Ministria e Jashtme e Ukrainës prezantoi një zëdhënëse të re virtuale, e krijuar përmes Inteligjencës Artificiale (IA), e cila quhet Victoria Shi, për ta përfaqësuar Ministrinë online. Në një intervistë për Radion Evropa e Lirë (REL), Shi thotë se do t’u mundësojë kohë të lirë diplomatëve njerëzorë, në mënyrë që ata të bëjnë punë më të rëndësishme. “Nëse duam ta fitojmë luftën, ne duhet të jemi një hap përpara me teknologji”, shtoi Shi. (Përgatiti: Ekrem Idrizi)