Ministrat e Qeverisë së re të Kosovës
Kryeministër i Republikës së Kosovës - Isa Mustafa
Zëvendëskryeministër i Parë - Hashim Thaçi
Zëvendëskryeministër - Kujtim Shala
Zëvendëskryeministër - Branimir Stojanoviq
PDK:
1. Ministër i Punëve të Jashtme - Hashim Thaçi
2. Ministër i Arsimit, Shkencës dhe Teknologjisë - Arsim Bajrami
3. Ministër i Bujqësisë, Pylltarisë dhe Zhvillimit Rural - Memli Krasniqi
4. Ministre e pa Portofol - Edita Tahiri
5. Ministër i Drejtësisë - Hajredin Kuçi
6. Ministër i Integrimit Evropian - Bekim Qollaku
7. Ministër i Zhvillimit Ekonomik - Blerand Stavileci
8. Ministër i Mjedisit dhe Planifikimit Hapësinor - Ferid Agani
9. Ministër i Diasporës - Valon Murati
LDK:
1. Ministër i Punëve të Brendshme - Skender Hyseni
2. Ministër i Shëndetësisë - Imet Rrahmani
3. Ministër i Infrastrukturës - Lutfi Zharku
4. Ministre e Tregtisë dhe Industrisë - Hikmete Bajrami
5. Ministër i Forcës së Sigurisë së Kosovës - Haki Demolli
6. Ministër i Kulturës, Rinisë dhe Sportit - Kujtim Shala
7. Ministër e Punës dhe Mirëqenies Sociale - Arban Abrashi
8. Ministër i Financave - Avdullah Hoti
Partitë minoritare.
1. Ministër i Administrimit të Pushtetit Lokal - Lubomir Mariq
2.Minister për Komunitete dhe Kthim - Aleksandar Jablanoviq
3. Ministër i Administratës Publike - Mahir Yagcilar
4. Ministës pa Portofol - Rasim Demiri
Kuvendi zgjodhi qeverinë e re të Kosovës
Me 73 vota për 38 kundër dhe 2 abstenime, Kuvendi i Kosovës ka zgjedhur qeverinë e re me kryeministër Isa Mustafën.
Procedura e votimit, pasoi debatin prej katër orësh të mbajtur në Kuvendin e Kosovës ditën e hënë.
Qeveria e re e Kosovës është formuar mbi bazën e marrëveshjes për bashkëqeverisje ndërmjet Partisë Demokratike të Kosovës dhe Lidhjes Demokratike të Kosovës.
Qytetarët në Prishtinë thonë se nuk janë optimistë se gjërat mund të ndryshojnë në të mirën e tyre, pas udhëheqjes së re të Kuvendit të Kosovës dhe mandatarit për formimin e qeverisë, Isa Mustafa.
Jeton Ballacaku nga Prishtina, i cili studion në Fakultetin Filozofik tha për Radion Evropa e Lirë se janë mësuar me deklaratat e premtimet e politikanëve dhe mosrealizimin e tyre.
Ai nuk beson se do të ketë ndryshime në të mirë të qytetarëve...
“Nuk besoj se qeverisja e Mustafës do të ndryshojq nga qeverisja e Thaçit, nëse do të jetë një mandat i plotë, do të jenë të njëjtat sfida apo të njëjtat kërkesa të qytetarëve ashtu siç i kanë pasur në mandatin e zotit të Thaçi, vende të punës, zhvillim ekonomik, për të cilat jemi mësuar të dëgjojmë vetëm retorikë, e të cilat nuk janë realizuar asnjëherë”, tha Bllacaku.
Gent Gashi, punëtor në një dyqan në qendër te Prishtinës, thotë se mandatari për qeverinë e re, Isa Mustafa, nuk ka arritur t’ia dalë në qeverisjen lokale. Sipas Gashit, Isa Mustafa as në udhëheqje të Qeverisë nuk do të ketë sukses.
“Duke ditur që zoti Isa Mustafa, për disa mandate ka qeverisur në komunën e Prishtinës, dhe duke ditur që ka dështuar në këtë qeverisje, nuk besoi se do të bëjë punë më të mirë se sa Hashim Thaçi”, tha Gashi.
