Në laboratorin ku ekzaminohen paratë false

Ekipi i Radios Evropa e Lirë siguroi qasje në laboratorin e Agjencisë së Forenzikës në Kosovë, ku ekzaminohen paratë false. Ekspertë të kësaj agjencie raportojnë për shtim të monedhave dhe kartëmonedhave të falsifikuara në vitin 2023. Sipas tyre, në nëntë muajt e parë të këtij viti u ekzaminuan mbi 35.000 monedha të falsifikuara dhe 2.209 kartëmonedha të falsifikuara. Në periudhën e njëjtë të vitit të kaluar, ata ekzaminuan 9.309 monedha të falsifikuara dhe 645 kartëmonedha.