د امریکا د متحدو ایالتونو ولسمشر ډونالډ ټرمپ پرون د نړۍ د نژدې ټولو هېوادونو پر سوداګریزو توکو تعرفې یا ګمرکي محصول لوړ کړ.
د ټرمپ دغه اقدام سملاسي له غبرګونونو سره مخامخ شو او اروپایي چارواکو او نورو لویو اقتصاد لرونکو د ورته اقداماتو ګواښ کړی دی.
له دې سره د چارو پوهان وایي چې د نړۍ په کچه اقتصادي جګړه هم پیاوړې کیږي.
افغانستان هم د هغو هېوادونو په ډله کې دی چې متحده ایالتونو ته پر صادرېدونکو توکو یې تعرفه لګول شوې ده.
اسداله لودین پر همدې مسلو د اقتصادي چارو له کتونکي اذرخش حافظي سره مرکه کړې او په پیل کې یې ترې پوښتلي چې تعرفه څه شی ده او ولې یې هېوادونه یو پر بل لګوي؟