Në vazhdimin e tretë të seancës konstituive, deputetët dështuan që të zgjidhinin kreun e organit ligjvënës.
Propozimi që Albulena Haxhiu të jetë kryetarja e re e Kuvendit të Kosovës, dështoi dy herë që të marrë 61 votat e nevojshme.
Pas kësaj, kryesuesi i seancës, Avni Dehari, e ndërpreu seancën deri të hënën, në orën 15:00.
Megjithatë, paraprakisht deputetët miratuan raportin e Komisionit për verifikimin e mandateve.
Ata po ashtu bën betimin si deputetë të legjislaturës së nëntë, të dalë nga zgjedhjet e 9 shkurtit.
Përshëndetje të nderuar lexues,
Mirë se vini në mbulimin e drejtpërdrejt të vazhdimit të seancës konstituive të Kuvendit të Kosovës, të nisur më 15 prill.
Ekipi i Radios Evropa e Lirë do t’iu sjellë në kohë reale zhvillimet lidhur me tentimin e tretë për konstituimin e legjislaturës së nëntë.
Na ndiqni!
