Ibrahim Berisha është kameraman dhe montazhier i Radios Evropa e Lirë në Prishtinë.
Objekti i Sahat Kullës në Prishtinë është ndriçuar, pasi ai i është nënshtruar një restaurimi disamujor. Tani, dritat në këtë objekt do të jenë shumëngjyrëshe.
Jeta Zagragja është një ndërmarrëse në fushën e teknologjisë informative në Kosovë. Ka punuar për kompani të mëdha që operojnë në vend, ndërsa, së voni, ka themeluar një të vetën, që ofron shërbime të ndryshme për kompani të huaja.
Disa qytetarë të anketuar nga Radio Evropa e Lirë në Prishtinë thonë se kanë pak shpresa se liberalizimi i vizave për Kosovën mund të ndodhë në një të ardhme të afërt.
Prindër të nxënësve të Shkollës Fillore “Faik Konica” në Prishtinë protestuan të hënën para objektit të shkollës, duke kërkuar fillimin e procesit mësimor. Gati të gjithë mësimdhënësit e shkollave publike të Kosovës janë në grevë, përveç disave që kanë nisur t’i mbajnë orët në mënyrë individuale.
Dhjetëra shtëpi dhe qindra hektarë sipërfaqe të mbjella me kultura bujqësore u dëmtuan nga vërshimet që ndodhën më 17 dhe 18 shtator në Rahovec, Gjakovë dhe në një pjesë të Prizrenit.
Qindra qytetarë u mblodhën të mërkurën në Prishtinë për të shprehur revoltën e tyre ndaj dhunës seksuale. Shkas u bë rasti i përdhunimit të një vajze 11-vjeçe, më 27 gusht, në një park të kryeqytetit.
Një grup qytetarësh u mblodhën të martën në Prishtinë, për të protestuar kundër dhunës ndaj vajzave dhe grave. Shkas u bë dhunimi i një vajze 11 vjeçe, që u raportua më 29 gusht nga Policia e Kosovës. Një protestë tjetër u paralajmërua për të mërkurën.
Sa më shumë që kalojnë vitet, aq më shumë zbehen shpresat e familjarëve për të gjetur të dashurit e tyre, të zhdukur që nga lufta e viteve 1998/99 në Kosovë.
Përderisa Prishtina dhe Beogradi janë ende në kërkim të zgjidhjes për dokumentin e hyrje/daljes dhe riregjistrimin e makinave në targat RKS, serbët në jug të Ibrit thonë se “nuk e dinë se kujt i përkasin” dhe se as Kosova, e as Serbia “nuk i pranon ata”.
Në Ditën Botërore të Rinisë, 12 Gusht, aktivistë të organizatës Nisma për të drejtat e njeriut (YIHR) në Kosovë vendosën dhjetëra valixhe në shesin Nënë Tereza në Prishtinë në shenjë proteste ndaj gjendjes aktuale në Kosovë.
Kryeministri i Kosovës, Albin Kurti, tha në një intervistë për Radion Evropa e Lirë se tensionet më 31 korrik në veri të vendit, u planifikuan gjatë takimeve në Rashkë dhe Beograd, ku morën pjesë zyrtarët serbë të Kosovës.
Pas zotimit të Qeverisë së Kosovës për shtyrjen e zbatimit të dy vendimeve për reciprocitet me Serbinë, serbët lokalë në veriun e Kosovës më 1 gusht kanë nisur t’i zhbllokojnë rrugët drejt pikave kufitare mes dy vendeve.
Artisja ukrainase Alevtina Kakhidze e la familjen dhe miqtë e saj në Ukrainë për të ardhur në Prishtinë. Ajo është pjesëmarrëse e “Manifestës”, Bienales Evropiane Nomade, që po mbahet në kryeqytetin e Kosovës.
Kosova nuk ka numër të mjaftueshëm të zjarrfikësve në raport me popullsinë. Për më tepër, përfaqësues të tyre ankohen edhe për kushte të rënda pune.
Në kryeqytetin e Kosovës më 13 korrik u rihap Observatori i Prishtinës. Ky observator për herë të parë ishte themeluar më 1977 dhe kishte qenë funksional deri në vitet ’80. Hapja e Observatorit u bë me ndihmën e Komunës së Prishtinës dhe Misionit të Kombeve të Bashkuara në Kosovë, UNMIK.
Në Prishtinë më 12 korrik është hapur muzeu “Burgu i Idealit”, që është ish-qendra e paraburgimit gjatë kohës së regjimit serb, ku mijëra ish të burgosur shqiptarë kanë përjetuar trajtime çnjerëzore.
Derisa po fliste në një tubim zgjedhor në qytetin Nara të Japonisë, ish-kryeministri i këtij shteti, Shinzo Abe, u qëllua për vdekje. Por, ai la pas vetes një karrierë të gjatë politike duke qenë kryeministri më i ri dhe më jetëgjatë i këtij shteti.
Piktorja Brikena Gashi ka lënë artin më anash, për t’iu përkushtuar vreshtarisë. Tash e dy vjet, 28-vjeçarja punon vreshtat e trashëguara nga familja në një fshat të Rahovecit dhe, së voni, ka nisur brendin e saj të pijeve alkoolike “Syrrush”.
Disa qytetarë të anketuar nga Radio Evropa e Lirë në Prishtinë, presin nga Samiti i Bashkimit Evropian, që po zhvillohet në Bruksel, të merret një vendim për liberalizim të vizave, e disa të tjerë janë skeptikë.
Shfaq më shumë
