د بشري حقونو د څار سازمان وايي، طالبانو په خپله درې کلنه واکمنۍ کې په لسهاوو د بشري حقونو، د زدهکړو، مدني فعالانو او په نورو بېلابېلو نومونو په لسګونه کسان نیولي او شکنجه کړي دي. په دغه راپور كى هغه خبريالانو او مدني فعالانو سره خبرى شوي چې د طالبانو په زندانونو کې بندیان وو.
دری کاله وړاندې د ۲۰۲۱م کال د اګست په ۱۵مه د طالبانو ځواکونه کابل ته ننوتل او د محمد اشرف غني په مشرۍ حکومت ړنګ شو. غني او د هغه د کابینې نږدې ټول غړي له کابله ووتل او ارګ د طالبانو لاس ته ولوېد. طالبان تر اوسه پورې افغانستان د سرپرست حکومت په توګه اداره کوي او هېڅ هېواد یې په رسمیت نه پېژني.
محمد جواد د افغانستان په ملي اردو کې د خدمت پر مهال د طالبانو پر وړاندې په جګړه کې ژوندی پاتې شو، خو کله چې دغه وسلهواله ډله په ۲۰۲۱م کال کې واک ته ورسېده، هغه وتښتول شو او تر شکنجې لاندې ووژل شو. د بشري حقونو ډلو د سلګونو نورو پوځیانو د هدفي وژنو، ورکېدلو او غیرقانوني نیولو اسناد ثبت کړي دي.
د هرات په اسلام قلعه ګمرک کې د چهارشنبې ماسپښین د دوه نیمو بجو شاوخوا کې اور لګېدلی دی. د اور وژنې ډلې سیمې ته رسېدلي، خو تر اوسه نه دي بریالي شوي چې د لګېدلي اور مخه ونیسي. په خپله د ګمرک مسوولانو د دې پېښې په تړاو څه نه دي ویلي چې دا اور څرنګه لګېدلی، علت یې څه دی او څومره زیان یې اړولی دی.
یو شمېر افغان معترضو مېرمنو د طالبانو د حکومت د درېیمې کلیزې پر مهال اعتراض وکړ. د طالبانو له وېرې دغه اعتراضونه په تړلو ځایونو یا له افغانستانه بهر ترسره شول. طالبانو په تېرو درېیو کلونو کې بیا بیا مدني اعتراضونه او د ښځو لاریونونه ځپلي دي.
راپورونه وايي، د دوشنبې په ورځ په تورخم کې د طالبانو او پاکستانیو ځواکونو ترمنځ نښته شوې ده. تراوسه هېڅ لوري د دې نښتې په اړه څه نه دي ویلي. تر دې مخکې دواړو لوریو څو ځله د ډیورنډ کرښې په بېلابېلو سیمو کې نښتې کړي چې ځاني او مالي زیانونه یې درلودل.
د کابل د لوېدیځ دشت برچي د تېلو ټانک په سیمه کې نن یکشنبه د اسد ۲۱مه د سپرلیو په یوه موټر چاودنه شوې ده. د طالبانو حکومت ویلي، په پېښه کې یو کس وژل شوی او ۱۱ نور ټپیان دي. خو د سیمې خلکو ادعا کړې چې د مرګژوبلې شمېره ډېره ده. تراوسه د دې پېښې مسوولیت چا نه دی منلی.
په داسې حال کې چې د ۲۰۲۴م کال د پاریس المپیک سیالۍ پای ته په رسېدو دي، د ازادې اروپا/ازادي راډیو د دغو تلپاتو سیالیو یو شمېر صحنې چې د دې راډیو د کاري حوزې لوبغاړو په کې ګډون درلود، منعکس کړي دي. د پاریس المپیک سیالیو د اګست په ۱۱مه پای ته رسېږي.
۲۳ کلنې مرجان عزیزي په هرات ولایت کې یوه قهوه خانه جوړه کړې، چې ښځې او نارینه کولی شي په مشخصو ټاکل شویو جلا جلا وختونو کې هلته لاړې شي او قهوه وڅښي. پهدې قهوه خانه کې د مشتریانو لپاره د مطالعې زمینه هم برابره شوې ده.
پرون په ټولنیزو رسنیو کې یوه زړه بوږنوونکې ویډیو خپره شوه، چې پهکې یو ایرانی پولیس له یو افغان ځوان سره د تاوتريخوالي ډک چلند کوي. دا ۱۶ کلن ځوان د مهدي موسوي په نوم پېژندل شوی دی. د مهدي موسوي کورنۍ اوس په یوه ویډیو کې ویلي، هغه "ذهني معلولیت" او د اورېدلو ستونزه لري
فارغان وايي، د دوی نظري زدهکړې ښې وې، خو د عملي زدهکړو لپاره يې اړینې طبي ټکنالوژۍ، وسایلو او نورو امکانات ته لاسرسی محدود و. نور حال د نجیبالله الوخېل په راپور کې:
نور راوښيه
