Ministri i Arsimit, Shkencës dhe Teknologjisë në Qeverinë e Kosovës, Shyqiri Bytyqi ka vendosur që orët e humbura mësimore gjatë grevës së mësimdhënësve, të mbajtur këtë vit të kompensohen.
Siç njofton MASHT përmes një njoftimi për media, ditët e humbura të mësimit në institucionet e arsimit parauniversitar do të zëvendësohen fillimisht me pesë ditë të marra nga pushimi pranveror në prill të këtij viti, pesë ditë të shtuna do të zëvendësohen gjatë vitit shkollor 2018/2019, dhe pesë ditë të zgjatet përfundimi i këtij vitit shkollor”.
Mësimdhënësit më 14 janar nisën grevën, e cila zgjati për tri javë, me kërkesën për rritjen e koeficientit të pagave për 30 për qind.
Greva është ndërprerë pas marrëveshjes me institucionet përgjegjëse, se Ligji i ri për paga do të përafrojë kërkesën e tyre.
Ligji i ri për paga është miratur në Kuvendin e Kosovës në muajin shkurt.
Presidenti i Kosovës, Hashim Thaçi nuk e ka dekretuar ligjin, mirëpo bazuar në Kushtetutën e Kosovës, Ligji do të hyjë në fuqi edhe pa nënshkrimin e presidentit.
