د فوټبال نړیوال فدراسیون (فیفا) له لوري د ۲۰۲۳ کال لپاره په نړیوالو لوبو کې د افغانستان لوبڅاران اعلان شول.
د افغانستان فوټبال فدراسیون په یوه خبرپاڼه کې ویلي دي چې، د نارینو د فوټبال په سیالیو کې به حلیم اقا شېرزاد او د ښځینو په فوټبال سیالیو کې به یاسمین حیدري لوبڅاري وکړي.
دغه راز شریف سروري، ننګیالی سادات او فرشته شيخ میري به د مرستندویه لوبڅارانو دندې مخ ته يوسي.
په خبرپاڼه کې ویل شوي، چې تمیم حسيني به د فوتسال او زین الدین شریفي به بیا په ساحلي فوټبال کې د لوبڅارۍ دندې ترسره کړي.
د یادونې ده چې د افغانستان فوټبال فدراسیون د ملي لوبډلې د نوي روزونکي د ګومارلو او راتلونکو څلورو کلونو لوبیز پلان د اعلانولو خبر هم ورکړی و.