Pjesëmarrja e votuesve, prijnë Zubin Potoku dhe Prishtina
Në 38 komuna të Kosovës, pjesëmarrja më e lartë e votuesve është në Zubin Potok mbi 57 për qind, pasur nga Prishtina me mbi 55 për qind dhe Komuna e Obiliqit me mbi 50 për qind.
Në Mitrovicën e Veriut, pjesëmarrja e qytetarëve në zgjedhje është mbi 42 për qind, përqindja e ngjashme e daljes së votuesve është edhe në Mitrovicën e Jugut.
Pjesëmarrja më e ulët e votuesve në zgjedhjet e parakohshme parlamentare është shënuar në Komunën e Dragashit më 32,75 për qind , pasur nga Klina me 35,87 për qind.
Sipas të dhënave të KQZ-së, 44 për qind e votuesve morën pjesë në zgjedhjet parlamentare.
Konjufca: Fitore e Vetëvendosjes, me LDK-në do të bëjmë një qeveri të mirë
Glauk Konjufca nga Lëvizja Vetëvendosje ka thënë se të dhënë që i ka ky subjekt politik e nxjerrin atë si fituese të zgjedhjeve.
Ai gjithashtu ka paralajmëruar mundësinë e një koalicioni paszgjedhor me Lidhjen Demokratike të Kosovës, për krijimin e qeverisë së re të vendit.
“Të dhënat tona tregojnë që Lëvizja Vetëvendosje është e para dhe i ka fituar këto zgjedhje. Shprehim edhe urimin tonë për vendin e dytë që e ka marrë Lidhja Demokratike e Kosovës, me të cilën mendoj që do ta bëjmë një qeveri shumë të mirë për Republikën e Kosovës”, ka thënë Konjufca.
KQZ: Rezultatet e zgjedhjeve
Komisioni Qendror i Zgjedhjeve ka nisur të publikojë në ueb-faqen e saj rezultatet e zgjedhjeve parlamentare.
Për të parë në kohë reale rezultatet e zgjedhjeve klikoni këtu.
KQZ: Prijnë LDK dhe LVV
Komisioni Qendror i Zgjedhjeve ka nisur të publikojë rezultatet e zgjedhjeve të parakohshme parlamentare.
Nga mbi 43 për qind e votave të numra nga Komisioni Qendrore i Zgjedhjeve Lidhja Demokratike e Kosovës ka fituar 25. 21 për qind të votave, pasur nga Lëvizja Vetëvendosje me 24.32 për qind.
Partia Demokratike të Kosovës ka 22.62 për qind të votave, Aleanca për Ardhmërinë e Kosovës dhe Partia Socialdemokrate 12.66 për qind, ndërkaq Nisma Socialdemokrate, Aleanca Kosova e Re dhe Partia e Drejtësisë 5.53 për qind.
Për të parë rezultatet në kohë reale, klikoni këtu.