Arben Hoti është kameraman dhe montazhier i Radios Evropa e Lirë në Prishtinë.
Forcat ndërkombëtare dhe ato të Kosovës kanë ushtruar së bashku në ushtrimin “Shpata e Argjendtë 2018”. Ushtrimi kishte për qëllim trajnimin e mekanizmave të sigurisë duke përfshirë, KFOR-in, EULEX-in, Policinë e Kosovës, Forcën e Sigurisë së Kosovës dhe Agjencinë për Menaxhimin e Emergjencave.
Në Ditën Ndërkombëtare të Monumenteve dhe Lokaliteteve e cila shënohet më 18 prill, janë përzgjedhur lojërat e gjyshërve, që fëmijët të kenë mundësi të shohin me çfarë janë argëtuar të parët e tyre. Qëllimi i këtij organizimi ka qenë që fëmijët për një ditë t'u ikin telefonave të mençur.
Lume Berisha nga Kamenica, humbi shikimin kur ishte vetëm tre vjeç e gjysmë. Që nga ajo kohë, Lumës i qëndron afër nëna e saj, e cila e përcjell në çdo hap.
Fitnete Seta mban uniformën ushtarake për dy dekada. Fillimisht ushtare në kohën e luftës, më pas pjesëtare e Trupave Mbrojtëse të Kosovës, ajo tani është togere në Forcën e Sigurisë së Kosovës.
Ka shumë vite që disa nxënës të shkollës “Zahir Pajaziti”në Orllan të Podujevës, shkojnë në shkollë me barkë, duke kaluar liqenin e Batllavës. Këtë rrugë të rrezikshme ata e bëjnë çdo ditë të shkollës, por rreziku më i madh është gjatë dimrit kur ngrihet liqeni dhe ata duhet të kalojnë mbi akull.
Gentiana Beqa është kampione e bodybuildingut dhe fitnesit në botë. Gentiana, nënë e tri vajzave, thotë se e ka përkrahjen e familjes së saj, edhe pse për të arritur deri këtu asaj i është dashur shumë mund.
