Në vazhdimin e tretë të seancës konstituive, deputetët dështuan që të zgjidhinin kreun e organit ligjvënës.
Propozimi që Albulena Haxhiu të jetë kryetarja e re e Kuvendit të Kosovës, dështoi dy herë që të marrë 61 votat e nevojshme.
Pas kësaj, kryesuesi i seancës, Avni Dehari, e ndërpreu seancën deri të hënën, në orën 15:00.
Megjithatë, paraprakisht deputetët miratuan raportin e Komisionit për verifikimin e mandateve.
Ata po ashtu bën betimin si deputetë të legjislaturës së nëntë, të dalë nga zgjedhjet e 9 shkurtit.
Të nderuar lexues,
Radio Evropa e Lirë ju sjell të përmbledhur, përmes videos së mëposhtme, zhvillimet që ndodhën gjatë vazhdimit të seancës konstituive të Kosovës të shtunën.
Me këtë përmbledhje, po e përmbyllim mbulimin e drejtpërdrejt të zhvillimeve në Kuvend.
Faleminderit që na ndoqët!
