Рубрики

Новость часа

МахIмудова ПатIимат

Автор МахIмудова ПатIимат

Март 10, 2015
Мегеж тей такъсирищ кколеб?

9 марталда МахIачхъалаялда низам цIунулез иргадулаб нухалда ккун вукIана вуго «Яблоко» партиялъул Дагъистаналда бугеб бутIаялъул нухмалъулев Бабаев Артур. Полициялъул бутIаялда гьесда лъазабун буго гьев кинабалиго сияхIалде восун вугилан, щиб сияхI гьеб, щай гьев гьениве восаравалиги бичIчIизабун гьечIо. Живго Артурица жив кквеялъе гIиллалъун гьесул бахараб мегеж бугилан рикIкIунеб буго.
Март 09, 2015
Хъутабазул росаби гьариялде данде митинг

Дагъистаналъул Бабаюрт мухъалда итни къоялда тIобитIараб митингалда гIахьаллъулев вукIана 800-гIанасев чи. Гьеб гIуцIарал разиял гьечIо республикаялъул нухмалъиялъ гьенир ругел хъутабазе росабазул статус кьезехъин букIиналда. Гьениб мухъалда гIумру гьабулел, аслияб куцалда, лъарагIалгун нугъаяз абулеб буго гьел хъутабазе росабазул статус кьуни гьанжелъизегIан гьезул колхозаз жидехъа ракь ижараялъ босун букIун батани, гьенир росаби гьаруни, гьеб ракь гьеб тIубанго гьезул къайимлъиялде ине бугин.
Март 07, 2015
Щиб къваригIунеб МахIачхъалаялъул жиндирго "гьумер" букIине ккани?

6 марталда МахIачхъаялда бакIал раялъул ва шагьаралда ахритектурияб гIадлу букIинабиялъул суалазда тIасан данделъи тIобитIана тахшагьаралъул мэриялъ. Гьеб тадбиралда аслияб къагIидаялъ бицунеб букIана риххун инел ругел басриял минабахъа гIадамал гочинаризе ккеялъул ва гьезие цIиял рукъзал ралаго дандчIвалел захIмалъабазул. Гьединго шагьаралда ралел бакIазул архитектуриял гIунгутIабазулги бицана гьениб.
Март 06, 2015
Бабаюрталъул ракьазда сверун дагIба багъаризехъин буго

Дагъистаналъул хIукуматалда ракIалда буго лъарагIлъиялда бугеб 199 хъутаналъе росдал статус кьезе. Гьединаб гали ракIалъе гIолеб гьечIо, мисалалъе, Бабаюрт мухъалъул гIадамазе. Гьезул жамгIиял хIаракатчагIаз ва цо-цо администрациязул вакильзабаз абулеб буго, ракьал хъутабазда гъоркь ижараялда рукIун ратани, гьанже гьеб статус кьун хадубго, ресал раккизе ругин ракьал жидерго буголъиялде буссинабизеян. Гьезго абулеб буго хIукуматалъул хIукму гIумруялде бахъинабулеб бугони, жал протесталъул акциябазде руссине ругин.
Март 05, 2015
БизнесчагIи: "рагIдукьа" бизнес "бакъалде" бахъиялъе шартIал гьечIо...

МахIачхъалаялъул нухмалъиялдаго цадахъ шагьаралда рацIцIалъи, берцинлъи, санагIалъи букIинабиялъе кумек бизнесчагIазги гьабизе кколин лъазабуна мэр МухIамад Сулеймановас, 4 марталда тIобитIараб тахшагьаралъул тIалъиялъулги гьенир хIалтIулел бизнесчагIазулги данделъиялда. Гьеб дандеруссиналда бизнесчагIазги бицана жидее шагьаралда хIалтIизе санагIалъи толеб гьечIолъиялъул, гьезухъа гIарац бахъулеб букIиналъул. Цадахъ рекъон хIалтIизе ккани жидер тIалабазухъги гIенеккизе кколин МахIачхъалаялъул нухмалъийин лъазабуна бизенсчагIаз.
Март 03, 2015
Министр Сефер ГIалиев хъулухъалдаса нахъе вахъана

Гьал къоязда хъулухъалдаса вахъун вуго Дагъистаналъул бухьеналъул ва телекоммуникациязул министерлъиялъул бетIер ГIалиев Сефер. Официалияб къагIидаялъ гьесда хъулухъ тезабиялъе гIиллаби баян гьарулел гьечIо, амма мухIканал гурел баяназда рекъон министрас жиндирго васасул автомобиль ижараялъ босизе къотIи-къай гьабун букIун буго, гьелдаса разигьечIолъи загьир гьабун буго республикаялъул бетIер ГIабдулатIипов Рамазаницаги.
Март 02, 2015
Р. ГIабдулатIипов: "Бюджет пасат гьаби ккола халкъалде данде такъсир"

ЦIунтIа, Хунзахъ ва Лаваша мухъазда бюджеталъул гIарац хвезабиялда хурхун кIудияб разигьечIолъи бижун буго республикаялъул бетIерасул. Гьелъул хIакъалъулъ Рамазан ГIабдулатIиповас лъазабуна коррупциялде данде къеркьеялъул темаялъул данделъиялда. Коррупциялъул даража цIикIиналъул гIайиб гьес чIвалеб буго контролалъул идарабазда гуребги, НКОяздаги, ай коммерциялъулал гурел жамгIиял гIуцIабаздаги.
Февраль 27, 2015
Кваналищ кваналарищ?

27 февралалда Дагъистаналъул ТIадегIанаб диванханаялъ, ЦIияблак мухъалъул Шушия росдал ракьал бакIалъул администрациялъ къануналде данде кколедухъ ижараялъ кьун ругин абураб Хъумторхъала мухъалъул диваналъул хIукму, мекъаб бугин чIезабуна. Гьеб цIидахъан халгьабиялде битIун буго. Диваналъ гьаб нухалда жидер рахъ ккуниги, гьедин бигьаго ракьал жидехъе нахъе щвеялда щаклъи буго ракьал нахъе тIалаб гьабун ракъунчIей лъазабун букIаразул.
Февраль 25, 2015
"МаскачагIаз" жиндир сейф цIехон вухарав бизнесчи

Гьал къоязда МахIачхъалаялда, ракIалде кковухъе, къуваталъул идарабазул хIалтIухъабаз жиндир рокъореги кIанцIун жив вуханин ва рокъоб чIухь банин лъазабулеб буго МахIачхъалаялдаса бизнесчи Рамазанов Запирица. Гьелщинал тадбирал гьарулелъул гьел чагIаз цониги документги бихьизабун гьечIо гьесда. Запирил пикруялда, гьеб киналъего гIиллалъун букIун буго гьесухъа гIарац бахъизе гьабулеб къасд.
Февраль 24, 2015
Ункъго моцIалъ букIинчIеб кьвагьа-гIанхъи

24 февралалда Хасавюрт мухъалда чIван вуго полициялъул цо хIалтIухъан ва изну гьечIого яргъидгIуцIаразул кIигояв. Полициялъул цоги хIалтIухъан лъукъунги вуго. Гьеб кьвагьа-гIанхъи ккун буго сардилъ полициялъул чIовудабакIалда. Гьеб буго Дагъистаналъул низам цIунулезда ва изну гьечIого яргъидгIуцIаразда гьоркьоб ункъго моцIида жаниб ккараб тIоцебесеб кьвагьа-гIанхъи.
Февраль 18, 2015
Полициялъулал: "Нижер МВДялъ ниж цIунулел гьечIо"

Дагъистаналъул жанисел ишазул министерлъиялъул общежитиялда нахъе къот1улеб буго 25 хъизан. ГIадамаз абулеб буго жидее букIине кколедухъ хIукуматалъ рукъзал кьечIого жал гьениса кирениги ине гьечIин.
Февраль 13, 2015
Тумаз президент Путинихъе кагъат хъван буго

ЦIияблак мухъалъул Шушия росдал гIадамаз 13 февралалда Россиялъул президент Владимир Путинихъе хъван буго жидерго ругелщинал захIмалъабазул, масъалабазул ва бакIалъул тIалъиялъ гьезие кIвар кьолеб гьечIолъиялъул бицараб кагъат. Гьеб гIуцIунги буго иргадулаб нухалда ракъи лъазабурал росдал активистаз.
Февраль 12, 2015
Дида хадуб бахъа харабазул тIел...

11 февралалда Дербенталъул харабазул шураялъ шагьаралда лъугьун бугеб захIматаб ахIвал-хIалалъул бицине данделъи ахIун букIана. Гьениб кIалъазе рахъараз лъазабуна республикаялъул тIалъиялъ жидеего бокьа-бокьараб гьабулеб бугила Дербенталда, берцинго хIалтIулеб бугеб шагьаралъул нухмалъиялъе квалквалал гьарулел ругила, гьезде данде чорокаб рагъ базе лъугьун ругила
Февраль 10, 2015
Бекьизе щолареб ракь, бичизе мадар гьабулеб буго…

10 февралалда Дагъистаналъул Хъумторхъала мухъалъул Учкент росулъ гIумру гьабулел гIадамаз тIобитIана жидер колхозалъул рукIарал ракьал нахъе тIалаб гьабун акция. Гьезул рагIабазда рекъон колхозалъул нухмалъулев Самедов Жахъайица гьел ракьал чидае ричун руго, Самедовас жиндего гIунтIизабулеб гIайибалда ва гIадамазул тIалабазда хурхун кинаб букIаниги баян кьолеб гьечIо.
Февраль 06, 2015
20 гIанаб сон чемоданазда

НусгогIан чияс гIахьаллъи гьабураб ЦIияблак мухъалдаса гочинаризе кколел тумазул данделъиялда гIадамаз лъазабуна, гочинарулаго жидее рукIине кколлел санагIалъаби чIчIезаричIого жал ругеб бакIалдаса кирениги ине гьечIилан.
Февраль 05, 2015
МахIачхъалаялда вухарав адвокатасул гIумруялъе хIинкъи гьечIо гьанже

5 февралалда МахIачхъалаялда вухарав адвокат МухIамадов Мурадил дагьаб мадар бугин лъазабулеб буго тохтурзабаз. Гьезул рагIабазда рекъон гьаб сагIат гIумруялъе хIинкъи бугеб хIал гьечIо гьесул. Адвокатасул цадахъ хIалтIулез гьеб тIадекIанцIи МухIамадовасул хIалтIуда бухьинабулеб буго.
Февраль 05, 2015
Дагъистаналда захIматго вухана адвокат... иргадулаб нухалда

МахIачхъалаялда вухарав инсанасул ихтиярал цIунулеб "Мемориал" гIуцIиялъул адвокат Мурад МухIамадовасул гIумруялъе хIинкъи гьечIин лъазабулеб буго тохтурзабаз.
Февраль 04, 2015
Дару балагьунги майданалде рахъине ккана унтарал

4 февралалда МахIачхъалаялъул аслияб майданалде рахъун рукIана ургьисалаби унтун рукIиналъ би бацIцIад гьабизе кколев 20 гIан чи. Унтаразул разигьечIолъи бугоан гьеб би бацIцIад гьабиялъул иш МахIачхъалаялъул аслияб азарханаялда гьоркьоб къотIизе тун букIин. Акциялде вачIарав гьеб азарханаялъул нухмалъулес лъазабуна гьеб гьоркьобкъотIиялъе гIилла бугила хасал дараби росизе гIарац гьечIолъи.
Февраль 03, 2015
Тумал: "Гочин депортациялде буссине бокьун гьечIо нижее"

ЦIияблак мухъалдаса гочинаризе кколел тумазул росабазул вакилзабазул данделъи тIобитIана 2 февралалда. Гьеб тадбиралда гIадамаз иргадулаб нухалда бицана гочинариялда хурхун жидер ругел захIмалъабазул ва тIалабазул. Гьел тIалабал тIуран хадуб гурони ЦIияблак мухъалъул бакIалда ГIавухъ мухъ гьабизе жал разилъуларин лъазабуна гьеб тадбиралъул гIахьалчагIаз.
Январь 30, 2015
Дагъистаналда цо моцIида жанив 7 полицияв ккун вуго

Гьал къоязда Россиялъул федералияб хIинкъигьечIолъ букIинабиялъул идараялъул хIалтIухъабаз ккун руго ришват босиялда щаклъи бугев полициялъул кIиго хIалтIухъан. Гьеб гIайиб тIадчIезабуни россиялъул къануналда рекъон полициялъул хIалтIухъаби 5 соналде щвезегIан туснахъ гьаризе бегьулел руго. Исана соналда жаниб къуваталъул идарабазул хIалтIухъабазда тIад такъсирияб иш рагьиялъул лъабабилеб хIужа ккола гьеб.

Загрузить еще

XS

SM

MD

LG