Ibrahim Berisha është kameraman dhe montazhier i Radios Evropa e Lirë në Prishtinë.
Pas mbarimit të luftës, Bekim Gashi nga fshati Tërnje i Suharekës ka udhëtuar vazhdimisht në Beograd, si dëshmitar, në kërkim të drejtësisë për nënën dhe katër motrat që iu vranë më 25 mars 1999, në masakrën që ndodhi në këtë fshat. Trupat e tyre as sot nuk janë gjetur.
Tri regjisoret kosovare, Blerta Zeqiri, Lendita Zeqiri dhe More Raça, kanë hyrë në garë për tu nominuar për ndarjen e çmimeve Oscar, në edicionin e 91-të që do të mbahet në vitin 2019.
Në Gjykatën Themelore në Prishtinë, është mbajtur seanca e parë ndaj 6 të pandehurve, për të cilët Prokuroria thotë se kanë planifikuar ose ndihmuar kryerjen e sulmeve terroriste.
Në sallën operative të gjinekologjisë së QKUK-së, punon mamia i parë mashkull. Liburni është prind i një vajzë 2-vjeçare për të cilën kujdeset më ndryshe se baballarët tjerë.
Dhjetëra gra myslimane në Kosovë mbajnë ligjërata mësim-besimi nëpër xhami dhe 12 prej tyre paguhen nga Bashkësia Islame e Turqisë. Predikimi i fesë edhe nga vajzat e vogla, nga njohës të çështjeve të religjionit konsiderohet si shkelje e të drejtave të tyre.
Me moton “Në emër të lirisë”, mbështetës dhe pjesëtarë të komunitetit LGBT mbajtën sot Paradën e Krenarisë. Kjo është parada e dytë e këtij lloji që mbahet në Prishtinë. Kjo ngjarje kaloi pa asnjë incident.
Qëndresa Krelani është gruaja që theu akullin në gazetarinë sportive. Ajo është gazetare e sportit dhe komenton ndeshjet e futbollit në Radio Kosova. Qëndresa ka marrë shumë komente nga meshkujt që e kanë sugjeruar të qëndrojë në kuzhinë sepse "futbolli është për meshkujt".
Me moton “Një popull s’i nënshtrohet një njeriu”, Vetëvendosje ka mbajtur protestën në Prishtinë, ku ka ftuar mbështetësit e saj dhe qytetarët në përgjithësi, që t’i kundërshtojnë politikat e presidentit Hashim Thaçi në dialogun me Serbinë dhe angazhimet e proklamuara për ndryshimin e kufijve.
Në fshatin Llugaxhi në Komunën e Lipjanit, banorët kanë mospajtime rreth ndërtimit të xhamisë së re në qendër të fshatit, afër shkollës. Ata thonë se xhamia mund ta pengojë procesin mësimor.
Në Ditën Ndërkombëtare për Personat e Zhdukur, në Prishtinë,Inciativa e të Rinjve për të Drejtat e Njeriut ka organizuar një marsh. Qytetarët kanë mbajtur në duar emrat e personave të pagjetur, që nga lufta e fundit në Kosovë, e vitit 1999. Në Kosovë konsiderohen të pagjetur 1648 persona.
Vezire Batusha nga Krusha e Vogël ka 20 vjet që pret të mësojë për fatin e burrit dhe dy djemve të saj. Ata ishin në mesin e 113 civilëve shqiptarë të këtij fshati që ishin marrë nga forcat serbe më 25 dhe 26 mars të vitit 1999.
Ndërtimi i rrugës Deçan – Plavë do të duhej të ishte diçka normale, por prej vitesh është shndërruar në një problem të madh mes Komunës së Deçanit, Manastirit të Deçanit dhe Qeverisë së Kosovës.
Studentë dhe studiues të gjuhës shqipe nga Serbia, Gjermania, Çekia dhe vende të tjera të botës, po marrin pjesë në seminarin Ndërkombëtar për Gjuhën, Letërsinë dhe Kulturën Shqiptare që po mbahet në Prishtinë.
Në Kosovë, besimtarët myslimanë po festojnë festën e Kurban Bajramit. Ceremonia kryesore e faljes së Bajramit u zhvillua në Xhaminë e Madhe në Prishtinë, ku myftiu i Kosovës, Naim Tërnava foli për rëndësinë e kësaj feste dhe mesazhet që ajo përfaqëson.
Në javët e fundit janë shtuar debatet për shkëmbim territoresh mes Kosovës dhe Serbisë ose ndarje të Kosovës. Sa herë që ka debate të tilla përmendet Liqeni i Ujmanit.
Festivali i filmit të shkurtër dhe dokumentarëve Dokufest në Prizren, sivjet po shënon edicionin e 17-të, me një laramani të filmave vendor e ndërkombëtarë si dhe promovimit të folklorit shqiptar. I konsideruar si ngjarja më e madhe kulturore në Kosovë edhe këtë vit ka sjellur qindra regjisorë.
Një histori plot arrestime dhe tortura është ajo e Adem Demaçit i cili ndërroi jetë të enjten në moshën 82 vjeçare në Prishtinë. Demaçi 28 vjet të jetës së tij i kaloi nëpër burgjet e ish-Jugosllavisë, si i burgosur politik.
Muhamet Veselaj nga Suhareka do të shkojë në Haxh për hallën e tij. Shkuarja e tillë njihet si bedel që do të thotë për një person tjetër nëse ai ose ajo është e i/e sëmurë ose për ndonjë arsye tjetër nuk mund të udhëtojë në Haxh.
Rreth 6 kilometra do të jetë e gjatë ura në autostradën 'Arbën Xhaferi' që lidh Kosovën me Maqedoninë. Për 60 kilometrat e kësaj autostrade, Qeveria e Kosovës i kishte paguar rreth 600 milionë euro kompanisë 'Bechtel-Enka', kurse këtë vit ka paguar edhe 53 milionë euro shtesë.
Në qytetin e Gjakovës është një shkollë fetare që njihet si institut, ku kryesisht hoxhallarët dërgojnë fëmijët e tyre për ta mësuar përmendësh Kuranin. Deri tash, 42 të rinj kanë marrë titullin Hafëz, pasi kanë memorizuar më shumë se 600 faqe të Kuranit.
Shfaq më shumë
