Përfitimet e kundërligjshme të zyrtarëve të lartë përmes kompensimeve

Ligji për Parandalimin e Konfliktit të Interesit në Ushtrimin e Funksionit Publik nuk po zbatohet në praktikë. Zyrtarët e lartë ende po mbajnë më shumë se një pozitë drejtuese, dhe ende po paguhen me shtesa, duke tejkaluar edhe rrogat bazë, dhe duke i shkaktuar dëme milionëshe buxhetit të shtetit. Emisioni "Iustitia" ka gjetur se edhe ata që duhet të jenë ndjekës dhe gjykues të këtyre shkeljeve të ligjit, janë vetë shkelës të ligjit. "Iustitia" është emision që transmetohet çdo dy javë dhe prodhohet nga Radio Evropa e Lirë dhe Betimi për Drejtësi. Ky emision transmetohet edhe në RTV21.