Gazetari rus, Pyotr Koronayev, i cili dikur punonte për uebsajtin e lajmeve Baza me seli në Moskë dhe gruaja e tij, Tatyana Kulikova, e kanë kaluar kufirin Meksikë-SHBA.
Gazetari kërkoi azil politik në Shtetet e Bashkuara të Amerikës.
Baza raportoi më 14 korrik se çifti fillimisht u vendos në një qendër paraburgimi imigracioni, por Koronayev më vonë u lirua, ndërsa gruaja e tij mbeti në paraburgim.
Nuk dihet se kur çifti e kaloi kufirin. Sipas raportimeve, Koronayev dhe Kulikova kishin frikë për sigurinë e tyre në Rusi për shkak të deklaratave të tyre publike që kundërshtonin avzhdimisht pushtimin e paprovokuar të Ukrainës nga Rusia dhe mbështetjen e tyre ndaj politikanit të burgosur të opozitës, Aleksei Navalny.
Muajin e kaluar, gazetarja ruse Yelizaveta Kirpanova, e cila punonte për gazetën Novaya, dhe bashkëshorti i saj, Grigory Manucharov, kaluan gjithashtu kufirin Meksikë-SHBA.
Ata kërkuan azil politik në SHBA, duke përmendur arsye të ngjashme.
