امریکايي چارواکي وايي چې د پوتین له وروستیو څرګندونو سره سره روسیې په اوکراین کې د جګړې د پای ته رسولو لپاره خبرو ته کومه لېوالتیا نه ده ښودلې.

یوه ورځ وروسته له هغې چې د اوکراین ولسمشر ولودومیر زیلینسکي واشنګټن ته سفر وکړ، د روسیې ولسمشر ولادیمیر پوتین پرون وویل چې روسیه په اوکراین کې د «جګړې د پای ته رسولو» په لټه کې ده او له کییف سره خبرې نه ردوي.

خو د سپینې ماڼۍ د ملي امنیت ویاند جان کربي خبریالانو ته وویل چې د پوتین کړنې "کاملاً برعکس" دي او دا چې هغه د اوکراین د جګړې د پای ته رسولو لپاره "هېڅ داسې نښې نه دي ښودلي" چې د جګړې د پای ته رسولو په هدف خبرو ته لېواله دی.

د امریکا د بهرنیو چارو وزیر انټوني بلېنکن هم ویلي چې روسیې د دې جګړې د پای ته رسولو لپاره له معقولې ډیپلوماسۍ سره کومه رښتینې علاقه نه ده ښودلې.

پر اوکراین د روسیې غیرموجه یرغل د فبرورۍ په ۲۴ پیل شوی او لا هم دوام لري.

دمتحدوایالاتو ولسمشر چین سره د یونوي تجارتي توافق خبر ورکړ چې په اساس یې لدغه هیواده مقناطیس اونادر معدنی مواد واردیږي او دچینایي اموالو تعرفه به په سلو کې ۵۵ وټاکل شي.

ډونالد ټرمپ چهارشنبې ، دغبرګولي په په ۲۱ وویل امریکا به خپلو پوهنتونو او کالجونو کې چینایی محصلینو ته د زده کړو اجازه ورکړي.

بلخوا ، په امریکایي اموالو به د چین تعرفه په سلو کې ۱۰ وي.

په وارداتي اموالو ۳۰ په سلو کې تعرفه ۵۵ فیصدو ته اوچتول دامریکا لپاره یو پرمختګ ګڼل کیدای شي.

ښاغلي ټرمپ په خپله اجتماعي شبکه ، ټروث سوشیال کې ولیکل :" مونږ چین سره هوکړه وکړه ، دما او ولسمشر شي د نهایی توافق په شرط . "

ټرمپ زیاته کړه: " چین به ټول مقناطیس او نادر ضروري معدني مواد تامین کړي. دغه راز ، په هغه څه چې مونږ له چین سره هوکړه کړې ده ، عمل پرې کوو، او دچین محصلین به د مونږ په پوهنتونو او کالجونو کې د زده کړې او تحصیل اجازه ولري( چې تل ما په دې موافقه درلوده ! )"

دمتحدو ایالاتو ولسمشر وویل :" مونږ په مجموع کې په سلو کې ۵۵ تعرفه اخلو ، او چین په سلو کې لس. اړیکه عالي ده ! "

امریکایي او چینایي مرکچیانود شنبې په ورځ اعلان وکړ چې دواړو خواوو د وروستیو اختلافاتو دحل لپاره په یوه موقت چوکاټ هوکړه وکړه چې د نادرو معدني موادو په بازار دچین برلاسی او چین ته د پرمختللې تکنالوژۍ پرصادراتو دامریکا محدودیتونه په کې شامل دي.

د متحده ایالتونو د دویم لوی ښار لاس انجلس ډېرو برخو کې تېره شپه ګرځبندیز لګیدلی و.

دا ګرځبندیز په ظاهره د هغو اعتراضونو او ناکراریو د ارامولو لپاره لګول شوی چې له پنځو ورځو راهیسې لاس انجلس کې پيل او اوس یې څو نورو ښارونو ته لمن غځیدلې ده.

دا اعتراضونه وروسته تر هغه پیل شول چې د کډوالۍ او ګمرک مسولانو د لاس انجلس په هغو سیمو کې چې ډیری وګړي يې لاتین ټبره دي، عملیات پيل کړل.

د امریکا چارواکي د عملیاتو هدف د ناقانونه کډوالو نیول او اخراج بولي.

په لاس انجلس، اسټن او یوشمېر نورو ښارونو کې مظاهرې په تاوتریخوالي اوښتي او د کنټرول لپاره یې د ملي ګارد او سمندري ځواک زرګونه سرتیري استول شوي دي.
د مظاهرو کنټرول ته د ټرمپ له خوا د پوځیانو د استولو پریکړې د امریکا دننه د پوځ د کارونې د څرنګوالي په اړه غبرګونونه هم پارولي او یوشمېر سیاستوالو دا کړنه غندلې ده.

په داسې حال کې چې د اوکراین په بندري ښار اودیسې کې د اروپایي مشرانو غونډه روانه ده، په بل ښار خارکیف کې د روسیې هوایي بریدونو درې تنه وژلي او زیات شمېر نور یې ټپیان کړي دي.

د خارکیف ښاروال ایګور ترخوف ویلي چې د روسیې ننني هوایي بریدونه په څو پوړیزو ودانیو، کورونو، لوبغالو او ترانسپوري شرکتونو باندې شوي دي.

د نوموړي په وینا، بریدونه د اورلګیدنې لامل هم شوي دي چې زیانونه یې اړولي.

د اودیسې غونډه کې چې د اوکراین او سیمې پر امنیتي مسلو ورټوله ده، د رومانیا، مولدوا، یونان، شمالي مقدونیا، کروشیا، سربیا او یوشمېر نورو هېوادونو مشران جرګه شوي دي.

د داعش د له منځه وړلو نړیوال ایتلاف یوځل بیا د اسلامي دولت ډلې یا داعش په له منځه وړلو ټینګار کړی دی.

د دغه ایتلاف په غونډه کې ویل شوي چې اروپا او متحده ایالتونو ته د داعش د ګواښونو له غځېدو مخکې باید د دغې ترهګریزې ډلې عملیاتي وړتیاوې، مالي سرچینې او د جلب او جذب هڅې وځپل شي.

د امریکا بهرنیو چارو وزارت په یوه خبرپاڼه کې ویلي چې دا یو ورځنۍ غونډه پرون سه شنبه ( د غبرګولې ۲۰) د اسپانیې په کوربه توب په مادرید کې جوړه شوې وه.

غونډه کې د بشارلاسد د رژیم له ړنګېدو وروسته په سوریه کې د داعش په ګواښونو تمرکز شوی دی.

د داعش ګواښونه په افغانستان او پاکستان کې هم موجود دي، خو په دې اړه د امریکا د بهرنیو چارو وزارت په خبرپاڼه کې کومه ځانګړې یادونه نه ده شوې.

رویترز خبري اژانس راپور ورکړی چې د امریکا په لاس انجلس ایالت کې د ولسمشر ډونالډ ټرمپ په امر د ملي ګارډ له ځای پرځای کیدو وروسته پرون سه شنبې په سلګونه سمندري ځواکونه دې ایالت ته رسیدلي، څو لاریونونه کابو کړي.

ولسمشر ټرمپ له دې وړاندې خبرداری ورکړی و چې د وضعیت د کنټرول لپاره به سمندري ځواکونه وګماري.

د رویترز په ټکو، د کلفورنیا والي ګاین نیوسوم په دې ایالت کې د سمندري ځواکونو ځای پرځای کول غیرقانوني او سیاسي کړنه بللې ده.

له تیرو پنځو ورځو راهیسې د ټرمپ د ادارې له خوا د کډوالو پر ضد د عملیاتو له پیل وروسته د لاس انجلس په ګډون د امریکا په ډير شمیر ایالتونو کې پراخ لایونونه پیل شول.

چارواکو رویترز خبري اژانس ته ویلي، ۷سوه سمندري ځواکونه د لاس انجلس په"سیل ساحل" کې په تمه دي څو په سیمه کې ځای پرځای شي.

د لاس انجلس په ګډون د کلفورنیا او یو شمیر نورو ایالتونو والیانو ویلي، پوځي ځواکونه باید یوازې په سختو حالاتو کې وکارول شي خو اوسنی وضعیت داسې نه دی.

د امریکا ولسمشر ډونالډ ټرمپ وايي، ایرن د اټومي پروګرام په خبرو اترو کې د تیرو ورځو پرتله بل ډول چلند کوي او دې موضوع هغه حیران کړی دی.

ټرمپ پرون سه شنبې فاکس نیوز سره په خبرو کې ویلي، "ایران په خبرو اترو کې د پخوا پرتله "سخت دریځه" شوی او دې چلند يې حیران کړم یم".

هغه په دې اړه نور جزیات ور نه کړل.

بل پلو، د "اکسیوس" په نوم یوې ویب پاڼې راپور ورکړی چې ولسمشر ټرمپ د دوشنبې په ورځ د اسراییلو له صدراعظم بنیامین نتانیاهو سره په ټیلفوني خبرو کې یو ځل بیا ټینګار کړی چې د ایران پر وړاندې د پوځي اقدام مخالف دی او غوره ګني چې د اټومي پروګرام د مذاکراتو د پرمختګ لپاره فرصت ورکړل شي.

د امریکايي او ایراني چارواکو ترمنځ د اتومي تړون د ترلاسه کولو لپاره پنځې دورې خبرې اترې د ایټالیايې او عمان په کوربتوب ترسره شوې خو تراوسه يې هیڅ پایله نه درلودله.

دواړو خواوو د شپږمې دورې خبرو لپاره مختلفې نیټې اعلان کړي دي.

امریکايي چارواکو ویلي، شپږم پړاو خبرې به د جوزا په ۲۲مه د پنجشنبې په ورځ وشي، خو ایران بیا د جوزا ۲۵مه د یکشنبې ورځ د دې خبرو اترو د ترسره کیدو نیټه اعلان کړې ده.

جرمني په ۲۰۲۴کال کې د ریکارډ په کچه کډوالو ته د دې هېواد تابعیت ورکړی دی.

د جرمني د احصايې فډرال ادارې نن سه شنبې اعلان وکړ چې دغه هېواد تیرکال ۲۹۱زره کډوالو ته تابعیت ورکړی دی چې د ۲۰۲۳کال پرتله ۴۶سلنه زیاتوالی ښيۍ.

د اعلان له مخې د نوي تابعیت ترلاسه کوونکې تر ډیره سوریایان دي.

په جرمني کې میشت درې سلنه افغانانو هم تیرکال د دې هېواد تابعیت ترلاسه کړی دی.

د تابعیت په قانون کې اصلاحات د دې زیاتوالي عمده لامل بلل شوی دی.

د جرمني حکومت د ۲۰۲۳کال په جون میاشت کې د تابعیت اخیستو لپاره د استوګنې شرط له اتو کلونو څخه پنځو کلونو ته راکم کړ او ان درې کالونه يې د ځانګړو مواردو لپاره ټاکلي وو.

که څه هم تیرکال ډیرو کډوالو د جرمني تابعیت ترلاسه کړی خو د جرمني نوی ایتلافي حکومت غواړي بیرته دغه اصلاحات راونغاړي او د تابعیت لپاره د لږ تر لږه پنځه کلن انتظاره موده بیرته رامنځته کړي.

پولیسو تایید کړې چې پېښه نن په ګراز ښار کې شوې او یوه زده کوونکي دا برید ترسره کړی دی.

د پولیسو په خبره ګڼ کسان ټپيان هم دي چې زده کوونکي او ښوونکي په کې شامل دي.

زده کوونکي او معلمین له ښوونځي ایستل شوي دي.

په اتریش کې داسې پېښې ډېره سابقه نه لري.

یواځې تېره فبروري میاشت د اتریش په جنوب کې یوه بریدګر د چاقو په ګوزارونو سره لږ تر لږه یو کس وواژه او ۵ نور یې ژوبل کړل.

د اسراییلو سمندري ځواکونو د لومړی ځل لپاره په یمن کې پر حدیده بندر بریدونه کړې دي.

د اسراییلو پوځ نن سه شنبې ویلي، بریدونه د سمندري ځواکونو توغندي ویشتونکو کښتو کړي دي.

د یمني حوثیانو په واک کې د "المسیره" په نوم یو خبري شبکې هم پر حدیده بندر د بریدونه خبر ورکړی خو په اړه ډیر جزیات خپاره کړې نه دي.

له دې وړاندې اسراییلو د دوشنبې په شپه په انلاین توګه په سیمه کې میشتو یمني وګړو ته خبرداری ورکړی و چې د راس عیسی، حدیده او الصلیف بندرونو څخه ووځي.

د ایران له ملاتړه برخمن د یمن حوثیانو د حماس وسله والې ډلې په ملاتړ په ځلونو پر اسراییلو د توغندیو او بې پیلوټه الوتکو بریدونه کړې دي.

امریکا متحده ایالتونه و اروپايي ټولنه حماس ډله د یو ترهګریز سازمان په توګه پیژني.

د حدیدي بندر له ۲۰۱۴کال راهیسې له کله چې حوثیانو د یمن پلازمینه صنعا نیولې ده، په میلیونو یمني وګړو ته د بشري مرستو د رسولو تر ټولو مهمه لاره ده.

د مکسیکو حکومت وویل چې دوی د مخدره توکو په لابراتوارونو باندې د چاپو په ترڅ کې له ۵۰ ملیونه ډالرو څخه د ډیر ارزښت میتامفیتامین نیولې دي.

د چارواکو په وینا دا مخدر مواد دوه څلویښت ټنه دي.

دا اعلان په داسې حال کې کیږي چې د فرانس پریس اژانس د راپور له مخې د لاتینې امریکا دغه هیواد د مخدره توکو د قاچاق د مخنیوي لپاره د متحده ایالاتو د ولسمشر ډونالډ ټرمپ له زیاتیدونکي فشار سره مخامخ دی.

د مکسیکو حکومت د دوشنبې په ورځ په یوه بیان کې وویل چې مخدره توکي د لویدیځ ایالت میچواکان په پنځو ځایونو کې د عملیاتو په ترڅ کې نیولې دي.