په غور کې د فوټسال د ۸ لوبډلو ترمنځ د رمضان جام سیالۍ پیل شوې.
د افغانستان بدني روزنې ریاست د معلوماتو پر اساس د فوټسال دغه سیالۍ د شنبې په ورځ د اپرېل په ۸مه نېټه د غور ولايت فوټبال فدراسيون له لوري د ورزش له امريت سره په همغږۍ د ٨ لوبډلو ترمنځ پيل شوې.
یاد ریاست وایي، دغه سيالۍ چې په دوه ګروپونو کې ترتيب شوې دي، دوه اوونۍ به دوام وکړي.
د بدني روزنې ریاست زیاتوي: "د دغو سياليو د پيل لوبه د استقلال او صداقت لوبډلو ترمنځ وشوه چې له ٩-١ د استقلال لوبډلې په ګټه پاى ته ورسېده."
همداراز په دويمه لوبه کې د طوفان لوبډلې ۸ د ۳ پر وړاندې د يعقوبيان لوبډلې ته ماتې ورکړه.
د ویلو ده چې د روژې میاشتې په مناسبت په بېلابېلو ولایتونو کې د فوټسال سیالۍ جریان لري.