Kryetari i Borispilit u bën thirrje banorëve të largohen nga qyteti
Kryetari i Borispilit, Volodymyr Borysenko, qytet afër Aeroportit Ndërkombëtar të Borispilit, u ka thënë banorëve që të evakuohen nga qyteti, teksa afrohen forcat ruse.
Borysenko ka thënë përmes një video-adresimi në Facebook se “nuk ka nevojë që të qëndroni në qytet pasi ka luftime në zonat përreth”.
“U bëj thirrje civilëve që të jenë të mençur, të thërrasin qendrat e thirrjeve dhe të largohen sa më shpejt”, ka thënë ai përmes një adresimi.
Më 22 mars, Ministria ukrainase e Mbrojtjes ka thënë se trupat ukrainase kanë larguar forcat ruse nga zona veriperëndimore e Kievit, pas një beteje të ashpër.
Trupat ruse duket se po tentojnë të rrethojnë Kievin, teksa ngadalë i afrohen qendrës së qytetit.
Aeroporti Ndërkombëtar Borispil, është më i madhi në Ukrainë dhe gjendet 29 kilometra në lindje të Kievit.
Të dhënat e fundit për refugjatët
Agjencia e Kombeve të Bashkuara për Refugjatë ka thënë që më shumë se 3.5 milionë refugjatë kanë ikur nga Ukraina, si pasojë e pushtimit rus në këtë shtet.
Mariupol: Katër arsyet se pse ky qytet ka kaq shumë rëndësi për Rusinë
Mariupoli është qyteti i bombarduar më së rëndi dhe më i shkatërruari në luftën e Ukrainës me Rusinë – duke pësuar më së keqi nga sulmet e vazhdueshme ruse. Ky qytet është kyç për fushatën ushtarake të Moskës në Ukrainë. Por pse?
Më poshtë mund të lexoni katër arsyet se pse marrja e kontrollit të këtij qyteti-port do të ishte një fitore e madhe strategjike për Rusinë – dhe një goditje e madhe për Ukrainën.
