دغه ښځينه بسکټبالرانې چې جګړې د پښو له نعمته محرومې کړي او یا پولیو ناروغۍ ترې د پښو توان اخیستی، راتلونکې ته په پوره هیله مندۍ ورزش کوي. دوی د "معلولیت ناتواني نه ده" تر شعار لاندې نړیوالو سیالیو ته ځي. د ازادی راډیو خبریال شفیع کریمي د دغې لوبډلې د تمریناتو پر مهال دا راپور برابر کړی.
ارزګان کې کلیوالي مېرمنې غواړي خپل ارمانونه پوره کړي د دغه ولایت یو شمېر کلیوالې مېرمنې وايي، لوی ارمان يې پر زوړنو کې زده کړې دي. په دې اړه نور حال شریف الله شرافت په راپور کې لیدلی شئ
د ارزګان ولایت مرکز ترینکوټ کې د یوه راکټ لګېدو ۱ ښځه وژلې او د ماشومانو او ښځو په شمول ۷ تنه نور ټپيان کړي دي. په خاص ارزګان ولسوالۍ کې په یوه بله ورته پېښه کې ۲ ښځې او ۱ ماشوم ټپيان شوي دي.
افغانستان هغه هېواد دی چې یو شمېر ښځې یې ان د رأیې اچونې په برخه کې خپلواکې نه دي. خو یو شمېر یې بیا د خپل برخلیک ټاکلو لپاره رأیې ورکولو ته لېوالې دي. ټاکل شوې چې د میزان د میاشتې په شپږمه نېټه د دغه هېواد د ولسمشرۍ انتخابات ترسره شي. لیمې هادي په دې اړه راپور برابر کړی.
څه باندې دوه لسیزې عمر یې د ښځو د کالیو په اغوستلو تېر کړ او په پای کې پوه شو چې لږه ښځه او ډېر نارینه دی. په جلال اباد ښار کې له عملیاتو وروسته د عادلې د نارینه کېدو خوب په حقیقت بدل شو. شفیع کریمي د ننګرهار ولایت د روداتو ولسوالۍ ته تللی او دغه راپور یې جوړ کړی دی.
سیتا قاسمي له ازادي راډیو سره په خبرو کې وايي، که طالبان د موسیقۍ د اورېدو حوصله او توان ولري، دا به سندرو ته دوام ورکړي. سیتا قاسمي وايي، په سل زرو ډالرو د نجونو یو ښوونځی جوړوي چې پیسې یې د هنري پروګرامونو له لارې برابرې کړي دي. ویډیو او اېډېټ: تمیم اخګر
په کندهار کې ۲۸۰ مېرمنې د غالۍ په اوبدلو بوختې دي. دوی وایي، تولید يې د سیمې په کچه دی او د پلور لپاره یې مناسب بازار لاهم نه دی پېدا شوی.
۶۵ کلنه مرضیه د لیک او لوست سره د لېوالتیا له امله اړ شوې چې د «خانه مهربان» د سواد زدهکړې مرکز ته راشي.
صحرا کریمي چې دفلم جوړونې په څانګه کې یې ترډاکټري زده کړې کړي او دافغان فیلم رئیسه شوه راتلونکې اونۍ خپل کار پیلوي. میرمن کریمي او کارونو سره یې دشفیع کریمی په دغه رپوټ کې آشنا شئ .
د عراق او ملګرو ملتونو کارکوونکو په وروستيو اوونيو کې هغه ساحه وکيندله چې د دوى په باور د يزيديانو د ٣٠ کسانو ډله ييز قبر دى. دغه کسان د داعش وسلوالو له خوا وژل شوي او په سيمه کې په لسګونو نور ډله ييز قبرونه هم شته. کله چې داعش په عراق کې ځينې سيمې ونيولې، په زرګونو کسان ووژل شول. د امريکا ږغ راپور
لیلما ناصري د جند د اعتدال، بشري حقونو، اداري فساد او سخت دريځۍ پر ضد کار کوي. ملالۍ بشیر له دې سره د مارچ مياشتې په مناسبت چې اتمه نېټه یې د ښځو نړيواله ورځ ده، له لیلما ناصري سره خبرې کړي. بشپړه مرکه دلته وګورئ.
نعيمه غني لیکواله او شاعره ده. ملالۍ بشير له دې سره د مارچ مياشتې په مناسبت چې اتمه نېټه یې د ښځو نړيواله ورځ ده، ځانګړې مرکه کړې ده.
نور راوښيه
