Kuvendi i Kosovës ka zhvilluar seancën e fundit për këtë vit, me miratimin e anëtarëve të bordit të Agjencisë Kosovare të Privatizimit.
Sot bëhen tre muaj që kur nisi ai që njihet si sezon vjeshtor i Kuvendit, e i cili që nga fillimi u përshkua me përplasje ndërmjet forcave politike në opozitë dhe atyre në pushtet.
Në shenjë kundërshtimi me marrëveshjen e nënshkruar më 25 gusht të këtij viti me Serbinë për ngritjen e Asociacionit të komunave të banuara me shumicë serbe dhe atë për demarkacionin e kufirit me Malin e Zi, opozita ka shfrytëzuar kryesisht gazin lotsjellës në mjediset e Kuvendit për të bllokuar punimet.
Duke i cilësuar si të dëmshme marrëveshjet për tërësinë territoriale të Kosovës, opozita ka kërkuar shfuqizimin e tyre.
Si të dyshuar për hedhje gazi lotsjellës, autoritetet e rendit kanë shqiptuar masa ndëshkimi për 13 ligjvënës nga radhët e opozitës, kurse ndaj 4 prej tyre ka ngritur aktakuzë.
Në dy seanca me radhë, kryesia e Kuvendit ka marrë vendim për pezullimin e pjesëmarrjes së deputetëve opozitarë në punimet e këtij institucioni.
