Myslimanët në Lindjen e Mesme po kremtojnë muajin e shenjtë të Ramazanit në rrethana të jashtëzakonshme. Ramazani shihet si një kohë reflektimi fetar dhe adhurimi, bamirësie dhe bashkimi, pasi besimtarët agjërojnë nga lindja e diellit deri në perëndim të diellit.
Familjet e pritën iftarin - përfundimin e ditës së tyre të parë të agjërimit - me të dashurit, ndërsa qytetet dhe vendbanimet ndezën dritat festive dhe organizuan ngjarje për komunitetet për të shënuar muajin e Ramazanit, siç kanë bërë ndër breza në kohë paqeje dhe stabiliteti ekonomik.
Megjithatë, ndikimi i luftës dhe transformimet e mëdha politike që tronditën rajonin po ndihen ende.
Për shumë sirianë, ky është Ramazani i parë pa sundimin e vendit nga dinastia Assad në më shumë se gjysmë shekulli. Presidenti Bashar Assad u rrëzua në një kryengritje rrufe në dhjetor të udhëhequr nga sundimtarët e rinj islamikë de facto të vendit në Hayat Tahrir al-Sham.
Në Rripin e Gazës, është viti i dytë që palestinezët po festojnë Ramazanin pas luftës midis Izraelit dhe grupit militant Hamas. Këtë vit, ata shpresojnë që të zgjasë një marrëveshje e brishtë armëpushimi, pasi pjesa më e madhe e enklavës së vogël është në gërmadha, ku shumica e palestinezëve mbështeten në ushqim dhe ndihmë mjekësore për të mbijetuar për shkak të shkatërrimit të gjerë.
(Përgatiti: Syzanë Paçarizi)
