Pjesëmarrja e votuesve në rrethin e dytë të zgjedhjeve lokale për kryetarë komunash është mbi 40 për qind.
Balotazhi është mbajtur në gjithsejt 25 komuna, përfshirë këtu edhe Mitrovicën e veriut dhe tri vendvotime në Zveçan, ku është përsëritur procesi i votimit të mbajtur më 3 nëntor.
Procesi i votimit në garën për balotazh është zhvilluar qetë, pa ndonjë incident, ndërsa është raportuar për disa parregullsi por që nuk kanë ndikuar në mbarëvajtjen e procesit zgjedhor.
Balotazhi i 1 dhjetorit në 25 komuna doli nga zgjedhjet e 3 nëntorit, të cilat u cilësuan si historike për faktin se për herë të parë u organizuan nga institucionet e Kosovës edhe në veri të vendit, ku 3 qendra votimi qenë mbyllur shkaku i sulmeve, dhe votimi ishte ndërprerë për t'u përsëritur më 17 nëntor.
Më herët, gjatë ditës ambasadorja e Shteteve të Bashkuara në Kosovë,Tracy Ann Jacobson, deklaroi se procesi zgjedhor për Kosovën është i rëndësishëm. Zonja Jacobson i bëri këto komente gjatë vizitës në një vendvotim në Shkollën fillore "Faik Konica" në Prishtinë.
“Është proces i rëndësishëm. Kosova bëri një punë të mirë më 3 nëntor, njësoj siç ndodhi edhe në votimet e 17 nëntor në Mitrovicën veriore. Kështu që është e rëndësishme që ta shfrytëzojmë këtë dinamikë, në mënyrë që votuesit të dalin edhe në rrethin e dytë dhe të votojnë, kurse partitë politike të sigurohen që e gjithë puna të jetë në harmoni me ligjin”, deklaroi Jacobson.
Një pritje një ditë para balotazhit për të gjithë gjithë komponentët e përfshirë në procesin elektoral, kishte organizuar presidentja e Kosovës, Atifete Jahjaga, me ç'rast ajo kishte kishte vlerësuar se më 1 dhjetor, Kosova do të dëshmojë se do ta kalojë me sukses testin e demokracisë.
“Zgjedhjet e 1 dhjetorit duhet të dëshmojnë se Kosova është shtet i së drejtës dhe shtet i qytetarëve të barabartë”, kishte thënë Jahjaga, duke kërkuar nga organet përgjegjëse që të mos tregohet kompromis për ata që cenojnë procesin.
Ndërkaq, nga aspekti i sigurisë, Policia e Kosovës kishte angazhuar 5.100 zyrtarë policorë për të siguruar mbarëvajtjen e procesit.
Balotazhi u mbajt edhe në Mitrovicën e veriut, ndërkaq në Zveçan u përsëritën zgjedhjet në tri vendvotime. Për shkak të rrethanave specifike në veri, Policia e Kosovës bashkë me EULEX-in dhe KFOR-in u kujdesën për sigurinë në atë pjesë gjatë votimit, si dhe gjatë numërimit të votave.
“Policia e Kosovës do të bashkëpunojë dhe bashkërendojë aktivitetet operacionale edhe me EULEX-in, si reagues i dytë dhe KFOR-in si reagues i tretë në rast nevoje, për të parandaluar incidentet e mundshme, të cilat mund të kenë ndikim në procesin e votimit”, ka thënë zëdhënësi i Policisë së Kosovës, Baki Kelani.
Votimi u monitorua nga vëzhgues vendor e ndërkombëtarë
Ngjashëm me votimet e 3 nëntorit, edhe në balotazh, ku ishin përfshirë 50 kandidatë në garën për 25 vende për kryetar në komunat e Kosovës, i gjithë procesi u monitorua dhe vëzhgua nga afër nga organizata vendase e ndërkombëtare.
Bashkimi Evropian, ditën e zgjedhjeve pati 71 vëzhgues.Një numër të caktuar vëzhguesish kishte edhe ENEMO dhe organizatat tjera ndërkombëtare. Kurse, me mbi 1.600 vëzhgues votimet i përcolli edhe koalicioni i organizatave joqeveritare “Demokracia në Veprim”.
Derisa balotazhi u zhvillua në 25 komuna, po nga zgjedhjet e lokale të 3 nëntorit në 13 komuna kryetarët u zgjodhën qysh në rrethin e parë. Këto zgjedhje prodhuan si rezultat edhe zgjedhjen e asamblistëve të rinj nëpër të gjitha komunat e Kosovës.
Kush me kë ishte balotazh?
Balotazhi për kryetar në 25 komuna të Kosovës, u zhvillua nga 50 kandidatë, të cilët vijnë nga subjekte të ndryshme politike. Më poshtë publikojmë emrat e tyre dhe qytetet ku u zhvillua gara e balotazhit.
Prishtinë: Isa Mustafa (LDK) dhe Shpend Ahmeti (Vetëvendosje)
Gjakovë: Mimoza Kusari Lila (AKR) dhe Pal Lekaj (AAK-LDD)
Prizren: Ramadan Muja (PDK) dhe Eqrem Kryeziu (LDK)
Pejë: Gazmend Muhaxheri (LDK) dhe Ali Berisha (AAK-LDD)
Gjilan: Lutfi Haziri (LDK) dhe Qemajl Mustafa (PDK)
Mitrovicë e Jugut: Avni Kastrati (PDK) dhe Agim Bahtiri (AKR)
Mitrovicë e Veriut: Krstimir Pantiq (GIS) dhe Oliver Ivanoviq (IQ)
Ferizaj: Agim Aliu (PDK) dhe Muharrem Svarça (LDK)
Malishevë: Ragip Begaj (IQM) dhe Sali Morina (LDK)
Rahovec: Idriz Vehapi (PDK) dhe Smajl Latifi (AAK-LDD)
Dragash: Selim Jenuzi (PDK) dhe Fatmir Mehmeti (LDK)
Graçanicë: Branimir Stojanoviq (GIS) dhe Bojan Stojanoviq (SLS)
Junik: Agron Kuçi (AAK-LDD) dhe Zenun Shala (LDK)
Kamenicë: Shaip Surdulli (LDK) dhe Begzad Sinani (PDK)
Klinë: Sokol Bashota (PDK) dhe Enver Berisha (LDK-LDD)
Lipjan: Shukri Buja (PDK) dhe Imri Ahmeti (LDK)
Novobërdë: Bajrush Ymeri (LDK) dhe Svetislav Ivanoviq (GIS)
Obiliq: Mehmet Krasniqi (LDK) dhe Xhafer Gashi (AAK-LDD)
Suharekë: Sali Asllanaj (LDK) dhe Bali Muharremaj (AAK-LDD)
Viti: Sokol Haliti (LDK) dhe Nexhmedin Arifi (PDK)
Vushtrri: Bajram Mulaku (PDK) dhe Muharrem Shabani (AAK-LDD)
Partesh: Nenad Cvetkoviq (SLS) dhe Dragan Nikoliq (GIS)
Ranillugë: Gradimir Mikiq (GIS) dhe Milan Aritonoviq (SNPK)
Shtërpcë: Bratislav Nikoliq (SLS) dhe Ivan Rexhiq (GIS)
Kllokot: Sreçko Spasic (GIS) dhe Sasha Mirkoviq (SLS)
Balotazhi është mbajtur në gjithsejt 25 komuna, përfshirë këtu edhe Mitrovicën e veriut dhe tri vendvotime në Zveçan, ku është përsëritur procesi i votimit të mbajtur më 3 nëntor.
Procesi i votimit në garën për balotazh është zhvilluar qetë, pa ndonjë incident, ndërsa është raportuar për disa parregullsi por që nuk kanë ndikuar në mbarëvajtjen e procesit zgjedhor.
Balotazhi i 1 dhjetorit në 25 komuna doli nga zgjedhjet e 3 nëntorit, të cilat u cilësuan si historike për faktin se për herë të parë u organizuan nga institucionet e Kosovës edhe në veri të vendit, ku 3 qendra votimi qenë mbyllur shkaku i sulmeve, dhe votimi ishte ndërprerë për t'u përsëritur më 17 nëntor.
Më herët, gjatë ditës ambasadorja e Shteteve të Bashkuara në Kosovë,Tracy Ann Jacobson, deklaroi se procesi zgjedhor për Kosovën është i rëndësishëm. Zonja Jacobson i bëri këto komente gjatë vizitës në një vendvotim në Shkollën fillore "Faik Konica" në Prishtinë.
“Është proces i rëndësishëm. Kosova bëri një punë të mirë më 3 nëntor, njësoj siç ndodhi edhe në votimet e 17 nëntor në Mitrovicën veriore. Kështu që është e rëndësishme që ta shfrytëzojmë këtë dinamikë, në mënyrë që votuesit të dalin edhe në rrethin e dytë dhe të votojnë, kurse partitë politike të sigurohen që e gjithë puna të jetë në harmoni me ligjin”, deklaroi Jacobson.
Një pritje një ditë para balotazhit për të gjithë gjithë komponentët e përfshirë në procesin elektoral, kishte organizuar presidentja e Kosovës, Atifete Jahjaga, me ç'rast ajo kishte kishte vlerësuar se më 1 dhjetor, Kosova do të dëshmojë se do ta kalojë me sukses testin e demokracisë.
“Zgjedhjet e 1 dhjetorit duhet të dëshmojnë se Kosova është shtet i së drejtës dhe shtet i qytetarëve të barabartë”, kishte thënë Jahjaga, duke kërkuar nga organet përgjegjëse që të mos tregohet kompromis për ata që cenojnë procesin.
Ndërkaq, nga aspekti i sigurisë, Policia e Kosovës kishte angazhuar 5.100 zyrtarë policorë për të siguruar mbarëvajtjen e procesit.
Balotazhi u mbajt edhe në Mitrovicën e veriut, ndërkaq në Zveçan u përsëritën zgjedhjet në tri vendvotime. Për shkak të rrethanave specifike në veri, Policia e Kosovës bashkë me EULEX-in dhe KFOR-in u kujdesën për sigurinë në atë pjesë gjatë votimit, si dhe gjatë numërimit të votave.
“Policia e Kosovës do të bashkëpunojë dhe bashkërendojë aktivitetet operacionale edhe me EULEX-in, si reagues i dytë dhe KFOR-in si reagues i tretë në rast nevoje, për të parandaluar incidentet e mundshme, të cilat mund të kenë ndikim në procesin e votimit”, ka thënë zëdhënësi i Policisë së Kosovës, Baki Kelani.
Votimi u monitorua nga vëzhgues vendor e ndërkombëtarë
Ngjashëm me votimet e 3 nëntorit, edhe në balotazh, ku ishin përfshirë 50 kandidatë në garën për 25 vende për kryetar në komunat e Kosovës, i gjithë procesi u monitorua dhe vëzhgua nga afër nga organizata vendase e ndërkombëtare.
Bashkimi Evropian, ditën e zgjedhjeve pati 71 vëzhgues.Një numër të caktuar vëzhguesish kishte edhe ENEMO dhe organizatat tjera ndërkombëtare. Kurse, me mbi 1.600 vëzhgues votimet i përcolli edhe koalicioni i organizatave joqeveritare “Demokracia në Veprim”.
Derisa balotazhi u zhvillua në 25 komuna, po nga zgjedhjet e lokale të 3 nëntorit në 13 komuna kryetarët u zgjodhën qysh në rrethin e parë. Këto zgjedhje prodhuan si rezultat edhe zgjedhjen e asamblistëve të rinj nëpër të gjitha komunat e Kosovës.
Kush me kë ishte balotazh?
Balotazhi për kryetar në 25 komuna të Kosovës, u zhvillua nga 50 kandidatë, të cilët vijnë nga subjekte të ndryshme politike. Më poshtë publikojmë emrat e tyre dhe qytetet ku u zhvillua gara e balotazhit.
Prishtinë: Isa Mustafa (LDK) dhe Shpend Ahmeti (Vetëvendosje)
Gjakovë: Mimoza Kusari Lila (AKR) dhe Pal Lekaj (AAK-LDD)
Prizren: Ramadan Muja (PDK) dhe Eqrem Kryeziu (LDK)
Pejë: Gazmend Muhaxheri (LDK) dhe Ali Berisha (AAK-LDD)
Gjilan: Lutfi Haziri (LDK) dhe Qemajl Mustafa (PDK)
Mitrovicë e Jugut: Avni Kastrati (PDK) dhe Agim Bahtiri (AKR)
Mitrovicë e Veriut: Krstimir Pantiq (GIS) dhe Oliver Ivanoviq (IQ)
Ferizaj: Agim Aliu (PDK) dhe Muharrem Svarça (LDK)
Malishevë: Ragip Begaj (IQM) dhe Sali Morina (LDK)
Rahovec: Idriz Vehapi (PDK) dhe Smajl Latifi (AAK-LDD)
Dragash: Selim Jenuzi (PDK) dhe Fatmir Mehmeti (LDK)
Graçanicë: Branimir Stojanoviq (GIS) dhe Bojan Stojanoviq (SLS)
Junik: Agron Kuçi (AAK-LDD) dhe Zenun Shala (LDK)
Kamenicë: Shaip Surdulli (LDK) dhe Begzad Sinani (PDK)
Klinë: Sokol Bashota (PDK) dhe Enver Berisha (LDK-LDD)
Lipjan: Shukri Buja (PDK) dhe Imri Ahmeti (LDK)
Novobërdë: Bajrush Ymeri (LDK) dhe Svetislav Ivanoviq (GIS)
Obiliq: Mehmet Krasniqi (LDK) dhe Xhafer Gashi (AAK-LDD)
Suharekë: Sali Asllanaj (LDK) dhe Bali Muharremaj (AAK-LDD)
Viti: Sokol Haliti (LDK) dhe Nexhmedin Arifi (PDK)
Vushtrri: Bajram Mulaku (PDK) dhe Muharrem Shabani (AAK-LDD)
Partesh: Nenad Cvetkoviq (SLS) dhe Dragan Nikoliq (GIS)
Ranillugë: Gradimir Mikiq (GIS) dhe Milan Aritonoviq (SNPK)
Shtërpcë: Bratislav Nikoliq (SLS) dhe Ivan Rexhiq (GIS)
Kllokot: Sreçko Spasic (GIS) dhe Sasha Mirkoviq (SLS)
