د لوبو له میدانه اوونیزې سپورټي خپرونه کې به واورئ چې راشدخان او رحمنالله ګربز د کرکټ نړیوال شورا د یو ورځنیو لوبغاړو په تازه درجه بندۍ کې مخکې تګ کړی دی.
د فوټسال په نړیوال جام کې افغانستان د شپاړلس غوره لوبډلو په پړاو کې له پاراګوای سره سیالي کوي.
افغانستان په لومړۍ ځل له سویلي افریقا د یو ورځنیو لوبلو لوبلړۍ وګټله.
د افغان ملي لوبډلې لوبغاړي ابراهیم ځدراڼ د ښنګري عملیات کړي دي.
د افغانستان د فرسټ کلاس سیالیو په روانو لوبو کې ګڼو لوبغاړو ښې لوبې کړې دي.
د کرکټ نړیوالې شورا له لوري د ښځو شل اوریز نړیوال جام پیلېږي.
د خپرونې په دوهمې نیمايي کې پخوانی لوبغاړی دولت خان احمدزی د سویلی افریقا پر وړاندې د ترسره شوې لوبلړۍ په ارزښتونو، ملي لوبډلې په مثبتو او منفي ټکو غږېدلی دی.
دا خپرونه بختيار ساحل چمتو کړې چې د لاندې لینک په کېکاږلو سره یې اورېدلی شئ:
