يو امريکايي کارپوه: طالبان او القاعده ژورې اړيکې لري
افغانستان کې موسيقي خاموشه شوې، ايران او پاکستان کې څنګه؟
" له زندان او شکنجې نه وریږم "، د کابل یوه معترضه
له ماسک سره په تلویزون څرګندیدل " منطقي نه دي"
د افغانستان او تاجکستان ترمنځ سرحدي دروازه شېرخان بندر، له ۱۰ ورځو راهیسې تړلی دی. په افغانستان کې په لسګونو لارۍ او تاجک موټرچلوونکي راګیر پاتې دي او خپل هېواد ته نه شي تللی. اکثر باروړونکي موټرونه له تاجکستانه د ډبرو سکاره او بوره افغانستان ته لېږدوي او له افغانستانه تاجکستان ته سمنټ وړي. خو شېرخان بندر ولې ناببره وتړل شو؟ په دې راپور کې یې وګورئ
د خلیفه بن زاید ال نهیان له مړینې وروسته د اوو اماراتو مشرانو نن ( شنبه) د متحدو عربي اماراتو نوی مشر انتخاب کړ. د عربي متحده اماراتو دولتي خبري اژانس راپور ورکړی چې شیخ محمد بن زاید ال نهیان نه د رایو په اتفاق د متحده عربي اماراتو د نوي مشر په توګه وټاکل شو. عربي متحده امارات له اوو اماراتو جوړ شوي چې په کې دوبۍ، شارجه، ابوظبي، راس الخیمه، عجمان، فجیره او ام القوین شامل دي.
کابل کې ځینو معترضو ښځو د طالبانو له خوا د حجاب د اجباري کېدو د فرمان په اعتراض لاریون وکړ. طالبانو تېره شنبه په یوه فرمان کې برقع/ چادري د شرعي حجاب تر ټولو غوره بڼه وبلله او ویې ویل، هر ډول کالي چې بدن پټ کړي، چسپ نه وي حجاب ګڼل کېږي. د طالبانو دغه اقدام د نړیوالې ټولنې عکس العمل هم وپاراوه. د امریکا د بهرنیو چارو وزارت پرون وویل، چې د ښځو په وړاندې د طالبانو چلند له بشري حقونو سرغړونه ده، چې له نړیوالې ټولنې سره د طالبانو اړیکې زیانمنوي.
طالبانو په هرات کې د موټر د زده کړو مرکزونو ته لارښوونه کړې ده چې نور دې نه ښځې روزي، او نه دې لایسنس ورکوي. په هرات کې د موټر د زده کړې د یوه مرکز څښتنې عادلې عدیل فرانس پریس اژانس ته ویلي دي چې د طالبانو له چارواکو څخه یې دا دستور ترلاسه کړی دی. د هرات په ښار کې د ترافیک رییس جان اقا اڅکزی وایي چې دوی د ممانعت خبره شفاهي کړې ده. د دې سربیره یوشمیر ښځې لاهم په هرات کې موټر چلوي، په دې راپور کې له دې میرمنو سره خبرې شوې دي.
له نن څخه دېرش کاله مخکې په افغانستان کې د ډاکټر نجيب الله په مشرۍ حکومت چې د پخواني شوروي اتحاد ملاتړ يې درلود نسکور شو او مجاهدين واک ته ورسېدل. دا ورځ مجاهدينو د پخواني شوروي او د شوروي ملاتړ لرونکيو افغان نظامونو پر وړاندې د خپلې بريا د ورځې په توګه ولمانځله. خو د دې لمانځنې څخه ډېر وخت نه و وتلی چې دوی په خپلو کې په بې سارې کورنۍ جګړې واوښتل. نور په دې راپور کې:
په کراچۍ کې بلوچ بریدګره څوک وه او څنګه یې دا حمله وکړای شوه؟ شاري بلوچ چې په برمش هم يادېده په کراچۍ کې د ځانمرګي برید په کولو ۳ چينايان او د هغوی پاکستانی ډرېور ووژل. بلوڅ بېلتونپالې ډلې بلوچ لېبرېشن ارمي د اپرېل په ۲۶مه شوې د دې حملې زمه واري واخیسته او وې ويل چې دغه ښځه د دوو ماشومانو مور وه. په دې ويډيو کې وينئ چې هغه څنګه پر چينايانو برید کوي. د بشير ګواښ رپورټ.
په فرانسه کې مېشت افغان کډوال وايي چې اروپايي هېوادونو ته د میلیونونه اوکرایني کډوالو له رسېدو سره سم افغان پناه غوښتونکو ته د اروپايي ټولنې د غړو هېوادونو پاملرنه لږه شوې ده. د کډوالو ځینې مدافع ټولنو هم پر هغه څه، چې دوی یې له کډوالو سره دوه ګونی چلند بولي، انتقاد کړی دی.
په بلخ ولایت کې د طالبانو د استخباراتو مشر وايي، په مزارشریف ښار کې د شیعه ګانو په یوه جومات کې د چاودنې له امله ۲۵ تنه وژل شوي دي. تر دې مخکې په مزارشریف کې د ابو علي سینا روغتون یوه چارواکي ازادي راډیو ته وویل چې په دې چاودنه کې لږ تر لږه ۱۲ کسان وژل شوي دي. داعش ډلې د بلخ ولایت په مرکز مزارشریف کې د چاودنې مسوولیت منلی دی
نور راوښيه
