Живго нухмалъиялда хутIиялъул ва тамихIалдаса ворчIиялъул мурадалда Россиялъул лидер унго-унгояб рагъалде щун тадбирал тIоритIизе бегьулин рикIкIунеб буго Сергей Колесниковас Эркенлъи Радиоялъе кьураб интервьюялда. Гьев ккола биофизик, Евроцолъиялъ ва Цолъарал Штатаз жинде данде санкцияби лъазарурав миллиардер Николай Шамаловасул вукIарав бизнес-партнер. Колесниковасул пикруялда, рес буго президент Владимир Путиница атомияб яргъиде щун шантаж гьабизецин.
