Россиялъул президент Владимир Путиница Европаялъул жугьутIал ахIана Россиялде тIадруссине.
Араб рузман къоялъ Россиялъул Пачалихъияб Думаялъ къабул гьабурал къануназул цояблъун ккола кабелиял телеканалазда реклама гьукъулеб къанун. Депутатазул хIисабалда чIобогоял телеканалазулги гIарцухъ хIалтIулел каналазулги ресал ращадал гьечIин. Гьеб къанун хIалтIизе буго тIаде бачунеб соналдаса байбихьун. Кинаб хIасил гьелъ гьабизе бугеб кабелиял телеканалазе?
Украиналда Россиялъул политика бихьун Магърибалъ рикIкIад гьавунагIан жиндирго улкаялда борхулеб буго Россиялъул президент Владимир Путинил рейтинг.
Щуго соналъ цебе Москваялда чIвана машгьурав адвокат Станислав Маркеловги журналист Анастасия Бабуроваги. Гьеб лъагьа-бахъиналъ ахIи-хIур бахъинабун букIана улкаялда. Ультранационалистазде хурхен бугел такъсирчагIазе тамихI къотIана. Гьединаб хIужжа цIакъ къанагIатаб бугин россиялъул низам чIезабиялъул системаялъейин, хъвалеб букIана ахирисел къоязда россиялъулги къватIисел пачалихъазулги информалатаз.
27 октябрялда байбихьана Гуржистаналъул президентасул рищиял. Экспертазул хIисабалда анцIго соналда жаниб Михаил Саакашвилица гьабулеб букIараб тIалъи ахиралде щолеб буго.
Россиялъул маххул нухазул компаниялъул планалда буго халатаб манзилалъул маршрутазул поездазда христианиял программабазул радиотрансляция байбихьизе. Гьединаб галиялде пачалихъияб компания инехъин буго, ГΙурусазул Православияб ГьатΙаналъул инициатива гΙадахъги босун. Амма улкаялда гьеб план ракΙалъе гΙечΙого букΙине бегьула гΙемер гΙадамазе. Щай?
Большой Театралда ахираб заманалда рукIарал кIудиял скандалаздаса хадуб хъулухъалдаса вахъун вуго гьелъул генералияв директор. Гьел скандалазул ахирисеблъун букIана исана январалда театралъул нухмалъулезул цоясул гьурмаде загьруяб лъамалъи чвалхараб ва гьелъул хIасилалда гьев канлъукълъараб скандал.
Чехиялъул премьер-министр Петр Нечасица лъазабуна жиндир гIагардисей кумекчIужуялъулл цIар коррупциялъул ва жасуслъиялъул скандалалда загьирлъидал жинца хъулухъ толеб бугин. Нечас хъулухъалдаса индал биххана улкаялъул хIукуматги.
