"پاکستان کې د افغان کډوالو جبري ایستلو پر ضد د ګډ اقدام کمیټې غږ اوچت شو
د افغانستان د سویل کندهار، زابل اوارزګان ولایتونو د یو شمیر ولسواليو اوسېدونکي وايي، د شدیدې وچکالۍ او اوبو د نشتون له امله د خپلو سیمو پرېښودو اړې شوې دي. دویي ازادي راډیو سره خبرو کې وویل چې په سیمو کې یې د اوبو کچه تر ۱۲۰ مټرو هم زیات ټیټه شوې.
په داسې حال کې چې یو شمېر بې وزله او بې سرپرسته کورنۍ په افغانستان کې د طالبانو د حکومت او خیریه بنسټونو له لوري د دوی وضعیت ته د نه پاملرنې له امله شکایت کوي د طالبانو حکومت د عدلیې وزارت ویلي چې په ۱۴۰۳ لمریز کال کې یې له بې وزله کورنیو سره سلګونه زره ډالره مرسته شوې ده.
په ملګرو ملتونو کې د افغانستان دایمي استازولۍ د پاکستان له دولته غوښتي چې له دې هیواده د افغان کډوالو د ایستلو پرېکړه له سره وارزوي. د استازولۍ سرپرست نصیر احمد فایق اندېښنه ښودلې چې ددغو کډوالو ژوند په افغانستان کې له جدي ګواښونو سره مخ دي. UNHCR هم له پاکستان غوښتي چې افغان کډوالو ته وخت ورکړي.
اوکرایني ځواکونه د روسیې دننه د پوځ سره تړليو تاسیساتو باندې په خپلو پرله پسې هوایی بریدونو په کرملین باندې فشار ته دوام ورکوي. کیف او مسکو دهغه ضرب الاجل په درشل کې چې دامریکا ولسمشر د سولې دیوه تړون د منلو لپاره کرملین ته ټاکلی پر یوبل بریدونو ته زور ورکړی دی.
په داسې حال کې چې د افغانستان خلک د هوا له ګرمېدو سره سم د برېښنا له کمښت او پرله پسې پرچاویو شکایت کوي، د طالبانو حکومت د ۱۰ ملیارد امریکایي ډالرو په ارزښت د برېښنا د تولید لوی تړون لاسلیک کړ. طالب چارواکو ویلي، د دې پروژې په پلي کولو سره به افغانستان د انرژۍ په سکتور کې بشپړ ځان بسیاینې ته ورسیږي.
د کابل د حقوقو او سیاسي علومو د پوهنځی فارغ یو محصل د کابل په کارته نو سیمه کې بیریاني پلوري. وايي خپل مسلک کې ورته کومه دنده پیدا نه شوه نو اړ شو چې یو رستورانت کې شاګرد شي، کار زده او بیا د خپل لاس دیګي، ګټې وټې ته کښیني.
د پاکستان حکومت په دې هیواد کې میشتو ۱ عشاریه ۴ میلیونه د POR کارت لرونکو افغان کډوالو ته له دې هیواده د وتلو خبرداری ورکړی. که څه هم تمه وه چې دغه کارټونه ښايي یوځل بیا تمدید شي، خو د کورنیو چارو وزارت دټولو صوبو امنیتي ځواکونو ته امر کړی چې د پي اور ار کارت لرونکي له دې هیواده وباسي.
په کابل او لویو ولایتونو کې د برښنا د کموالي په اړه له کلونو شکایتونو وروسته بالاخره د انساني ژوند د دغې اړتیا د پوره کولو لپاره یو لوی ګام اخیستل کیږي. دې سکتور کې د لس میلیارده ډالره پانګونې تړون د شنبې په ورځ په کابل کې لاسلیک شو.
نور راوښيه
