Халкъияб Мажлисалъул 82 депутатас кьуна гьесие гьаракь. Эркенлъи радиоялъ цебеккун бицухъе, 22 июлалда тIубан Дагъистаналъул хIукумат нахъе битIун букIана республикаялъул президентасул ишал тIуразарулев Рамазан ГIабдулатIиповас.
Дагъистаналъул цIитарав премьер гьанжелъагIан 17 соналъ республикаялъул финансазул министрлъун хIалтIана. Кьвагьизавурав жиндирго вацасул бакIалда тун вукIана ГIабдусамад ХIамидов гьеб хъулухъалда. ХIалтIизе лъаялдаго цадахъ чиясул гIамал-хасияталъул рахъги хIисабалде босизе кколин гьединаб мехалдайин абуна республикаялъул президентасул ишал тIуразарулев Рамазан ГIабдулатIиповас.
Премьер-министрлъун тезе чагIазда гъорлъ рехсолел рукIана батIиял чагIазул цIарал – цеве Халкъияб Мажлисалъул вукIарав спикер МухIамад Сулейманов, гьанжесев спикер Хизри ШихсагIидов. Абулеб букIана цеве Дагъистаналъул вукIарав нухмалъулев МухIамадсалам МухIамадовгицин тIадвуссине бегьулин.
Гьав ГIабдусамад ХIамидовасул цIар къанагIат бахъулеб букIана. 22 июлалда жинца хIукумат нахъе битIун хадуб жинда цо чияс абунин гьелъие мун моцIалъниги кватIанилан бицана ГIабдулатIиповас. Республикаялда гIемер бицунеб буго цеве гьеб хъулухъалда вукIарав Мухтар Мажидовасдаги Рамазан ГIабдулатIиповасдаги гьоркьоб ккараб дагIбаялъул.
Амма лъилгунниги дагIба ккечIин жиндир, живгун дагIбадизеги кколарин нужин лъазабуна премьер министр тIамулеб сессиялда Рамазан ГIабдулатIиповас. Цин бугони жив саназ кIудияв вугила нужедаса, кIиабизе бугони, хъулухъалъ кIудияв вугила.
Рамазан ГIабдулатIипов: «Гьабщинаб заманалда жаниб хIукуматалда кинабгIаги дагIба-къец букIинчIо. ГIицIго хIалтIуда тIасан рукIана ричIчIуларел, данде кколарел бакIал. Дида абулеб букIана хIукуматалда хиса-басиял гьаризе сентябралдалъагIан чIайилан. Амма Дагъистан сентябралде щвезегIан чIун бажаруларо.
Щайин абуни цIияб заманалад рекъон хIалтIизе лъалеб гьечIо хъулухъчагIазда. Гьел хадур гъолел гьечIо хIалтIуда. БитIараб бицани, министразул кабинет нахъе битIаниги, гьел киналго хисизехъин гьечIо, щайин абуни гьенир тезе чагIи гьечIого. Гьалщинал соназда жанир хIадурун гьечIо гьел.
ПалхIасил, премьерасул хъулухъалде ГIабдусамад ХIамидов вихьизавулев вуго дица.
Финансазул министрлъун хIалтIулаго гьесда лъидасаго лъикI бичIчIун батила республикагун ва федералияб хIукуматгун кин хIалтIизе кколелали».
Хадур Халкъияб Мажлисалда фракциял ругел киналго партиязул нухмалъулелги рахъана премьер ХIамидовасдехун жидер лъикIаб бербалагьи бугилан бицине.
Гьеб хIужаялда бан гьадин хъвалеб буго 26 июлалда къватIибе бачIунеб «Миллат» газеталда:
«Вацал ХIамидовалги, Сулимановалги, ГIумаровалги руго даргиязул политикияб элитаялда гъорлъ жакъа бищунго рагIи билълъарабин рикIкIунеб тухумалъул чагIи.
Рамазан ГIабдулатIиповасулгун гьезул гьудуллъи ва лъикIал гьоркьорлъаби кидаго рукIана, ГIабдусамадил вац ХIамидидаса рахъарал. ХIукуматалъул нухмалъулесул хъулухъалде ГIабдусамад ХIамидов тIамиялъе хIисабалде росарал рахъазул аслияздаса цояблъун гьебги батила, президентасе кIвар бугеб хъулухъалда божарав чи хIажат вукIун.
17 соналъул министрасул хIалбихьиги гIураб болжал буго хъулухъалъе, гьеб рахъалъги квербакъун батила. ХIасил калам, цIияв премьер тIамуна, халкъалъ гьев лъикI къабул гьавилин абизе кIоларо.
ГIемераб мехалъ хъулхъалда рукIарал, Дагъистаналда ришватги, цIогьги тIегьазабурал соназул вакилзаби лъикI къабул гьаризе ресги гьечIо.
ЦохIо хвасарлъи буго ГIабдусамад ХIамидовасе гьев хъулухъалда - Рамазан ГIабдулатIиповас тун вукIин, Рамазанил абуни жакъа тарихалда жаниб цониги республикаялъул нухмалъулесул букIинчIеб рейтинг буго.
ХIамидовас президент гъоркьейищ, яги президентас ХIамидов тIадейищ цIалевали лъагIалил цебетIеялъул хIасилаз борцина».
ЦIияб хIукуматалда гъорлъ федералиял идарабазул хIалтIуда хадуб хъаравуллъи кколев вице-премьерасул хъулухъ хIажат бугиланги абуна хIукуматалъул нухмалъулев тасдикъ гьавулеб данделъиялда Рамазан ГIабдулатIиповас.
Гьесул рагIабазда рекъон, цойги вице-премьерасул хъулухъ хIажат буго. БакIалъул министерлъабиго гIадин, федаралиялги хадур гъолел гьечIо президентас гьабулеб хIалтIуда.
Дагъистаналъул цIитарав премьер гьанжелъагIан 17 соналъ республикаялъул финансазул министрлъун хIалтIана. Кьвагьизавурав жиндирго вацасул бакIалда тун вукIана ГIабдусамад ХIамидов гьеб хъулухъалда. ХIалтIизе лъаялдаго цадахъ чиясул гIамал-хасияталъул рахъги хIисабалде босизе кколин гьединаб мехалдайин абуна республикаялъул президентасул ишал тIуразарулев Рамазан ГIабдулатIиповас.
Премьер-министрлъун тезе чагIазда гъорлъ рехсолел рукIана батIиял чагIазул цIарал – цеве Халкъияб Мажлисалъул вукIарав спикер МухIамад Сулейманов, гьанжесев спикер Хизри ШихсагIидов. Абулеб букIана цеве Дагъистаналъул вукIарав нухмалъулев МухIамадсалам МухIамадовгицин тIадвуссине бегьулин.
Гьав ГIабдусамад ХIамидовасул цIар къанагIат бахъулеб букIана. 22 июлалда жинца хIукумат нахъе битIун хадуб жинда цо чияс абунин гьелъие мун моцIалъниги кватIанилан бицана ГIабдулатIиповас. Республикаялда гIемер бицунеб буго цеве гьеб хъулухъалда вукIарав Мухтар Мажидовасдаги Рамазан ГIабдулатIиповасдаги гьоркьоб ккараб дагIбаялъул.
Амма лъилгунниги дагIба ккечIин жиндир, живгун дагIбадизеги кколарин нужин лъазабуна премьер министр тIамулеб сессиялда Рамазан ГIабдулатIиповас. Цин бугони жив саназ кIудияв вугила нужедаса, кIиабизе бугони, хъулухъалъ кIудияв вугила.
Рамазан ГIабдулатIипов: «Гьабщинаб заманалда жаниб хIукуматалда кинабгIаги дагIба-къец букIинчIо. ГIицIго хIалтIуда тIасан рукIана ричIчIуларел, данде кколарел бакIал. Дида абулеб букIана хIукуматалда хиса-басиял гьаризе сентябралдалъагIан чIайилан. Амма Дагъистан сентябралде щвезегIан чIун бажаруларо.
Щайин абуни цIияб заманалад рекъон хIалтIизе лъалеб гьечIо хъулухъчагIазда. Гьел хадур гъолел гьечIо хIалтIуда. БитIараб бицани, министразул кабинет нахъе битIаниги, гьел киналго хисизехъин гьечIо, щайин абуни гьенир тезе чагIи гьечIого. Гьалщинал соназда жанир хIадурун гьечIо гьел.
ПалхIасил, премьерасул хъулухъалде ГIабдусамад ХIамидов вихьизавулев вуго дица.
Финансазул министрлъун хIалтIулаго гьесда лъидасаго лъикI бичIчIун батила республикагун ва федералияб хIукуматгун кин хIалтIизе кколелали».
Хадур Халкъияб Мажлисалда фракциял ругел киналго партиязул нухмалъулелги рахъана премьер ХIамидовасдехун жидер лъикIаб бербалагьи бугилан бицине.
Гьеб хIужаялда бан гьадин хъвалеб буго 26 июлалда къватIибе бачIунеб «Миллат» газеталда:
«Вацал ХIамидовалги, Сулимановалги, ГIумаровалги руго даргиязул политикияб элитаялда гъорлъ жакъа бищунго рагIи билълъарабин рикIкIунеб тухумалъул чагIи.
Рамазан ГIабдулатIиповасулгун гьезул гьудуллъи ва лъикIал гьоркьорлъаби кидаго рукIана, ГIабдусамадил вац ХIамидидаса рахъарал. ХIукуматалъул нухмалъулесул хъулухъалде ГIабдусамад ХIамидов тIамиялъе хIисабалде росарал рахъазул аслияздаса цояблъун гьебги батила, президентасе кIвар бугеб хъулухъалда божарав чи хIажат вукIун.
17 соналъул министрасул хIалбихьиги гIураб болжал буго хъулухъалъе, гьеб рахъалъги квербакъун батила. ХIасил калам, цIияв премьер тIамуна, халкъалъ гьев лъикI къабул гьавилин абизе кIоларо.
ГIемераб мехалъ хъулхъалда рукIарал, Дагъистаналда ришватги, цIогьги тIегьазабурал соназул вакилзаби лъикI къабул гьаризе ресги гьечIо.
ЦохIо хвасарлъи буго ГIабдусамад ХIамидовасе гьев хъулухъалда - Рамазан ГIабдулатIиповас тун вукIин, Рамазанил абуни жакъа тарихалда жаниб цониги республикаялъул нухмалъулесул букIинчIеб рейтинг буго.
ХIамидовас президент гъоркьейищ, яги президентас ХIамидов тIадейищ цIалевали лъагIалил цебетIеялъул хIасилаз борцина».
ЦIияб хIукуматалда гъорлъ федералиял идарабазул хIалтIуда хадуб хъаравуллъи кколев вице-премьерасул хъулухъ хIажат бугиланги абуна хIукуматалъул нухмалъулев тасдикъ гьавулеб данделъиялда Рамазан ГIабдулатIиповас.
Гьесул рагIабазда рекъон, цойги вице-премьерасул хъулухъ хIажат буго. БакIалъул министерлъабиго гIадин, федаралиялги хадур гъолел гьечIо президентас гьабулеб хIалтIуда.
