Рубрики

Новость часа

Зульфия ХIажиева

Автор Зульфия ХIажиева

Июль 20, 2013
АхIмад Чилиловасул рокъоб чIухь бана

19 июлалда низам цIунулез чIухь бана «Новое дело» газеталъул бетIергьан АхIмад Чилиловасул рокъоб.
Июль 19, 2013
Киналго партиязул кандидат - ГIабдулатIипов

Дагъистаналъул президентлъиялде кандидатлъун политикиял партияз вихьизавулев вуго гьабсагIаталда республикаялъе нухмалъи гьабулев вугев ГIабдулатIипов Рамазан. Гьесдаго цадахъ руго гьел партиязул церехъабиги. Амма ГIабдулатIиповасул бергьине ресал цIикIкIун ругин рикIкIунеб буго экспертаз.
Июль 16, 2013
Дагъистаналъул букIинеселда тIасан пикраби

16 июлалда Москваялда гьоркьор лъун рукIана Дагъистаналъул букIинеселда хурхарал суалал. ЦIадуцаги хвалчацаги хIасил кьоларин, ракълица гурониян абураб пикру загьир гьабуна гьениб.
Июль 15, 2013
Анкьго соналъ цебе гьабураб цIогь

Дагъистаналъул Хасавюрт мухъалда байбихьун буго гьанжеялдаса анкьго-микьго соналъ цебе бикъараб пачалихъалъул гIарцул лъалкI балагьизе. Амма гьеб мехалда гьенив вукIарав нухмалъулев ГIалимсолтlан Алхаматов чIван вукIана 2009 соналда.
Июль 13, 2013
ХIинкъи бугеб МахIачхъала

13 июлалда МахIачхъалаялда ккурав ГIумар Мустафаев мукIурлъун вуго кватIичIого Хучни росдал полиция кьвагьизабизе цо гIадан хIадурулей йикIиналъе.
Июль 12, 2013
«Жаназабазул» къанун хисизабулеб гьечIо

ГIагарлъиялъухъе рукъизе жаназаби кьунгутIи я Шималияб Кавказалъул халкъазул, ялъуни гIурус культураялда данде кколеб жо гуро. Гьединлъидал хъачагъал хIисабалда рикIкIарал чагIазул жаназаби рукъизе кьунгутIиялда хурхун бахъараб къанун хисизабеян гьаризе ккола Россиялъул президент Владимир Путинида.
Июль 10, 2013
Царнаевасда тlад диван байбихьулеб буго

Америкаялда 10 июлалда байбихьула Царнаев Жовгьарида тIад диваналъул процесс. Гьесда гIунтIизабулеб буго Бостоналда марафоналъул заманаялда теракт гьабиялъул, пасалъи гьабулеб ярагъ хIалтIизабиялъул ва ункъго чи чIваялъул гIайиб. Гьев гIайиб бугевлъун лъазабуни, гьев чIвазе яги гIумруялъго жанив тIамизе хIукму къотIизе рес буго. Теракт гьабиялда щаклъи бугев Жовгьарил кIудияв вац Тамерлан чIван вукIана полициялъулгун ккараб кьвагьа-гIанхъиялда. Гьезул эбел-эмен гьабсаг1аталда Дагъистаналда, Мах1ачхъалаялда руго. Гьез инкар гьабун буго Америкаялде ине.
Июль 10, 2013
МахIачхъалаялъул банкалъе хIалтIизе гьукъана

Россиялъул Банкалъ заманалъул администрация тун буго МахIачхъала шагьаралъул муниципалияб банкалъе нухмалъи гьабизе. Гьелъухъа 8 июлалда нахъе босун букIана лицензия. Цiитараб администрациялъул бетIерлъун тун вуго Дагъистаналъул Миллияб Банкалъул хIалтIухъан Ардаев Камиль. Гьедин лъазабулеб буго Россиялъул Банкалъул къватIисел ва жамгIиял бухIеназул идараялъ. Ахираб заманаялда республикаялда къан рукIана цоги чанго банкги.
Июль 09, 2013
ВахIшияб чаналъул къурбан

АхIмаднаби АхIмаднабиев чIвазе киналгIаги гIиллаби рукIинчIин, гьев вукIанин жиндиего бокьулеб кIиго иш гьабулев чи – журналистикаги тохтурлъиги.
Июль 06, 2013
ХIижаб хисун - чохтIо

«Лъай кьеялъулги, культураялъулги министерлъиялъе, гьединго бусурбабазул идараялъе тIадкъай кьун буго дица цадахъ гIодорги чIун школлъималазе цогояб ретIел ургъизе. ТIадагьаб кIаз щай букIине бегьулареб? Бокьани чIвай гьеб, бокьичIони чIваге», - гьедин абуна гьал къоязда республикаялъул нухмалъулев Рамазан ГIабдулатIиповас хIукуматалъул данделъиялда.
Июль 06, 2013
БакIал ралезул данделъи

Гьез гьенир рорхизе руго МахIачхъалаялда ва гьелда сверухъ ралел бакIазда хурхарал суалал. Масала, аслияб букIине буго рарал бакIазул хъвай-хъвагIай гьабизе пачалихъиял хъулухъчагIаз гьездаса тIалаб гьабулел ришватазул суал.
Июль 03, 2013
Москваялъул диваналъ Амиров эркен гьавичIо

3 июлалда Москваялъул диваналъ инкар гьабуна МахIачхъалаялъул вукIарав мэр СагIид Амиров туснахъалъуса виччазе. Адвокатаз гьарулеб букIана цIех-рех лъугIизегIан гьев Москваялда бугеб жиндирго рокъове виччайин. Щайгурелъул гьев кутакалда унтун вугин. Амма хIакъикъаталда гьесул бугеб унти чIезабурал документал тIагIун рагIула.
Июль 01, 2013
Дагъистаналъул нухмалъиялда хъулухъал лъие щвелел?

Дагъистаналъул нухмалъиялъ лъазабуна тIадегIанал хъулухъазда толел гIадамазул резерв гIуцIулеб бугилан.
Июнь 29, 2013
Дилималда «вертолеталъул майданалдаса» гIарзал

Жидер мухъалда гIагараб заманалда кинал рукIаниги хиса-басиял ккезе рукIиналда хьул къотIун букIанин жидер, амма Дагъистаналъул бетIерлъун заманаялъ тарав ГIабдулатIипов Рамазаница телевидениялдаса мухъалъул бетIерасе лъазабиял гьарураб мехалда лъикIаб букIиниселда хьул бижанин жидерин рикIкIунеб буго Казбек мухъалда митингалде ракIарун рукIарал гIадамаз. Мухъалъул бетIер хиси тIалабго дагьал цересел къоязда тIобитIараб митингалда хурхун мухъалъул администрациялъул комментариял гьечIого жегиги.
Июнь 25, 2013
Зубейдат Царнаева Америкаялде ине гьечIо

Жовгьар Царнаевасул эбел Зубейдат Царнаева Америкаялде ячIинехъин гьечIо гьесие диван гьабулеб мехалда.
Июнь 21, 2013
Уздалросулъа лъабгояв ккуна

21 июналда Хунзахъ мухъалъул Уздал росу сверун ккун букIана радалалдаса къалъуде щвезегIан.
Июнь 20, 2013
ХъулухъчагIазул мал-мулкалда сверун суалал руго

Россия тун къватIиб бугеб мал-мулкалъул хIисаб кьезе тIадаблъун гьабулеб буго чиновниказда Дагъистаналъул нухмалъулев Рамазан ГIабдулатIиповас. Гьел баянал гьез исана 1 июлалде щвелалде хIадур гьаризе ккола.
Июнь 19, 2013
Сугъулдерида сверухъ хIаял

Дагъистаналъул Халкъияб мажлисалъул депутат ва бизнесмен Шамиль ГIисаевас Москва шагьаралъул диваналде гIарза хъван буго Россиялъул журналистал Орхан Жамалида ва Максим Шевченкода тIасан. Гьединго гьеб гIарзаялда рехсолел руго ГIисаевасда тIасан гьез къватIибе кьураб информация тIибитIизабурал информ-алаталги. Гьедин интернеталде рехун букIана "Черновик" газеталъул бетIергьан Камалов ХIажимурадги "Сугъралъ" газеталъул бетIерав редактор АхIмадилов ГIабдулмаликги депутат ГIисаев Шамилица чIванилан хъвараб макъала. Гьелдаса хадуб журналист Максим Шевченкоца гьебго пикру такрар гьабуна «Дождь» абураб телекомпаниялдасан ва Rukavkaz сайталдасан.
Июнь 17, 2013
Лъица гIадамал диналде гIагар гьаризе кколел?

Дагъистаналда буго батIи-батIияб даражаялда исламияб лъай кьолеб цIалул 1 847 идара. Гьел ккола мадрасабиги, мажгиталги, цогидалги. Амма гьенир хIалтIулел чагIазул жидерго лъай мукъсанаб буго.
Июнь 15, 2013
Гъаякенталде Мурат ШихсагIидов виччазехъин гьечIо

Гъаякент мухъалъул гIадамал рази гьечIо жидер мухъалъул нухмалъулевлъун къватIиса чи теялда. 55 азарго чияс гIумру гьабулеб жидер мухъалда нухмалъиялда тезе чи щвечIого вукIинарила.

Загрузить еще

XS

SM

MD

LG