Hill: Nuk e di nëse Thaçi ishte ndër themeluesit e UÇK-së
Hill dëshmon se nuk është i sigurt nëse Hashim Thaçi ka qenë një ndër themeluesit e Ushtrisë Çlirimtare të Kosovës (UÇK).
“Nuk e di nëse Hashim Thaci ka qenë njëri nga themeluesit e UÇK-së dhe fakti që unë nuk e kam hasur emrin e tij deri më vonë gjatë vitit, me sugjeron që ai nuk ka qenë”, tha Hill.
Ai shtoi: “Nuk jam në gjendje ta konfirmoj një gjë të tillë”.
Hill: S’e di nëse Thaçi dha miratim për mënyrën e shkëmbimit të pengjeve
Hill theksoi se nuk ka qenë në dijeni nëse Hashim Thaçi kishte miratuar një propozim se si duhej të bëhej shkëmbimi i ushtarëve serbë me ushtarë të UÇK-së në janar të vitit 1999.
Prokurori Patch e lexoi një deklaratë të ambasadorit Wolfgang Petritsch, i cili ishte i dërguari special i BE-së për Kosovën asokohe, në një libër të Faruk Ajetit, ku ai kishte thënë se Thaçi e kishte dhënë një miratim të tillë për të, pasi ai fliste gjermanisht.
I pyetur për këtë nga prokurori Patch, Hill tha: “Nuk jam në dijeni, vetëm më kujtohet që Jakup Krasniqi donte që kjo të bëhej në bazë të reciprocitetit të mirëfilltë”.
Gjykata tani në pushim të drekës.
Do të rikthehemi sapo të rifillojë seanca.
Rifillon seanca pas pushimit të drekës.
Gjykatësi urdhëroi që ajo të mbahej në privatësi për disa minuta dhe tha se gjykata do ta njoftojë publikun të mërkurën në mëngjes rreth asaj çfarë u diskutua në privatësi.