Si pasojë e një sulmi ajror rus në orët e para të 28 gushtit, zyra e Radios Evropa e Lirë në Kiev pësoi dëmtime. Dritaret e disa hapësirave të redaksisë u thyen, ndërsa u dëmtua edhe një pjesë e pajisjeve teknike. Të plagosur nuk ka. (Përgatiti: Valona Tela)
Sulmi masiv rus dëmton zyrat e REL-it në Kiev
1
Në një video nga kamerat e sigurisë, e publikuar në rrjetet sociale, shihet qartë se shpërthimet pranë zyrës së Radios Evropa e Lirë në Kiev u shkaktuan nga dy raketa që goditën drejtpërsëdrejti.
2
Raketat ranë mbi ndërtesa civile, shumë afër redaksisë së Radios Evropa e Lirë.
3
Presidenti i Radios Evropa e Lirë, Steve Capus, tha se “dëshmitarët e ngjarjeve në Ukrainë nuk duhet të lëndohen kurrë”.
4
“Edhe pse zyrat e REL-it pësuan dëme, jemi me fat që duket se asnjë nga punonjësit tanë nuk është plagosur. Të jeni të sigurt se gazetarët tanë do të vazhdojnë punën e tyre jetike. Lutjet tona janë për familjet e atyre që u vranë dhe u plagosën në këto sulme, si dhe për ekipet e ndihmës së parë të Ukrainës”, tha Capus.
