د افغانستان د کرکټ ټیم سبا دوشنبې له پاکستان سره لوبه کوي.
دا د پنځوس اوریزو نړیوال جام سیالیو په ترڅ کې چې هند یې کوربه دی، د افغانستان پنځمه لوبه ده.
دغه لوبه د افغانستان په وخت د ورځې په یوه بجه پیلیږي.
له دې مخکې افغانستان له انګلستانه لوبه ګټلې او بنګله دېش، هند او نیوزیلنډ ته بایللي دي.
نن د نیوزیلنډ او کوربه هیواد هند ترمنځ لوبه ترسره کیږي.
د افغانستان بله لوبه به د اکتوبرپه دېرشمه له سریلانکا سره وي.