Рубрики

Новость часа

Зульфия ХIажиева

Автор Зульфия ХIажиева

Август 23, 2012
Рахьдал мацI лъангутIи – «гIадамалъа рахъи»

Ахираб заманалда Дагъистаналда киназдаго кIалдиб ругьунлъун буго рахьдал мацIал цIунизе ккеялъул хабар. РакIалде щвезабула Татарстаналда гьелде кьолеб бугеб кIварги. Амма гьебго заманалда я тIадчагIаз, яги махщалида рекъон гьеб суал тIубазабизе кколел чагIаз гьабулеб хIалтIи бихьуларин абураб гIарз буго гIадамазул. Абула ахираб 20 соналда жаниб цIакъго тату хванин рахьдал мацIазул. Дагъистаналъул школазда анкьида жаниб цо сагIат гурони гьечIо гьел лъазаризе бихьизабун. Гьединаб хIадурлъигун университеталде цIализе рачIарал гIолилаз цIакъ захIматго босулин мацIилан гIарз буго мугIалимзабазул.
Август 15, 2012
Божулищ дагъистаниял жиндирго республикаялъул бетIерасда?

«Справедливая Россия» партиялъул Дагъистаналда бугеб вакиллъиялъ тIатинабизехъин буго республикаялъул нухмалъулесдехун халкъалъул бугеб божилъи.
Август 10, 2012
Гьанже флешкаби «рохьилаз» гуребги ритIула Дагъистаналда

Чанго сон буго Дагъистаналда магъало лъолеб ц1ияб къаг1ида баккаралдаса. «Рохьилаз» т1ирит1изарула бечедал г1адамазда т1ад магъало лъун бук1иналъул бицунел флешкаби. Гьез гьезда абула нуж диналдаса рик1к1алъун ругин, гьединлъидал бизнесалдаса нужее щолеб хайир х1алаллъизе ккани, жигьадалъе г1оло цо хасаб къадар биччазе кколин нужеца. Гьанжейин абуни гьеб пишаялда нахъа ратулел руго гIадатиял гIадамалгицин.
Август 07, 2012
Министрас кьураб рагIиги гIадамазул гIарзалги

Гъизилюрт мухъалъул Комсомольское росдал гIадамазулгун букIараб дандчIваялдаса хадуб республикаялъул жанисел ишазул министрас бакIалъул полициялда лъазабун буго тIад номералги гьечIеб, бецIал цIурдулги ругеб цониги автомобиль тогейин хадуб халкквечIого, нагагьлъун низам цIунулел гьел ратаниги, гIадлу гьабейила гьезиеги, цогидаздаса батIалъи гьабичIого.
Август 06, 2012
Террористалин абунилан какги бачIого, кIалги кквечIого рукIине къваригIунищ бугеб ниж?!

Гъизилюрт мухъалъул Комсомольское росдал администрациялда 6 августалда тIобитIараб данделъиялда гьоркьоб лъун букIана полициялъулаздаги росуцояздаги гьоркьоб лъугьараб дандеккунгутIиялъул суал.
Август 04, 2012
Краснодарин абун батIа кIанцIун чIараб хъазахъазул улкайищ бугеб?

Россиялъул ЖамгIияб палатаялда ракIалда буго Краснодаралъул ракьалъул губернатор Александр Ткачев хIалхьиялде витIизе тIалаб гьабизе президент Владимир Путинидаса. Гьеб тIалаб хурхараб буго Ткачёвас гьал къоязда гьабураб лъазабиялда. Гьесда ракIалда буго Краснодаралъул ракьалдаса Шималияб Кавказалъулал нахъе гъезелъун яги гьезие гIадлу гьабизелъун полициягун рекъон хIалтIизе хъазахъазул хасал къукъаби гIуцIизе.
Август 02, 2012
ГIемер чIван, анцIго соналдасан гIолохъабиго хутIиларо Дагъистаналда

Дагъистаналъул Буйнахъск шагьаралда хун вуго хамиз къоялъул радал жиндир автомашина кьвагьизабидал лъукъарав полицияв. ГьУрмазда маскаби хурал ч1аг1аз Мах1ачхъала-Астрахань шагьранухда ч1ван вуго цо чи. Гьелдаса цебе Гъизилюрт мухъалъул Комсомолец росулъ ч1ван вуго полициялъул лейтенант.
Август 01, 2012
Путиница тIадкъай кьун рагIулила Сулахъ росдал курорт гьабизе

Каспий ралъдал рагIалда гIумру гьабулел Сулахъ росдал гIадамазулги гIорхъаби цIунулезулги ричIчIунгутIиял лъугьаралдаса чанго сон буго. ХIатталдаса ун гьоркьорлъаби хвезе лъугьиндал, гIадамаз шагьранухал къан, яги митингал гьарун бихьизабула жидерго разилъи гьечIолъи. Щиб гьез гьабуниги къанун хвезабугеян тIирун чIун гIорхъаби цIунулелги рукIуна.
Июль 26, 2012
Конституцияги буго рукъ бацIцIунеб чIорто гIадин малакь мерхьунеб

Дагъистаналъул конституциялъул хIурматалда июлалъул 26 абилеб къо республикаялда гIодобкъолъун лъазабун букIана. Республикаялъул тахшагьаралда киса-кирго ран рукIана Дагъистаналъулги Россиялъулги байрахъал, батIи-батIиял кьеразул понцIораби, лъун рукIана тIугьдул. Гьабуна кеп-ихтилат.
Июль 26, 2012
Европаялъул диваналъул суалазе жаваб кьезе буго Россиялъул хIукуматалъ

Исана марталда Европаялъул диваналъ къабул гьабуна Дагъистаналдаса гIарза.Гьеб ккола ГIалиев Сиражудинги гьесул вацгIал ГIабдуллаев ГъазимухIамадги рикъиялда хурхараб хитIаб.
Июль 24, 2012
ЦIияб Костекалда чIвана Абу МугIазил чагIи

24 июлалда Хасавюрт мухъалъул ЦIияб Костекалда сверун ккун цо чиясул минагун аскарияз чIвана лъабго чи. Терроралда дандечIараб миллияб комитеталъ лъазабулеб буго гьел кколин Гъизилюрт мухъалъул амирлъун вукIарав Темирбеков Темирбекил къокъаялдаса чагIи.
Июль 23, 2012
ГьанжелъагIан щай руцIцIун чIарал, яги бугьтаналдаса рорчIизе нух

Коммерциялъул гурел жамгIиял гIуцIабазда хурхун Россиялъул Пачалихъияб Думаялъ бахъараб къанун хIалтIизе лъугьуна 120 къоялдасан. Гьелъул аслияб мурад ккола гьел гIуцIабаз жидеего къватIиса пачалихъаздаса бачIунеб гIарцул сияхI кьей. Официалияб къагIидаялда гьел ине ккола жал къватIир пачалихъазул жасусал ругилан абураб сияхIалда чIезе.
Июль 21, 2012
Семендералда низам цIунулез кIиго чи чIвана

МахIачхъалаялда цIидасан багъарана кьвагьа-гIанхъи – гьаб нухалда шагьаралъул рагIалда бугеб Семендералда.
Июль 20, 2012
Къанун къвакIараб букIуна, хасго... полициялъе къварагIани

Хасавюрталъул полициялда жанив тIамун вугев Джакаев ГIабдурахIман эркен гьавеян гIарза хъвана 20 июлалда адвокат Сапият МухIамадовалъ гьеб шагьаралъул полициялде. Гьединабго гIарза гьелъ Дагъистаналъул ТIадегIанаб диваналъул коллегиялдеги битIана.
Июль 19, 2012
Ж. Абакаров: диде гIайиб гIунтIизабулезда авиация щибалигицин лъаларо

Дагъистаналъул авиалиниязул офисалда документазул хал гьабизе байбихьана цIех-рехчагIаз. Авиациялъе цIатари босулаго кIинусго миллионалдаса цIикIкIун гъурщил багьаяб хIилла гьабунин рикIкIунеб буго цIех-рехчагIаз.
Июль 13, 2012
Лъимер бухарасе-лъабго сон, 80 чи вухаразе щибниги гьабичIо

Полициялъул хIалтIухъабаз 15 сон барав АхIмадов МахIмуд вухиялда бан кIиго соналъ халатбахъараб диван ахиралде щвана.
Июль 13, 2012
Бугьтан багьалъизе рес буго

Коммерциялъул гурел жамгIиял гIуцIабазе гIарац къватIипачалихъалдаса щолеб батани, гьел хасаб сияхIалдеги росизе кколин, гьезда цIарал къватIипачалихъазул агенталинги лъезе бегьулин абураб пикру кьуна Россиялъул Пачалихъияб Думаялъе тIадчагIазулин рикIкIунеб «Цогояб Россия» партиялъ.
Июль 11, 2012
Россиялъул тушман жамгIиял гIуцIабазда гуро вугев

КъватIиб пачалихъалдаса гIарацги щолел, политикаялдехун хурхенги бугел коммерциялъул гурел жамгIиял гIуцIабазда хурхараб къанун бахъун буго Россиялда. Нагагьлъун Пачалихъияб Думаялъ гьеб къабул гьабуни, гьединал гIуцIабазда цIар лъезе буго къватIипачалихъалъул жасусалилан. Гьеб буго «Единая Россиялда» лъикIаблъун бихьараб къануналъул проект. Гьеб къанун хвезабурав чиясе гьабулеб тамихIги гьадинаб буго – ункъо соналъул туснахъ яги цо млн гъурщил гIакIа.
Июль 07, 2012
«Мишель Платини, вачIа Дагъистаналде! Хисизабе дурго хIукму!»

7 июлалда МахIачхъалаялъул стадионалда Анжиялъул рахъккураб митинг Дагъистаналъул гимналдасан байбихьана.
Июль 06, 2012
«Цоял биххизабулел, цогидал – балел ругоха»

Дагъистаналда салафияздагун тIарикъаталъулаздаги гьоркьоб лъазабураб ракълие квал-квал гьабулеб бугин рахIатхун руго диниял церехъабигун жамгIиял гIуцIаби. Гьеб рахIатхвеялъе ахирисеб гIиллалъун рехсолеб буго гьанжегIагар Астраханалдаса вачун арав ЦIумада мухъалъул Лъондодаса лъабго гIолохъанчи.

Загрузить еще

XS

SM

MD

LG