Kuvendi i Kosovës me 58 vota për miratoi në shqyrtimin e parë Projekt-Kodin Penal të Republikës se Kosovës - gjë që i hap rrugë leximit të dytë dhe votimit të tij përfundimtar.
Me Kodin e ri Penal thuhet se do të ketë një qasje të re në luftën kundër krimit të organizuar dhe korrupsionit, si dhe dukurive të tjera negative.
Ministri i Drejtësisë, Abelard Tahiri, tha se me Kodin e ri Penal janë paraparë dënime të ashpra për keqpërdoruesit e parasë publike.
Sipas zyrtarëve në sistemin e drejtësisë, ndryshimet në Kodin Penal u japin një përgjigje të fuqishme kërkesave për parandalimin e veprave korruptive.
Amendamentimi i këtij kodi ka qenë edhe një nga rekomandimet e BE-se për procesin e liberalizmit të vizave.
