Pesë vjet burgim për "Llunen": Gjykata dënon tre serbët që sulmuan zyrat e KKZ-së

Gjykata Themelore në Prishtinë shpalli fajtorë tre serbë për sulmin ndaj zyrave të Komisionit Komunal të Zgjedhjeve në Mitrovicë të Veriut, më 6 dhjetor 2022. Të akuzuarit, dy prej të cilëve ish-policë të Kosovës, u dënuan me gjithsej 12 vjet burgim, ndërsa një i akuzuar u shpall i pafajshëm. Aktgjykimi u cilësua “katastrofal” nga mbrojtja, derisa Zyra për Kosovën në Qeverinë e Serbisë e quajti procesin të montuar politikisht.