Një tërmet prej 6 shkallësh të Richterit goditi pranë ishullit grek të Kretës, njoftuan Instituti Gjeologjik i Shteteve të Bashkuara dhe Qendra Gjermane për Gjeoshkencë.
Epiqendra u regjistrua 41 kilometra larg ishullit.
Qendra Gjermane për Gjeoshkencë tha se ajo ishte në një thellësi prej 54 kilometrash.
Rajoni i Ballkanit u godit nga disa tërmete të martën.
Më i fuqishmi u regjistrua në Shqipëri, ku së paku 25 persona humbën jetën dhe mbi 600 të tjerë u plagosën.
Tërmeti prej 6.3 shkallësh të Richterit u regjistrua rreth 34 kilometra në veriperëndim të Tiranës.
Shumica e viktimave pësuan në qytetin e Durrësit dhe qytezën Thumanë.
Shqipëria shpalli të mërkurën gjendje të jashtëzakonshme.
Informacionet e fundit nga situata në Shqipëri, mund t'i gjeni këtu.
