serbi. Por, në seancën e saj të konfirmimit, ajo gati se nuk foli fare për këtë çështje.
Disa media amerikane raportuan se Marco Rubio është në bisedime me ekipin e tranzicionit të presidentit të zgjedhur, Donald Trump, për pozitën si sekretar Shteti.
Presidenti i zgjedhur i Shteteve të Bashkuara, Donald Trump, nuk është i huaj për Ballkanin Perëndimor, e as rajoni nuk është i panjohur për të. Historitë e tyre janë të ndërthurura dhe kanë krijuar tashmë terren për një marrëdhënie të paparashikueshme përpara.
Ndërsa Donald Trump përgatitet për presidencën e dytë, Ballkanin Perëndimor e presin kohë të pasigurta përpara. Sipas disa analistëve, janë dy popuj - shqiptarët e Kosovës dhe boshnjakët e Bosnjës - që kanë më shumë arsye për t’u shqetësuar nga rritja e mundshme e ndikimit serb.
Zgjedhja e amerikanëve më 5 nëntor do të ndihet anembanë globit - deri në Kosovë - dhe do t’i ndikojë politikat në një mënyrë ose tjetër.
Rezultati i zgjedhjeve presidenciale në SHBA do të ndikojë ndjeshëm në të ardhmen e Kosovës. Me lëvizje kufijsh, tërheqje të trupave amerikane apo vazhdim të status quo-së? Analistët thonë se njëri ose tjetri opsion do të jetë në shqyrtim, pavarësisht se kush fiton.
“Wir schaffen das”, apo “Ne mund ta bëjmë këtë” - ishte refren i vazhdueshëm i Angela Merkelit në vitin 2015, atëkohë kancelare e Gjermanisë. Me të, shprehte vendosmërinë e saj për t’iu hapur dyert imigrantëve - shumë prej të cilëve iknin nga lufta në Siri, e të tjerët nga Afrika e Veriut, Iraku e Afganistani.
Disa ide janë duke u shqyrtuar mes vendeve të Bashkimit Evropian për imigrantët dhe shumica përqendrohen në largimin e tyre sa më tej kufijve të bllokut. Shqipëria u ka dalë në ndihmë me dy qendra azili - në Shëngjin e Gjadër.
Milan Niç, nga Këshilli Gjerman për Marrëdhënie me Jashtë, thotë se roli i Shteteve të Bashkuara në Ballkanin Perëndimor do të zvogëlohet, pavarësisht se kush i fiton zgjedhjet atje - qoftë Kamala Harris, qoftë Donald Trump.
Bashkësia ndërkombëtare, prej vitesh, bën përpjekje të rrisë bashkëpunimin mes vendeve të Ballkanit Perëndimor, të cilat kanë kaluar nëpër luftëra të përgjakshme në vitet ’90, dhe t’i përafrojë ato me Bashkimin Evropian.
Shfaq më shumë
