تر اوولسو کلونو د کم عمره ځوانانو د فوټبال اسیا جام سیالیو د لوبډلو ډلبندي نن پنجشنبه د جنورۍ په ۲۳مه نېټه د مالیزیا په کولالمپور ښار کې وشوه چې افغانستان ته په C ګروپ کې خپلې سیالۍ کوي.
له افغانستان سره په ګروپ کې جنوبي کوریا، یمن او اندونیزیا یوځای دي.
د فوټبال اسیا جام د اوولس کلنو ځوانانو سیالۍ به روان زیږدیز کال د اپریل میاشتې په ۳یمه نېټه د سعودي عربستان په کوربتوب پیل او تر شلمې نیټې دوام ولري.
د افغانستان د زلمکو د فوټبال ملي لوبډلې د اسیا جام د لارموندنې پړاو په سیالیو کې فليپين، بنګله دېش، مکاو او کمبودیا ته تېر کال ماتې ورکړې وې او او اسیا جام ته یې لار موندلې وه.