Skena të tmerrshme pas largimit të ushtrisë izraelite nga spitali më i madh i Gazës
Një shkretëtirë ndërtesash të shkatërruara dhe trupa të pajetë. Kjo është ajo që lanë pas vetes forcat izraelite pas largimit nga Spitali Al-Shifa në Qytetin e Gazës, ku zhvilluan një operacion që rezultoi edhe me arrestimin e qindra militantëve të dyshuar palestinezë. (Përgatiti: Syzanë Paçarizi)
5
Ushtria e ka përshkruar bastisjen në Spitalin Al Shifa si një nga operacionet më të suksesshme të luftës gati gjashtëmujore në Rripin e Gazës.
6
Ushtria izraelite tha se ka vrarë shumë pjesëtarë të Hamasit, grupit palestinez të shpallur organizatë terroriste nga Shtetet e Bashkuara dhe Bashkimi Evropian dhe militantë të tjerë, duke përfshirë operativë të lartë.
7
Të paktën 21 pacientë kanë vdekur që nga fillimi i bastisjes, tha drejtori i Përgjithshëm i Organizatës Botërore të Shëndetësisë, Tedros Adhanom Ghebreyesus, në një postim në X, të dielën vonë.
8
Drejtori i OBSH-së tha se më shumë se njëqind pacientë ishin ende brenda kompleksit, në mesin e tyre edhe katër fëmijë dhe 28 pacientë në gjendje kritike.
